Kurluny-kurluny.
23.
Yuwa, tjilku-yanku wantinytjamaaltu yaka-yakara kanyinma. Yuwa, pungkula-yanku nintipungkula kanyinma. Tjiinya-yankun pungkula mirrirntankukitjamunu. Tjinguru tungun-tungunarringkulalpi yanku kutjupa-kutjupa pampulku mirrirriku, palunyakutarrartu. 
Nyaatjanungka-ya tirtu ngarltutjarra nyinarra mirrparn-mirrparnpa puru pika pungkupayi? Nyaatjanu-ya yawarra pirnitjarra puru kuru tjitirn-tjitirnpa nyinarra? 
Wiya, wamatjanu-ya palunyapirinypa nyinarra. 
Yuwa, tjingurun nyakula wama tjitirn-tjitirnpa panikinta tirri-tirrirranyangka. Wiya, nyakunytjamaaltu wanti. Tjingurun waarrpungku tjikilku. 
Nyangkanta lirrulupirinypa nyiltjitjunku. 
Nyangkan kutjupa-kutjupa nyaku. Purun pina kutjuparringkulalpi purtu kulinma. 
Palunyalunkun watjalku, “Wiya-tjinguru-rniya kutjupalu pungkulanytja. Nyangka-rna purtu kulira, ‘Nganalu-munta-rniya pungkulanytja?’ Purtu-rna kulira pakara nyinakitjalu. Wiya, yanku-rna puru tjikilku kata palyarriku.”