Pjalm.
82.
KOT kotikot nan momodijou en Kot, o I jaunkapun en kaun akan. 
Arai da komail pan kadeik japun o kajampwaleki me doo jan Kot akan? 
Jauaja pun en jamama o japoupou kan, o jauaja me luet o jamama kan ni ar pun! 
Komail dorela me tikitik o jamama o, o kamaioda jan nan pa en me doo jan Kot akan. 
A re jota kin duki on, o jota ar lokekon; re kin weweid nan rotorot; pajon en jappa kan karoj mokimokideda. 
Nai indada: Komail rajon kot akan, o nain me lapalap; 
Ari jo, komail pan mela dueta aramaj akan, o komail pan lokidokila dueta me weit amen. 
Main Kot, kom kotida o kotin kadeikada jappa, pwe komui pan jojoki men liki kan karoj.