MELKAHKA KAN.
121.
I saradahng nahna kan; ia wasa me sawasepei pahn kohdo sang ie? 
Sawasepei pahn pwarodo sang rehn KAUN-O, me ketin kapikada nanleng oh sampah. 
E sohte pahn mweidohng ke en pwupwudi; silepomw sohte kin ketin seimwokla. 
Silepen Israel sohte kin ketin lusoi de seimwok! 
KAUN-O, iei ih me pahn ketin sinsileiuk; e kin ketiket limwahmw pwe en ketin apwalihiuk. 
Ketipin sohte pahn kauweiukala nin rahn, de maram nipwong. 
KAUN-O pahn ketin silehsang uhk soahng keper koaros; e pahn ketin sinsileiuk mehlel. 
E pahn ketin sinsileiuk ni omw kohwei oh kohdo, met oh pil kohkohlahte.