Pjalm.
54.
MAIN Kot, kom kotin jauaj a ia ki mar omui, o kotin kajanjaleda ai pun ki omui manaman. 
Main Kot, kom kotin ereki ai kapakap, o kotin mani lokaia en au i. 
Pwe men wai kai palian ia, o me weit akan majamajan maur i, o re jota weweid mon Kot. 
Kilan, Kot jauaj pa i, leowa kin kolekol nen i. 
A pan kotin depuk on ai imwintiti kan ar me jued. Kom kotin kawe ir ala ki omui melel. 
I ap pan wiai on komui mairon kaperen, o kapina mar omui, pwe a me mau. 
Pwe a kotin dore ia la jan nan ai apwal akan karoj, o maj ai peren kidar ai imwintiti kan.