2 Palu Mayatja Godalu alatji wangkanyi nyurala, “Kulilaya Bethlehemanya nguraṟa tjuṯa! Panya nyura manta pala Judeala nyinanyi ngura tjukutjukungka. Palu tjituṟu-tjituṟurinytja wiyangkuya wantima, panya ngura nyara palula mayatja puḻka wirkankuku Israelkunu tjuṯa aṯunymaṟa kanyintjikitja, panya nyara palumpa tjamupiti manta panya Judah-ku mayatja puḻka iritinguṟu alatjiṯu nyinakatingi wanapari wanapari rawa mulapa. 4 Munu ngayulu palunya witulyankunyangka paluṟu palumpa panya walytja tjuṯa wiṟuṟa aṯunytju kanyilku mayatja puḻkangku, kaya tiṯutjara wankaṟu nyinaku. Kaya palulanguṟu aṉangu manta winkitjangku palunya kuliṟa ngurkantankuku, ‘Mulapa paluṟu puḻka mulapa nyinanyi.’ Ka nyara palulanguṟu palumpa walytja tjuṯa wankaṟu pukuḻpa nyinaku. 5 Munu paluṟu aṉangu tjuṯa kalypa nyinanytjaku palyalku.”