7 popai goo babulona <ζ>
18
(Naporomee 18)
1 Gée na càùru ê pâ pwi bèepwiri, â go côo mwara pwi jè *angela, na é boome gée napwéretòotù. Â naa têe pàtàmee na maina. Â dau maina pai muugère kêe, na é pwéelaa pàpari ê gòropuu.
É pitèié Pwiduée
1 <ζ> O téuraé
2 Ésaïe 13.21, 21.9, 34.11–14; Jérémie 50.39; Auinapàpari 14.8Â é tomara tôo pâ* Pwiri bétapoo popai goo Babulona, âna tâa na naporomee 17.:
«Ée jèe tûu *Babulona,
téura napô-bà!
[Ticè âboro wê!]
Jèe wâ kà tèpa u,
pwârawâ kâra duée,
bawâ kâra aràu,
[aucârü kâra akàna]
autâa kàra diri,
pâ macii na miiri.
3 [Tojii tô ilàri-bà.]
É naa dipâa kêe.
Rà ipwirié pâ Ba.
Rà pâ nau pwacèwiié.
Rà pwa tûâ na miiri.
Rà ipuu imudi ma wàé,
pâ ukai gòropuu.
Wâro gée gooé
tèpa pi-icu.
Wâru mwani kàra,
gée goo pâ tûâ èpà kêe. Nabwé!»
2 <ζ> Dau maina wârimuru kêe
4 Ésaïe 48.20; Jérémie 50.8, 51.6,45; 2 Korénito 6.17Go têre ê jè pwâratùra me gée napwéretòotù, na é ina pâ:
«Tèpa naîô wée!
Uru jii Babulona.
Còobé jii tôobà.
Uru jii pâ èpà kêe.
Naaco pâ tûâ kêe.
Ba guwà péa tòpi
ê wârimuru kêe!
Dau maina aré
na go o mwa naa têe.
5 Genèse 18.20–21; Jérémie 51.9Dau wâru èpà kêe.
Dau pòri too,
tèepaa naanidò
napwéretòotù!
Go côo wakè kêe,
â câgo caa pwanauri.
6 Psaume 137.8; Jérémie 50.15,29; 2 Tésalonika 1.6Go o mwa papòé.
Naa wârimuru têe
wiâra pâ èpà kêe.
Naa têe na dau maina
jii ê pwina é pwa.
Pwaai wârado kêe.
Ba é naa dipâa kêe
[târa tubaèpà târa pâ Ba].
Pwaai mwara
goro dipâa na gòo,
ba na é wâdo côwâ.
[Â ée dau maagé goo.]
7 Ésaïe 47.7–9Dau maina nümee.
Wâru mwani kêe.
Maina ipwàdée kêe.
Êkaa na wàrapwiri:
O maina aré kêe.
Piêdò maagé kêe.
É pi-ina kêe pâ:
“Go nye tô ukai.
Câgo caa tô dàpwà.
O câgo caa côo pikîri.”
8 Auinapàpari 17.16Êkaa na wàrapwiri,
na ji caapwi tòotù,
ée pâ nau tô dàpwà.
Ée mwa côo pikîri.
Ée mwa copwa.
O cîriê naa na ânye.
Ba maina pàtàmoo,
wâgo Pwiduée
ma go pitèié. Nabwé!»
Rà imuruê tèpa âboro
3 <ζ> Tèpa ukai
9 Ézékiel 26.17, 27.30–35Wà tèpa ukai kâra gòropuu, âna rà o côo ê muru ânye, wiàna tòo Babulona, â rà o dau pi-i ma pijinünü gooé. Ba rà tèpa bée, na rà pwa pâ muru na dau èpà ma wàé. Â jèe dau pwa neemururà gée gooé. 10 Â rà o coo na wâiti wê, goro ê pai wâgotàra goo ê pai maagé kêe. [Â rà o pwùkùru.] Â rà o mwa ina pâ:
«Wârico Babulona!
Wârico napô maina!
Téura ma tubatiàué† Téura ma tubatiàué—Grec: Pitèigà.,
na ji caapwi tòotù!»
4 <ζ> Tèpa pi-icu
11 Ézékiel 27.36Rà imuruê ma pijinünü wà tèpa pi-icu wâni gòropuu, ba jèe ticè âboro cèna ée wâri cè neemururà. 12 Ézékiel 27.12,13,22[Ba wàé, na ia é mu wâri diri pâ na jèpapara muru] na dau maina wâri wèe, na rà mu icuri:
Pâ mwani mii, ma mwani pwaa;
Pâ atü na dau maina wâri wèe;
Pâ na jèpapara imwaano na dau wâdé;
Pâ upwâra na ûrea;
Pâ muru na pwa goro béokée kâra lélép⇠Béokée kâra lélépâ—Défenses d'éléphant, Ivoire.;
Pâ muru na pwa goro upwâra;
Pâ paò ma paò mii;
Pâ atü pwaa na dau wâdé§ Pé atü pwaa na dau wâdé—Marbre.;
13 Pâ na jèpapara jawé ûrea, ma wâi na ûrea;
Pâ dàuru upwâra na ûrea na jè cîri;
Pâ dipâa, ma géree, ma dàuru poloa, ma blé;
Pâ paaci ma mutô, ma pâ òoci ma wàtio;
Pâ ênawéna na piirà, na dau pwaée kàra.
5 <ζ> Tèpa pwa mwani kàra
14-15 Ézékiel 27.31,36Wà tèpa pi-icu, na dau pwa mwani kàra, gée goo i ville Babulona, âna rà o dau pi-i, ma pijinünü gooé. Â rà o ina têe pâ:
«Ticè neemurugà:
Muru na jajau,
muru na pwényuâa,
muru na wâdé tâgà.
Cau tubatiàurà.
 o câgà caa pâmarirà.»
 rà o coo na wâiti wê, goro ê pai wâgotàra goro pai maagé côo kêe.  rà o pwùkùru. 16 Auinapàpari 17.4 rà ina mwara pâ:
«Wârico Babulona!
Wàé na é coona
imwaano mii
ma bwùucùru
na kîri ê aaé.
 maina wâri wèe.
Wàé na é picûâaê
goro mwani mii,
ma pâ atü na pwâra.
17 Ésaïe 23.14; Ézékiel 27.27–29Jèe ticè têe diri
na ji caapwi tòotù!»
6 <ζ> Tèpa pâra gòro wànga
Rà picoo iti jiié mwara wà diri tàpé na rà pâra gòro wànga—wà tèpa apooro wànga, ma wà tèpa pitûâ naa gòro wànga, ma wà tèpa taa ârawéà, ma diri tèpa matélo.
18 Ézékiel 27.32Â rà o côo i muê na tòé, â rà o i, ma pi-ina tàra pâ: «Wâpà cè napô cèna wàra ê ville bèeni? Au! Nye ticè!»
19 Ézékiel 27.30–31Â rà o i, ma pijinünü, ma tü dàuru puu naa na pûrurà, [goro pai tòina kàra]. Â rà o wiikau burà ina pâ:
«Wârico Babulona!
Wârico napô maina!
Dau pwa mwani kâjè,
gée goo ville bèeni.
Téura ma tubatiàué
na ji caapwi tòotù!»
20 Deutéronome 32.43; Ésaïe 44.23; Jérémie 51.48[Êco na wàéni ê popai ba kà tèpa âboro kà Pwiduée]:
Câbu, co napwéretòotù!
Guwà ipwàdée,
âboro kà Pwiduée—
wâguwà tèpa *apostolo,
wâguwà tèpa *péroféta!
Ba é jèe téuraé,
é tojiié wà Pwiduée.
É pwa wârimuru têe,
ba é tubaèpà tàwà.
Bénabwé popai gooé
7 <ζ> O câjè mwa caa côoê côwâ
21 Jérémie 51.63–64; Ézékiel 26.21Nabwé, â go côo wà pwi jè angela na dau pwa nii kêe. Â é popa ê diopwaa kâra atü* Ê diopwaa kâra atü—Napéaati naa na grec pâ: Pwacèwii ê jè meule na maina. (Côo ânuuru aucòogai élaio naa nabibiu kâra tii.), â é tü naa nawià, â é ina pâ: «O ciura wàrapwiri wà Babulona, ville maina, â o tüê wàrapwiri, â o câjè mwa caa côoê côwâ. 22 Ésaïe 24.8; Ézékiel 26.13Â o câjè mwa caa têre côwâ cè airi gitar, ma cè pwâra uu kâra kuruò, ma cè pwâra uu tutu. O tiàu cè pwi jè a wakè goro upwâra ma paò. Â o câjè mwa caa têre côwâ cè airi atü bécaagai blé. 23 Jérémie 7.34, 16.9, 25.10Â o câ mwa caa pwéelaa côwâ cè ânye wê. Â o câjè mwa caa têre côwâ cè pwâratùra kà du a tapoo piéa.
«[O popa jiigà, co Babulona, êdiri pâ pwi bèepwiri, majoroé ê tûâ'gà na èpà.] Ba gà pwacèwii tô a pwa dooki† Gà pwacèwii tô apwa dooki—Munaa ucina goro pai maina wàra nüma tèpa âboro, ma pai naa càùrà naa goo wà Pwiduée.. Ba wà tèpa pi-icu'gà, na rà dau imaina naa na gòropuu diri, âna rà pa-imwüru ê pâ Ba diri.
24 Jérémie 51.49; Auinapàpari 17.6«Üu, [o maina wârimuru'gà] ba gà nye pwi majoroé, ba gà pòtàmwara tèpa péroféta, ma pàra tèpa âboro kà Pwiduée. Üu, dau wâru tàpé na pòtàmwararà gée googà, pitiri gòropuu; [â o pitèigà goo]‡ Pwiri popai kà Ioane, na é wii i tii bèeni, é, pwiri gòobàra popai kà pwi angela..»
18:2 Ésaïe 13.21, 21.9, 34.11–14; Jérémie 50.39; Auinapàpari 14.8
*18:2 Pwiri bétapoo popai goo Babulona, âna tâa na naporomee 17.
18:4 Ésaïe 48.20; Jérémie 50.8, 51.6,45; 2 Korénito 6.17
18:5 Genèse 18.20–21; Jérémie 51.9
18:6 Psaume 137.8; Jérémie 50.15,29; 2 Tésalonika 1.6
18:7 Ésaïe 47.7–9
18:8 Auinapàpari 17.16
18:9 Ézékiel 26.17, 27.30–35
†18:10 Téura ma tubatiàué—Grec: Pitèigà.
18:11 Ézékiel 27.36
18:12 Ézékiel 27.12,13,22
‡18:12 Béokée kâra lélépâ—Défenses d'éléphant, Ivoire.
§18:12 Pé atü pwaa na dau wâdé—Marbre.
18:14-15 Ézékiel 27.31,36
18:16 Auinapàpari 17.4
18:17 Ésaïe 23.14; Ézékiel 27.27–29
18:18 Ézékiel 27.32
18:19 Ézékiel 27.30–31
18:20 Deutéronome 32.43; Ésaïe 44.23; Jérémie 51.48
18:21 Jérémie 51.63–64; Ézékiel 26.21
*18:21 Ê diopwaa kâra atü—Napéaati naa na grec pâ: Pwacèwii ê jè meule na maina. (Côo ânuuru aucòogai élaio naa nabibiu kâra tii.)
18:22 Ésaïe 24.8; Ézékiel 26.13
18:23 Jérémie 7.34, 16.9, 25.10
†18:23 Gà pwacèwii tô apwa dooki—Munaa ucina goro pai maina wàra nüma tèpa âboro, ma pai naa càùrà naa goo wà Pwiduée.
18:24 Jérémie 51.49; Auinapàpari 17.6
‡18:24 Pwiri popai kà Ioane, na é wii i tii bèeni, é, pwiri gòobàra popai kà pwi angela.