Pjalm.
84.
MEID kajelel tanpaj omui kan, Main Ieowa Jepaot! 
Nen i kin inon ion o anane pera en tanpaj en leowa kan; pali war ai o nen i kin polauleki Kot ieiaj. 
Pwe manpir diaradar deu a, o jwalpe paj a, waja a kin naitik ia: Japwilim omui pei jaraui kan, Main leowa Jepaot, ai Nanmarki o ai Kot. 
Meid pai ir, me kin kaujon nan tanpaj omui! Re kin kapina komui anjau karoj. 
Meid pai karoj, me kin keleki komui, o idedauen komui melel. 
Me kin weweid nan jap en mamaiei, waja re kin weirad parer ia; pil katau kin pwain kidi i pai kan. 
Re kin kakairida ni ar manaman akan, lao re pan janjalada mon Kot nan Jion. 
Main leowa, Kot Jepaot, kom kotin ereki ai kapakap: Main Kot en Iakop kotin mani ia! 
Kot pere pat, kom kotin majan don kit; kom kotin ireron maj en japwilim omui keidier men. 
Pwe ran ta ieu mon japwilim omui pera jaraui kan me mau jan ran kid; i mauki mimi pan wanim en tanpaj en Kot, jan kaujon nan im en me doo jan Kot akan. 
Pwe Kot leowa rajon katipin o pere, leowa kin kotikida mak o wau, a jota pan kotin mueid on me lelapok kan, en anane me mau kot. 
Main leowa Jepaot, meid pai aramaj amen, me kin liki komui!