Psalm.
114.
Ni ansau men Israel lipa sang Äkipten, kadaudok en Iakop sang nan wai, 
I ansau men Iuda wiala sapwilim a saraui kan, o men Israel sapwilim a wei. 
Madau kilanger, ap tangwei, o Iordan pal pasanger; 
Nana kan lusilus dueta sip ol, o dol akan dueta sippul akan. 
Madau, da me koe tangweier ki? Koe Iordan, da me koe palki pasanger? 
Komail nana kan, da me komail lusiluski dueta sip ol, o komail dol akan dueta sippul akan? 
Sappa, koe en rerer mon Ieowa, mon Kot en Iakop, 
Me kotin kawuki ong len pil paip o, o kantakai ong utun pil.