Ninge.
93.
No Watong i kap taman taar ma i sigasigam taar ma ra tamat na minamarine. No Watong i sigasigam taar ma ra tamat na minamarine ma i baan taar ma ra baso. No Watong i te hakisi hadikdikit no ula hanuo, ma pai tale bia na gunagune. 
U ga hakisi hadikdikit tar no num kinkinis na king nalua saakit. U gabe lon menalua tano haburen ta ira pakana bung. 
Watong, no tes i te tut, i te raun haut no ingana. Ira pakananoh diet te tut harmuri. 
No Watong nam naliu i dadas, i dadas saakit tano wawaang ing no tes i suarlup, i dadas saakit tano rarapus na tes. 
Watong, ira num harkurai i tur dikdikit taar. No num hala i maamar hatika taar ma ira num halhaliana magingin.