Ⅸ
Ⅰ අහං කිම් ඒකඃ ප්‍රේරිතෝ නාස්මි? කිමහං ස්වතන්ත්‍රෝ නාස්මි? අස්මාකං ප්‍රභු ර‍්‍යීශුඃ ඛ්‍රීෂ්ටඃ කිං මයා නාදර්ශි? යූයමපි කිං ප්‍රභුනා මදීයශ්‍රමඵලස්වරූපා න භවථ?
Ⅱ අන්‍යලෝකානාං කෘතේ යද්‍යප්‍යහං ප්‍රේරිතෝ න භවේයං තථාච යුෂ්මත්කෘතේ ප්‍රේරිතෝ(අ)ස්මි යතඃ ප්‍රභුනා මම ප්‍රේරිතත්වපදස්‍ය මුද්‍රාස්වරූපා යූයමේවාධ්වේ|
Ⅲ යේ ලෝකා මයි දෝෂමාරෝපයන්ති තාන් ප්‍රති මම ප්‍රත්‍යුත්තරමේතත්|
Ⅳ භෝජනපානයෝඃ කිමස්මාකං ක්‍ෂමතා නාස්ති?
Ⅴ අන්‍යේ ප්‍රේරිතාඃ ප්‍රභෝ ර්භ්‍රාතරෞ කෛඵාශ්ච යත් කුර්ව්වන්ති තද්වත් කාඤ්චිත් ධර්ම්මභගිනීං ව්‍යූහ්‍ය තයා සාර්ද්ධං පර‍්‍ය්‍යටිතුං වයං කිං න ශක්නුමඃ?
Ⅵ සාංසාරිකශ්‍රමස්‍ය පරිත්‍යාගාත් කිං කේවලමහං බර්ණබ්බාශ්ච නිවාරිතෞ?
Ⅶ නිජධනව්‍යයේන කඃ සංග්‍රාමං කරෝති? කෝ වා ද්‍රාක්‍ෂාක්‍ෂේත්‍රං කෘත්වා තත්ඵලානි න භුඞ්ක්තේ? කෝ වා පශුව්‍රජං පාලයන් තත්පයෝ න පිවති?
Ⅷ කිමහං කේවලාං මානුෂිකාං වාචං වදාමි? ව්‍යවස්ථායාං කිමේතාදෘශං වචනං න විද්‍යතේ?
Ⅸ මූසාව්‍යවස්ථාග්‍රන්ථේ ලිඛිතමාස්තේ, ත්වං ශස්‍යමර්ද්දකවෘෂස්‍යාස්‍යං න භංත්ස්‍යසීති| ඊශ්වරේණ බලීවර්ද්දානාමේව චින්තා කිං ක්‍රියතේ?
Ⅹ කිං වා සර්ව්වථාස්මාකං කෘතේ තද්වචනං තේනෝක්තං? අස්මාකමේව කෘතේ තල්ලිඛිතං| යඃ ක්‍ෂේත්‍රං කර්ෂති තේන ප්‍රත්‍යාශායුක්තේන කර්ෂ්ටව්‍යං, යශ්ච ශස්‍යානි මර්ද්දයති තේන ලාභප්‍රත්‍යාශායුක්තේන මර්ද්දිතව්‍යං|
Ⅺ යුෂ්මත්කෘතේ(අ)ස්මාභිඃ පාරත්‍රිකාණි බීජානි රෝපිතානි, අතෝ යුෂ්මාකමෛහිකඵලානාං වයම් අංශිනෝ භවිෂ්‍යාමඃ කිමේතත් මහත් කර්ම්ම?
Ⅻ යුෂ්මාසු යෝ(අ)ධිකාරස්තස්‍ය භාගිනෝ යද්‍යන්‍යේ භවේයුස්තර්හ්‍යස්මාභිස්තතෝ(අ)ධිකං කිං තස්‍ය භාගිභි ර්න භවිතව්‍යං? අධිකන්තු වයං තේනාධිකාරේණ න ව්‍යවහෘතවන්තඃ කින්තු ඛ්‍රීෂ්ටීයසුසංවාදස්‍ය කෝ(අ)පි ව්‍යාඝාතෝ(අ)ස්මාභිර‍්‍යන්න ජායේත තදර්ථං සර්ව්වං සහාමහේ|
ⅩⅢ අපරං යේ පවිත්‍රවස්තූනාං පරිචර‍්‍ය්‍යාං කුර්ව්වන්ති තේ පවිත්‍රවස්තුතෝ භක්‍ෂ්‍යාණි ලභන්තේ, යේ ච වේද්‍යාඃ පරිචර‍්‍ය්‍යාං කුර්ව්වන්ති තේ වේදිස්ථවස්තූනාම් අංශිනෝ භවන්ත්‍යේතද් යූයං කිං න විද?
ⅩⅣ තද්වද් යේ සුසංවාදං ඝෝෂයන්ති තෛඃ සුසංවාදේන ජීවිතව්‍යමිති ප්‍රභුනාදිෂ්ටං|
ⅩⅤ අහමේතේෂාං සර්ව්වේෂාං කිමපි නාශ්‍රිතවාන් මාං ප්‍රති තදනුසාරාත් ආචරිතව්‍යමිත්‍යාශයේනාපි පත්‍රමිදං මයා න ලිඛ්‍යතේ යතඃ කේනාපි ජනේන මම යශසෝ මුධාකරණාත් මම මරණං වරං|
ⅩⅥ සුසංවාදඝේෂණාත් මම යශෝ න ජායතේ යතස්තද්ඝෝෂණං මමාවශ්‍යකං යද්‍යහං සුසංවාදං න ඝෝෂයේයං තර්හි මාං ධික්|
ⅩⅦ ඉච්ඡුකේන තත් කුර්ව්වතා මයා ඵලං ලප්ස්‍යතේ කින්ත්වනිච්ඡුකේ(අ)පි මයි තත්කර්ම්මණෝ භාරෝ(අ)ර්පිතෝ(අ)ස්ති|
ⅩⅧ ඒතේන මයා ලභ්‍යං ඵලං කිං? සුසංවාදේන මම යෝ(අ)ධිකාර ආස්තේ තං යදභද්‍රභාවේන නාචරේයං තදර්ථං සුසංවාදඝෝෂණසමයේ තස්‍ය ඛ්‍රීෂ්ටීයසුසංවාදස්‍ය නිර්ව්‍යයීකරණමේව මම ඵලං|
ⅩⅨ සර්ව්වේෂාම් අනායත්තෝ(අ)හං යද් භූරිශෝ ලෝකාන් ප්‍රතිපද්‍යේ තදර්ථං සර්ව්වේෂාං දාසත්වමඞ්ගීකෘතවාන්|
ⅩⅩ යිහූදීයාන් යත් ප්‍රතිපද්‍යේ තදර්ථං යිහූදීයානාං කෘතේ යිහූදීයඉවාභවං| යේ ච ව්‍යවස්ථායත්තාස්තාන් යත් ප්‍රතිපද්‍යේ තදර්ථං ව්‍යවස්ථානායත්තෝ යෝ(අ)හං සෝ(අ)හං ව්‍යවස්ථායත්තානාං කෘතේ ව්‍යවස්ථායත්තඉවාභවං|
ⅩⅪ යේ චාලබ්ධව්‍යවස්ථාස්තාන් යත් ප්‍රතිපද්‍යේ තදර්ථම් ඊශ්වරස්‍ය සාක්‍ෂාද් අලබ්ධව්‍යවස්ථෝ න භූත්වා ඛ්‍රීෂ්ටේන ලබ්ධව්‍යවස්ථෝ යෝ(අ)හං සෝ(අ)හම් අලබ්ධව්‍යවස්ථානාං කෘතේ(අ)ලබ්ධව්‍යවස්ථ ඉවාභවං|
ⅩⅫ දුර්බ්බලාන් යත් ප්‍රතිපද්‍යේ තදර්ථමහං දුර්බ්බලානාං කෘතේ දුර්බ්බලඉවාභවං| ඉත්ථං කේනාපි ප්‍රකාරේණ කතිපයා ලෝකා යන්මයා පරිත්‍රාණං ප්‍රාප්නුයුස්තදර්ථං යෝ යාදෘශ ආසීත් තස්‍ය කෘතේ (අ)හං තාදෘශඉවාභවං|
ⅩⅩⅢ ඉදෘශ ආචාරඃ සුසංවාදාර්ථං මයා ක්‍රියතේ යතෝ(අ)හං තස්‍ය ඵලානාං සහභාගී භවිතුමිච්ඡාමි|
ⅩⅩⅣ පණ්‍යලාභාර්ථං යේ ධාවන්ති ධාවතාං තේෂාං සර්ව්වේෂාං කේවල ඒකඃ පණ්‍යං ලභතේ යුෂ්මාභිඃ කිමේතන්න ඥායතේ? අතෝ යූයං යථා පණ්‍යං ලප්ස්‍යධ්වේ තථෛව ධාවත|
ⅩⅩⅤ මල්ලා අපි සර්ව්වභෝගේ පරිමිතභෝගිනෝ භවන්ති තේ තු ම්ලානාං ස්‍රජං ලිප්සන්තේ කින්තු වයම් අම්ලානාං ලිප්සාමහේ|
ⅩⅩⅥ තස්මාද් අහමපි ධාවාමි කින්තු ලක්‍ෂ්‍යමනුද්දිශ්‍ය ධාවාමි තන්නහි| අහං මල්ලඉව යුධ්‍යාමි ච කින්තු ඡායාමාඝාතයන්නිව යුධ්‍යාමි තන්නහි|
ⅩⅩⅦ ඉතරාන් ප්‍රති සුසංවාදං ඝෝෂයිත්වාහං යත් ස්වයමග්‍රාහ්‍යෝ න භවාමි තදර්ථං දේහම් ආහන්මි වශීකුර්ව්වේ ච|