Ninge.
150.
Da pirlat no Watong. A pirhakasing tupas God aram narako tano uno hala na lotu. A pirhakasing tupas ie aram ra mawe ing i hamines no uno dadas. 
Da pirlat ie ta ira uno dadas na gingilaan. Da pirlat ie kanong i manga tamat saakit. 
Da pirlat ie ma no kinkel tano tahur. Da pirlat ie ma ra haap ma ra gita. 
Da pirlat ie ma ra kudu ma ra minangata. Da pirlat ie ma tiga mangana gita ma ra tulaal. 
Da pirlat ie ma ra pala karkar. Da pirlat ie ma ra tamat na kinkel ta ira pala karkar. 
Ira linge bakut ing diet manmanasung, i tahut bia diet na pirlat no Watong. Da pirlat no Watong.