SALMOS. 127. Jerusalenman aywar cantashan alabansa. Salomón isquirbishan. Tayta Dios wasita mana jatarachiptenga yangami wasi arojcuna arushanpis. Siudäta Tayta Dios mana täpaptenga yangami täpajcuna täpashanpis. Yangami pacha warashanpita pacha chacänancamapis micunallanpaj arun. Tayta Diosmi ichanga payman yäracojta alli puñuyta tarichin. Wamranchïcunaga yurin Tayta Diosninchi alli bindisyunta gomaptinchïmi. Mösu caycashallaraj wamranchi yurejcunaga caycan jinyu suldärupa lëchancunanömi. Chayno achca wamrayoj runaga canga cushishami. Chauraga chiquejcunapis manami pengacachengachu autoridäcunaman chayaptin.