Žalmi.
100.
O paľikeribnaskro žalmos. Giľaven radišagoha le RAJESKE, caľi phuv! 
Služinen le RAJESKE radišagoha! Aven anglal leste le radišagoskre giľenca! 
Achaľon, hoj o RAJ hino Del! Ov amen stvorinďa, leskre sam; amen sam leskre manuša, o bakrore pre leskri maľa. 
Aven andre leskre brani le paľikeribnaha, andre leskre dvori la chvalaha! Paľikeren leske a lašaren leskro nav! 
Bo o RAJ hino lačho; leskro verno kamiben ľikerel pro furt a leskri vernosť predžal pal jekh pokoleňje pre aver.