Pjalm.
147.
KAPINA Ieowa! Pwe meid kajampwal, en kapina atial Kot; pwe mak eta en kauleki kaul en kapin. 
Ieowa kin kotin kauada Ierujalem, o a kin kapokon pena me jalonala ren men Ijrael. 
A kotin kamauiala me lol olar akan, o kotin kitim pena ar olar akan. 
A kin kotin wadok pena uju kan, o kin kida ad arail karoj. 
Atail Kaun me lapalap o meid manaman, o jota me kak dedeki duen a erpit. 
Ieowa kin kotin kamanada me luet akan, ap jikendi me doo jan Kot akan nan pwel. 
Komail kakaul on Ieowa, en wia pwin pajan o danke o kapina atail Kot ian arp. 
Me kin kotin pena kila lan tapok kan, o kotin kamoredi katau on jappa; me kotin kawojada ra pon dol akan. 
Me kin kotiki on man akan kan ar, rape pulepul akan, me kin likwir on i. 
A jota kin kotin kupura kelail en oj o, de na en ol amen. 
Ieowa kin kotin kupura, me majak i, me kin kaporoporeki a kalanan. 
Ierujalem, kapina Ieowa! Jion, kapina om Kot! 
Pwe i me kin kotin katenetenedi jal mata en om wanim akan, o kotin kapaiada noum jeri ko, me mimi lole. 
A kin kotiki on irair en jap om muei mau, o kin kotin kamana kin uk korn kajampwalia. 
A kin kotin kadardi on jappa a majan akan, a kujoned kin lokok jili madan. 
A kin kotikidi jno dueta koten o kamoredi poik dueta paj. 
A kin kotin kajedi akel: IJ me kak injenemau ni a kapou? 
A kin majani, ap pan pei pajan, a kin kotin kadar wei an, ap kin pwilewei. 
A kotin kajanjale on Iakop a majan o on Ijrael a kujoned o pun. 
A jota kin kotin wia due on eu wei, i me re jota kin aja ki a pun. Aleluia!