Turlku.
100.
Yarnangu pirni, Mama Kuurrnga-ya pukurltu marninypungama. Ngurra kutjupa-kutjupangkatja pirni, turlku-ya yinkarra Mama Kuurrnga marninypungama. 
Yuwa, tjurrtjungka-ya turlku yinkarra tjarrpama. Palunyalu Mama Kuurrnga pukurltu marninypungama. 
Nintilu-yan kulira Mama Kuurrnga Puurrpa Purlkanya nyinarranyangka. Kutju-palunyalu-lampa tjamupirti lurrtjurnu palunyaku katja yurntalpirti-ya nyinarratjaku. Nyangka ngayulutarrartu-lan palunyaku nyinarra. Ngayulu-lan Mama Kuurrku tjiipupirinypa nyinarra. Nyangka-lanya katja yurntalpirti kurrurnkurlu kanyira. 
Mapitja-ya tjurrtju kayirrpangka tjarrparralpi watjala, “Mama, walykumunulu-lanyatjun miranykanyira kanyiranytja.” Palunyatjanulu-ya tjurrtjungka ma-tjarrparralpi Mama Kuurrnga marninypungkuma. 
Yuwa, Mama Kuurrnga walykumunu mularrpa. Palunyalu-lanya mukulyanytjulu miranykanyira kanyira. Mama Kuurrtu-lanya tirtu kanyinma watjarnu wantinytjatjanulu. Puru-tjananya katja yurntalpirti marlangkatja-marlangkatjanya pakaranyangka miranykanyira kanyinma.