San Mateo Alli Willacuyta Gellgangan.
1.
Tayta Abrahamwan rey Davidmi Señor Jesucristopa unaycag awiluncuna cayargan. Tsaymi llapan unay awiluncunaga caynö cayargan: 
Abrahampa tsurinmi Isaac. 
Judápa warmin Tamarchömi tsurincuna Fareswan Zara cayargan. 
Arampa tsurinmi Aminadab. 
Salmonpa warmin Rahabchömi tsurin Booz. 
Isaípa tsurinmi rey David. 
Salomónpa tsurinmi Roboam. 
Asapa tsurinmi Josafat. 
Uziaspa tsurinmi Jotam. 
Ezequiaspa tsurinmi Manasés. 
Josiaspa tsurincunam Jeconías waugencunawan cayargan. 
Prësurnin apasquiyaptinmi tsay Babilonia marcachö Jeconíaspa tsurin Salatiel yurirgan. 
Zorobabelpa tsurinmi Abiud. 
Azorpa tsurinmi Sadoc. 
Eliudpa tsurinmi Eleazar. 
Jacobpa tsurinmi José. 
Tayta Abrahampita gallaycur, asta rey Davidyag chunca chuscum unay awiluncuna cayargan. Tsaynöllam tayta Davidpita asta Babiloniaman israelcunata apayanganyag chunca chuscu unay awiluncuna cayargan. Babiloniaman israelcunata prësu apayanganpita Señor Jesucristo yuringanyagmi chunca chuscu unay awiluncuna cayargan. 
Señor Jesucristo yuringan caynömi cargan: Jesúspa maman Maríam, Joséwan casarayänanpag parlashgallarag caycar, Joséwan manarag täcurnin Espïritu Santopa poderninwan Maríaga geshyagna caycargan. 
Joséga alli runa carmi, Maríata mana pengacatsinanraycu willacuyta mana munarnin pacayllapa raquicayta yarpargan. 
Tsaynö yarpachacurnin José puñuycanganmanmi, Diospa angelnin yuripusquir nirgan: “Davidpa ayllun José, ama mantsacurnin pengacuytsu Maríawan casarayta. Espïritu Santopa poderninwanmi payga geshyag caycan. 
Ollgo wamran yurisquiptinmi, shutin churanqui ‘Jesústa.’ Jutsancunapita runacunata salvananpag captinmi, tsaynö shutin canga.” 
Dios Yayapa tsurin tsaynö yurinanpagmi, unay profëtanwan willacatsir nirgan: 
“Juc jipashmi virgen caycar, juc ollgo wamrata geshyacunga. Tsaymi shutinpis churayanga ‘Emanuel.’ ” (Emanuelga “Nogantsicwan Dios caycan” ninanmi.) 
Puñuycanganpita José riccharcamurmi, angel ninganta cäsurnin Maríawan casarananpag wajinpa apargan. 
Manarag wamran yuriptinga, Maríawan José manaragmi pagta puñuyarganragtsu. Wamra yurisquiptinmi, shutin churayargan “Jesús.”