1 DE ri ai kan, komail jota aja i kin peidok ren me aja kapun o me kapun o kin poedi aramaj arain a memaur? 2 Pwe li amen, me a warok mia, kin kaupinki kapun en a warok arain a memaur. A ma a warok melar, a muei janer kapun en a warok. 3 A ma a pan paudeki amen ol ni a warok memaur, a pan adaneki kamal amen; a ma a warok melar, a muei janer kapun, ap jota pan kamal amen, ma a pan pur on amen ol. 4 Ari ri ai kan, iduen pil komail mekilar kapun o pweki war en Krijtuj, pwen wiala nain amen, iet, me iajadar jan ren me melar akan, pwen kaparapar on Kot. 5 Pwe ni at kekeideki tiak en pali uduk, inon en dip me kelail nan kokon atail pweki kapun o, pwen kaparapar on mela. 6 A met kitail muei janer kapun o, pwe jal pat on mela olar, pwe kitail en papa on tiak kap en nen, a kaidin on tiak marin en intin. 7 Ari, da me kitail en inda? Me dip kapun o? O jo! A i pan jaja dip, ma jo kapun. Pwe I pan jaja duen inon jued, ma kapun jo kalok kidar: Koe der norok! 8 A dip kadiarok kidar kujoned, ap kainon on ia jon en inon jued karoj, pwe ma jota kapun dip mela. 9 Pwe maj o i jota mi pan kapun, ap mamaureta, a kujoned lao mia, dip ai ap diarokadar. 10 A nai melar; kujoned, me loki don ia, pwe i en maure kida, kare on ia mela. 11 Pwe dip kadiarok kidar kujoned liapai ia dar, ap kame ia lar. 12 Ari, kapun o me jaraui o kujoned me jaraui, a pun o mau. 13 A iaduen me mau kot kare on ia mela? O jo! A dip en janjale kida me kamau o ni a kare on ia mela, pwe dip en janjale kida kujoned. 14 Pwe kitail aja, me kapun o me nenin, a nai me uduken o netilan dip. 15 Pwe i jota aja, da me i en wia. Pwe kaidin me i mauki, me i kin wiada, a me i kin juedeki, iei me i kin wia. 16 Ari, ma i kin wiada, me i kan wia, nan i kin kajanjaleda, me kapun me mau. 17 A ma i wiadar, me i jota men wia, kaidin nai me wiadar, a dip me mimi lol i. 18 Pwe i aja, me jota mau kot mi lol i nan uduk ai, pwe i kin men wiada me mau, a en anada me pun i jota kak on. 19 Pwe me mau o, me i men wiada, i jota kin kapwaida, a me jued, me i kan, i me i kin wiada. 20 A ma i wiada, me i jo men wiada, kaidin nai me wiada, a dip me mi lol i. 21 let me kapun kadiarok on ia: Ni ai men wiada me mau, me jued mimi re i. 22 Pwe i kin mauki kapun en Kot pali lol en aramaj. 23 I ap diaradar eu kapun ni ai kokon akan, me kin palian kapun en loli, ap kalua ia di pan kapun en dip, me mi nan ai kokon akan. 24 O nai aramaj luet amen! Ij me pan kamaio wei ia jan ni war mela wet! 25 I danke Kot pweki Iejuj Krijtuj atail Kaun. Nan lol i i kin papan kapun en Kot, a ni pali uduk kapun en dip.