1 DANKE leowa, pwe i me man, pwe a kalanan pan potopot eta.

2 Ijrael en indinda: A kalanan pan potopot eta.

3 Kadaudok en Aron en indinda: A kalanan pan potopot eta.

4 Me majak Kot akan en inda: A kalanan pan potopot eta.

5 Ni ai apwal akan i likwir won leowa; leowa kotin mani ia er o kotin kajone ia dier waja jaledok.

6 leowa kin kotin ieian ia, i jota majak, da me aramaj akan kak wiai on ia?

7 Ieowa kin kotin ieian ia nan pun en me jauaja ia, o i pan peren kida, me kailon kin ia.

8 Me mau, en liki Ieowa, jan kaporoporeki aramaj akan.

9 Me mau en liki Ieowa, jan kaporoporeki jaupeidi kan.

10 Men liki kan karoj kapil ia penaer; a ni mar en Ieowa i kaloe ir edier.

11 Re kapil ia penaer waja karoj, a ni mar en Ieowa i pan kaloe irail edier.

12 Re kapil ia penaer dueta lonlap akan, a re kunlar dueta kinjiniai nan tuka; ni mar en Ieowa i kaloe irail edier.

13 Re woki ia, pwe i ne pupedi, a Ieowa kotin jauaja iaer.

14 Ieowa iei ai kel o ai kaul, o i me kotin wiala ai jaunkamaur.

15 Kaul en kaperen o kamaur kin wiaui nan im en me pun kan, lim en Ieowa pali maun kin kapwaiada dodok manaman.

16 Pali maun en Ieowa me ileile, pali maun en Ieowa kin kapwaiada dodok manaman.

17 I jota pan mela, pwe memaur eta o padaki duen wiawian Ieowa.

18 Ieowa kotin kaloke ia laud, ap jota meuid on, i en mela.

19 Komail ritinadan ia wanim en pun, pwe i waja me i pan pedelon ia, pwen danke Ieowa.

20 Iet wanim en Ieowa, waja me pun kan pan pedelon ia.

21 I danke komui, pwe kom kotin erekier ai kapakap o jauaja ia.

22 Takai o me pwin jauje kajelar, wialar takain pukakaim.

23 Mepukat wiauier ian ron Ieowa, meid kapuriamui ni maj at!

24 let ran o, me Ieowa kotin wiadar, kitail en popol o peren kida i.

25 O Main Ieowa, kom kotin jauaja! O Main Ieowa, kom kotin kapwaiada!

26 Meid kapinan me kotido ni mar en Ieowa! Kit kapai komail da, me kijan toun tanpaj en Ieowa.

27 Ieowa iei Kot, o i me kotin kamarain kitail er; jaliedi men mairon ni oj en pei jaraui!

28 Komui ai Kot, o i pan danke komui; ai Kot, i pan kalinanada komui.

29 Danke Ieowa, pwe i me mau, pwe a kalanan pan potopot eta.