ⅩⅤ
Ⅰ ଅହଂ ସତ୍ୟଦ୍ରାକ୍ଷାଲତାସ୍ୱରୂପୋ ମମ ପିତା ତୂଦ୍ୟାନପରିଚାରକସ୍ୱରୂପଞ୍ଚ|
Ⅱ ମମ ଯାସୁ ଶାଖାସୁ ଫଲାନି ନ ଭୱନ୍ତି ତାଃ ସ ଛିନତ୍ତି ତଥା ଫଲୱତ୍ୟଃ ଶାଖା ଯଥାଧିକଫଲାନି ଫଲନ୍ତି ତଦର୍ଥଂ ତାଃ ପରିଷ୍କରୋତି|
Ⅲ ଇଦାନୀଂ ମଯୋକ୍ତୋପଦେଶେନ ଯୂଯଂ ପରିଷ୍କୃତାଃ|
Ⅳ ଅତଃ କାରଣାତ୍ ମଯି ତିଷ୍ଠତ ତେନାହମପି ଯୁଷ୍ମାସୁ ତିଷ୍ଠାମି, ଯତୋ ହେତୋ ର୍ଦ୍ରାକ୍ଷାଲତାଯାମ୍ ଅସଂଲଗ୍ନା ଶାଖା ଯଥା ଫଲୱତୀ ଭୱିତୁଂ ନ ଶକ୍ନୋତି ତଥା ଯୂଯମପି ମଯ୍ୟତିଷ୍ଠନ୍ତଃ ଫଲୱନ୍ତୋ ଭୱିତୁଂ ନ ଶକ୍ନୁଥ|
Ⅴ ଅହଂ ଦ୍ରାକ୍ଷାଲତାସ୍ୱରୂପୋ ଯୂଯଞ୍ଚ ଶାଖାସ୍ୱରୂପୋଃ; ଯୋ ଜନୋ ମଯି ତିଷ୍ଠତି ଯତ୍ର ଚାହଂ ତିଷ୍ଠାମି, ସ ପ୍ରଚୂରଫଲୈଃ ଫଲୱାନ୍ ଭୱତି, କିନ୍ତୁ ମାଂ ୱିନା ଯୂଯଂ କିମପି କର୍ତ୍ତୁଂ ନ ଶକ୍ନୁଥ|
Ⅵ ଯଃ କଶ୍ଚିନ୍ ମଯି ନ ତିଷ୍ଠତି ସ ଶୁଷ୍କଶାଖେୱ ବହି ର୍ନିକ୍ଷିପ୍ୟତେ ଲୋକାଶ୍ଚ ତା ଆହୃତ୍ୟ ୱହ୍ନୌ ନିକ୍ଷିପ୍ୟ ଦାହଯନ୍ତି|
Ⅶ ଯଦି ଯୂଯଂ ମଯି ତିଷ୍ଠଥ ମମ କଥା ଚ ଯୁଷ୍ମାସୁ ତିଷ୍ଠତି ତର୍ହି ଯଦ୍ ୱାଞ୍ଛିତ୍ୱା ଯାଚିଷ୍ୟଧ୍ୱେ ଯୁଷ୍ମାକଂ ତଦେୱ ସଫଲଂ ଭୱିଷ୍ୟତି|
Ⅷ ଯଦି ଯୂଯଂ ପ୍ରଚୂରଫଲୱନ୍ତୋ ଭୱଥ ତର୍ହି ତଦ୍ୱାରା ମମ ପିତୁ ର୍ମହିମା ପ୍ରକାଶିଷ୍ୟତେ ତଥା ଯୂଯଂ ମମ ଶିଷ୍ୟା ଇତି ପରିକ୍ଷାଯିଷ୍ୟଧ୍ୱେ|
Ⅸ ପିତା ଯଥା ମଯି ପ୍ରୀତୱାନ୍ ଅହମପି ଯୁଷ୍ମାସୁ ତଥା ପ୍ରୀତୱାନ୍ ଅତୋ ହେତୋ ର୍ୟୂଯଂ ନିରନ୍ତରଂ ମମ ପ୍ରେମପାତ୍ରାଣି ଭୂତ୍ୱା ତିଷ୍ଠତ|
Ⅹ ଅହଂ ଯଥା ପିତୁରାଜ୍ଞା ଗୃହୀତ୍ୱା ତସ୍ୟ ପ୍ରେମଭାଜନଂ ତିଷ୍ଠାମି ତଥୈୱ ଯୂଯମପି ଯଦି ମମାଜ୍ଞା ଗୁହ୍ଲୀଥ ତର୍ହି ମମ ପ୍ରେମଭାଜନାନି ସ୍ଥାସ୍ୟଥ|
Ⅺ ଯୁଷ୍ମନ୍ନିମିତ୍ତଂ ମମ ଯ ଆହ୍ଲାଦଃ ସ ଯଥା ଚିରଂ ତିଷ୍ଠତି ଯୁଷ୍ମାକମ୍ ଆନନ୍ଦଶ୍ଚ ଯଥା ପୂର୍ୟ୍ୟତେ ତଦର୍ଥଂ ଯୁଷ୍ମଭ୍ୟମ୍ ଏତାଃ କଥା ଅତ୍ରକଥମ୍|
Ⅻ ଅହଂ ଯୁଷ୍ମାସୁ ଯଥା ପ୍ରୀଯେ ଯୂଯମପି ପରସ୍ପରଂ ତଥା ପ୍ରୀଯଧ୍ୱମ୍ ଏଷା ମମାଜ୍ଞା|
ⅩⅢ ମିତ୍ରାଣାଂ କାରଣାତ୍ ସ୍ୱପ୍ରାଣଦାନପର୍ୟ୍ୟନ୍ତଂ ଯତ୍ ପ୍ରେମ ତସ୍ମାନ୍ ମହାପ୍ରେମ କସ୍ୟାପି ନାସ୍ତି|
ⅩⅣ ଅହଂ ଯଦ୍ୟଦ୍ ଆଦିଶାମି ତତ୍ତଦେୱ ଯଦି ଯୂଯମ୍ ଆଚରତ ତର୍ହି ଯୂଯମେୱ ମମ ମିତ୍ରାଣି|
ⅩⅤ ଅଦ୍ୟାରଭ୍ୟ ଯୁଷ୍ମାନ୍ ଦାସାନ୍ ନ ୱଦିଷ୍ୟାମି ଯତ୍ ପ୍ରଭୁ ର୍ୟତ୍ କରୋତି ଦାସସ୍ତଦ୍ ନ ଜାନାତି; କିନ୍ତୁ ପିତୁଃ ସମୀପେ ଯଦ୍ୟଦ୍ ଅଶୃଣୱଂ ତତ୍ ସର୍ୱ୍ୱଂ ଯୂଷ୍ମାନ୍ ଅଜ୍ଞାପଯମ୍ ତତ୍କାରଣାଦ୍ ଯୁଷ୍ମାନ୍ ମିତ୍ରାଣି ପ୍ରୋକ୍ତୱାନ୍|
ⅩⅥ ଯୂଯଂ ମାଂ ରୋଚିତୱନ୍ତ ଇତି ନ, କିନ୍ତ୍ୱହମେୱ ଯୁଷ୍ମାନ୍ ରୋଚିତୱାନ୍ ଯୂଯଂ ଗତ୍ୱା ଯଥା ଫଲାନ୍ୟୁତ୍ପାଦଯଥ ତାନି ଫଲାନି ଚାକ୍ଷଯାଣି ଭୱନ୍ତି, ତଦର୍ଥଂ ଯୁଷ୍ମାନ୍ ନ୍ୟଜୁନଜଂ ତସ୍ମାନ୍ ମମ ନାମ ପ୍ରୋଚ୍ୟ ପିତରଂ ଯତ୍ କିଞ୍ଚିଦ୍ ଯାଚିଷ୍ୟଧ୍ୱେ ତଦେୱ ସ ଯୁଷ୍ମଭ୍ୟଂ ଦାସ୍ୟତି|
ⅩⅦ ଯୂଯଂ ପରସ୍ପରଂ ପ୍ରୀଯଧ୍ୱମ୍ ଅହମ୍ ଇତ୍ୟାଜ୍ଞାପଯାମି|
ⅩⅧ ଜଗତୋ ଲୋକୈ ର୍ୟୁଷ୍ମାସୁ ଋତୀଯିତେଷୁ ତେ ପୂର୍ୱ୍ୱଂ ମାମେୱାର୍ତ୍ତୀଯନ୍ତ ଇତି ଯୂଯଂ ଜାନୀଥ|
ⅩⅨ ଯଦି ଯୂଯଂ ଜଗତୋ ଲୋକା ଅଭୱିଷ୍ୟତ ତର୍ହି ଜଗତୋ ଲୋକା ଯୁଷ୍ମାନ୍ ଆତ୍ମୀଯାନ୍ ବୁଦ୍ଧ୍ୱାପ୍ରେଷ୍ୟନ୍ତ; କିନ୍ତୁ ଯୂଯଂ ଜଗତୋ ଲୋକା ନ ଭୱଥ, ଅହଂ ଯୁଷ୍ମାନ୍ ଅସ୍ମାଜ୍ଜଗତୋଽରୋଚଯମ୍ ଏତସ୍ମାତ୍ କାରଣାଜ୍ଜଗତୋ ଲୋକା ଯୁଷ୍ମାନ୍ ଋତୀଯନ୍ତେ|
ⅩⅩ ଦାସଃ ପ୍ରଭୋ ର୍ମହାନ୍ ନ ଭୱତି ମମୈତତ୍ ପୂର୍ୱ୍ୱୀଯଂ ୱାକ୍ୟଂ ସ୍ମରତ; ତେ ଯଦି ମାମେୱାତାଡଯନ୍ ତର୍ହି ଯୁଷ୍ମାନପି ତାଡଯିଷ୍ୟନ୍ତି, ଯଦି ମମ ୱାକ୍ୟଂ ଗୃହ୍ଲନ୍ତି ତର୍ହି ଯୁଷ୍ମାକମପି ୱାକ୍ୟଂ ଗ୍ରହୀଷ୍ୟନ୍ତି|
ⅩⅪ କିନ୍ତୁ ତେ ମମ ନାମକାରଣାଦ୍ ଯୁଷ୍ମାନ୍ ପ୍ରତି ତାଦୃଶଂ ୱ୍ୟୱହରିଷ୍ୟନ୍ତି ଯତୋ ଯୋ ମାଂ ପ୍ରେରିତୱାନ୍ ତଂ ତେ ନ ଜାନନ୍ତି|
ⅩⅫ ତେଷାଂ ସନ୍ନିଧିମ୍ ଆଗତ୍ୟ ଯଦ୍ୟହଂ ନାକଥଯିଷ୍ୟଂ ତର୍ହି ତେଷାଂ ପାପଂ ନାଭୱିଷ୍ୟତ୍ କିନ୍ତ୍ୱଧୁନା ତେଷାଂ ପାପମାଚ୍ଛାଦଯିତୁମ୍ ଉପାଯୋ ନାସ୍ତି|
ⅩⅩⅢ ଯୋ ଜନୋ ମାମ୍ ଋତୀଯତେ ସ ମମ ପିତରମପି ଋତୀଯତେ|
ⅩⅩⅣ ଯାଦୃଶାନି କର୍ମ୍ମାଣି କେନାପି କଦାପି ନାକ୍ରିଯନ୍ତ ତାଦୃଶାନି କର୍ମ୍ମାଣି ଯଦି ତେଷାଂ ସାକ୍ଷାଦ୍ ଅହଂ ନାକରିଷ୍ୟଂ ତର୍ହି ତେଷାଂ ପାପଂ ନାଭୱିଷ୍ୟତ୍ କିନ୍ତ୍ୱଧୁନା ତେ ଦୃଷ୍ଟ୍ୱାପି ମାଂ ମମ ପିତରଞ୍ଚାର୍ତ୍ତୀଯନ୍ତ|
ⅩⅩⅤ ତସ୍ମାତ୍ ତେଽକାରଣଂ ମାମ୍ ଋତୀଯନ୍ତେ ଯଦେତଦ୍ ୱଚନଂ ତେଷାଂ ଶାସ୍ତ୍ରେ ଲିଖିତମାସ୍ତେ ତତ୍ ସଫଲମ୍ ଅଭୱତ୍|
ⅩⅩⅥ କିନ୍ତୁ ପିତୁ ର୍ନିର୍ଗତଂ ଯଂ ସହାଯମର୍ଥାତ୍ ସତ୍ୟମଯମ୍ ଆତ୍ମାନଂ ପିତୁଃ ସମୀପାଦ୍ ଯୁଷ୍ମାକଂ ସମୀପେ ପ୍ରେଷଯିଷ୍ୟାମି ସ ଆଗତ୍ୟ ମଯି ପ୍ରମାଣଂ ଦାସ୍ୟତି|
ⅩⅩⅦ ଯୂଯଂ ପ୍ରଥମମାରଭ୍ୟ ମଯା ସାର୍ଦ୍ଧଂ ତିଷ୍ଠଥ ତସ୍ମାଦ୍ଧେତୋ ର୍ୟୂଯମପି ପ୍ରମାଣଂ ଦାସ୍ୟଥ|