Pjalm.
136.
DANKE Ieowa, pwe i me mau, pwe a kalanan pan potopot eta. 
Danke on Kot en kot akan, pwe a kalanan pan potopot eta. 
Danke on Kaun en kaun akan, pwe a kalanan pan potopot eta. 
Pwe i ta me kin wiada manaman akan, pwe a kalanan pan potopot eta. 
Me kotin wiadar lan akan ni a erpit, pwe a kalanan pan potopot eta. 
Me kotin pak pajaner jappa pon pil, pwe a kalanan pan potopot eta. 
Me kotin wiadar marain laud akan, pwe a kalanan pan potopol eta. 
Pwe katipin en kaunda ran, pwe a kalanan pan potopot eta. 
Jaunipon o uju kan en kaun da pon, pwe a kalanan pan potopot eta. 
Me kotin kaloedi Akipten, ni a kamelar ar mejeni kan, pwe a kalanan pan potopot eta. 
O kotin kalua Ijrael jan waja o, pwe a kalanan pan potopot eta. 
Ki lim a manaman o, ni a kotin kapa wei lim a, pwe a kalanan pan potopot eta. 
Me palan pajan jed waitata, wia pali ria pali, pwe a kalanan pan potopot eta. 
O mueid on Ijrael, en kotelu nan waron a, pwe a kalanan pun potopot eta. 
Me kotin kajedi on nan jed waitata Parao o na karij akan, pwe a kalanan pan potopol eta. 
Me kotin kalua japwilim a aramaj akan nan jap tan, pwe a kalanan pan potopot eta. 
Me kotin kamelar nanmarki lapalap akan, pwe a kalanan pan potopot eta. 
O kotin kamelar nanmarki kelail kan, pwe a kalanan pan potopot eta. 
Jiion, nanmarki en Amon, pwe a kalanan pan potopot eta. 
Ok, nanmarki en Pajan, pwe a kalanan pan potopot eta. 
O wiakila jap arail men jojo, pwe a kalanan pan potopot eta. 
Jojo en japwilim a ladu Ijrael, pwe a kalanan pan potopot eta. 
Pwe a kotin kupura kit ni at kankaneraner, pwe a kalanan pan potopot eta. 
O kotin dore kitail la jan atail imwintiti kan, pwe a kalanan nan pan potopot eta. 
Me kotin kamana me maur akan karoj, pwe a kalanan pan potopot eta. 
Danke on Kot en nanlan, pwe a kalanan pan potopot eta.