Ⅰ ததா³ தத்ஸமீபம்ʼ ப³ஹவோ லோகா ஆயாதா அதஸ்தேஷாம்ʼ போ⁴ஜ்யத்³ரவ்யாபா⁴வாத்³ யீஸு²​: ஸி²ஷ்யாநாஹூய ஜகா³த³,|

Ⅱ லோகநிவஹே மம க்ருʼபா ஜாயதே தே தி³நத்ரயம்ʼ மயா ஸார்த்³த⁴ம்ʼ ஸந்தி தேஷாம்ʼ போ⁴ஜ்யம்ʼ கிமபி நாஸ்தி|

Ⅲ தேஷாம்ʼ மத்⁴யே(அ)நேகே தூ³ராத்³ ஆக³தா​:, அபு⁴க்தேஷு தேஷு மயா ஸ்வக்³ருʼஹமபி⁴ப்ரஹிதேஷு தே பதி² க்லமிஷ்யந்தி|

Ⅳ ஸி²ஷ்யா அவாதி³ஷு​:, ஏதாவதோ லோகாந் தர்பயிதும் அத்ர ப்ரந்தரே பூபாந் ப்ராப்தும்ʼ கேந ஸ²க்யதே?

Ⅴ தத​: ஸ தாந் பப்ரச்ச² யுஷ்மாகம்ʼ கதி பூபா​: ஸந்தி? தே(அ)கத²யந் ஸப்த|

Ⅵ தத​: ஸ தால்லோகாந் பு⁴வி ஸமுபவேஷ்டும் ஆதி³ஸ்²ய தாந் ஸப்த பூபாந் த்⁴ருʼத்வா ஈஸ்²வரகு³ணாந் அநுகீர்த்தயாமாஸ, ப⁴ம்ʼக்த்வா பரிவேஷயிதும்ʼ ஸி²ஷ்யாந் ப்ரதி த³தௌ³, ததஸ்தே லோகேப்⁴ய​: பரிவேஷயாமாஸு​:|

Ⅶ ததா² தேஷாம்ʼ ஸமீபே யே க்ஷுத்³ரமத்ஸ்யா ஆஸந் தாநப்யாதா³ய ஈஸ்²வரகு³ணாந் ஸம்ʼகீர்த்ய பரிவேஷயிதும் ஆதி³ஷ்டவாந்|

Ⅷ ததோ லோகா பு⁴க்த்வா த்ருʼப்திம்ʼ க³தா அவஸி²ஷ்டகா²த்³யை​: பூர்ணா​: ஸப்தட³ல்லகா க்³ருʼஹீதாஸ்²ச|

Ⅸ ஏதே போ⁴க்தார​: ப்ராயஸ்²சது​: ஸஹஸ்ரபுருஷா ஆஸந் தத​: ஸ தாந் விஸஸர்ஜ|

Ⅹ அத² ஸ ஸி²ஷ்ய​: ஸஹ நாவமாருஹ்ய த³ல்மாநூதா²ஸீமாமாக³த​:|

Ⅺ தத​: பரம்ʼ பி²ரூஸி²ந ஆக³த்ய தேந ஸஹ விவத³மாநாஸ்தஸ்ய பரீக்ஷார்த²ம் ஆகாஸீ²யசிஹ்நம்ʼ த்³ரஷ்டும்ʼ யாசிதவந்த​:|

Ⅻ ததா³ ஸோ(அ)ந்தர்தீ³ர்க⁴ம்ʼ நிஸ்²வஸ்யாகத²யத், ஏதே வித்³யமாநநரா​: குதஸ்²சிந்ஹம்ʼ ம்ருʼக³யந்தே? யுஷ்மாநஹம்ʼ யதா²ர்த²ம்ʼ ப்³ரவீமி லோகாநேதாந் கிமபி சிஹ்நம்ʼ ந த³ர்ஸ²யிஷ்யதே|

ⅩⅢ அத² தாந் ஹித்வா புந ர்நாவம் ஆருஹ்ய பாரமகா³த்|

ⅩⅣ ஏதர்ஹி ஸி²ஷ்யை​: பூபேஷு விஸ்ம்ருʼதேஷு நாவி தேஷாம்ʼ ஸந்நிதௌ⁴ பூப ஏகஏவ ஸ்தி²த​:|

ⅩⅤ ததா³நீம்ʼ யீஸு²ஸ்தாந் ஆதி³ஷ்டவாந் பி²ரூஸி²நாம்ʼ ஹேரோத³ஸ்²ச கிண்வம்ʼ ப்ரதி ஸதர்கா​: ஸாவதா⁴நாஸ்²ச ப⁴வத|

ⅩⅥ ததஸ்தே(அ)ந்யோந்யம்ʼ விவேசநம்ʼ கர்தும் ஆரேபி⁴ரே, அஸ்மாகம்ʼ ஸந்நிதௌ⁴ பூபோ நாஸ்தீதி ஹேதோரித³ம்ʼ கத²யதி|

ⅩⅦ தத்³ பு³த்³வ்வா யீஸு²ஸ்தேப்⁴யோ(அ)கத²யத் யுஷ்மாகம்ʼ ஸ்தா²நே பூபாபா⁴வாத் குத இத்த²ம்ʼ விதர்கயத²? யூயம்ʼ கிமத்³யாபி கிமபி ந ஜாநீத²? போ³த்³து⁴ஞ்ச ந ஸ²க்நுத²? யாவத³த்³ய கிம்ʼ யுஷ்மாகம்ʼ மநாம்ʼஸி கடி²நாநி ஸந்தி?

ⅩⅧ ஸத்ஸு நேத்ரேஷு கிம்ʼ ந பஸ்²யத²? ஸத்ஸு கர்ணேஷு கிம்ʼ ந ஸ்²ருʼணுத²? ந ஸ்மரத² ச?

ⅩⅨ யதா³ஹம்ʼ பஞ்சபூபாந் பஞ்சஸஹஸ்ராணாம்ʼ புருஷாணாம்ʼ மத்⁴யே ப⁴ம்ʼக்த்வா த³த்தவாந் ததா³நீம்ʼ யூயம் அவஸி²ஷ்டபூபை​: பூர்ணாந் கதி ட³ல்லகாந் க்³ருʼஹீதவந்த​:? தே(அ)கத²யந் த்³வாத³ஸ²ட³ல்லகாந்|

ⅩⅩ அபரஞ்ச யதா³ சது​:ஸஹஸ்ராணாம்ʼ புருஷாணாம்ʼ மத்⁴யே பூபாந் ப⁴ம்ʼக்த்வாத³தா³ம்ʼ ததா³ யூயம் அதிரிக்தபூபாநாம்ʼ கதி ட³ல்லகாந் க்³ருʼஹீதவந்த​:? தே கத²யாமாஸு​: ஸப்தட³ல்லகாந்|

ⅩⅪ ததா³ ஸ கதி²தவாந் தர்ஹி யூயம் அது⁴நாபி குதோ போ³த்³வ்வும்ʼ ந ஸ²க்நுத²?

ⅩⅫ அநந்தரம்ʼ தஸ்மிந் பை³த்ஸைதா³நக³ரே ப்ராப்தே லோகா அந்த⁴மேகம்ʼ நரம்ʼ தத்ஸமீபமாநீய தம்ʼ ஸ்ப்ரஷ்டும்ʼ தம்ʼ ப்ரார்த²யாஞ்சக்ரிரே|

ⅩⅩⅢ ததா³ தஸ்யாந்த⁴ஸ்ய கரௌ க்³ருʼஹீத்வா நக³ராத்³ ப³ஹிர்தே³ஸ²ம்ʼ தம்ʼ நீதவாந்; தந்நேத்ரே நிஷ்டீ²வம்ʼ த³த்த்வா தத்³கா³த்ரே ஹஸ்தாவர்பயித்வா தம்ʼ பப்ரச்ச², கிமபி பஸ்²யஸி?

ⅩⅩⅣ ஸ நேத்ரே உந்மீல்ய ஜகா³த³, வ்ருʼக்ஷவத் மநுஜாந் க³ச்ச²தோ நிரீக்ஷே|

ⅩⅩⅤ ததோ யீஸு²​: புநஸ்தஸ்ய நயநயோ ர்ஹஸ்தாவர்பயித்வா தஸ்ய நேத்ரே உந்மீலயாமாஸ; தஸ்மாத் ஸ ஸ்வஸ்தோ² பூ⁴த்வா ஸ்பஷ்டரூபம்ʼ ஸர்வ்வலோகாந் த³த³ர்ஸ²|

ⅩⅩⅥ தத​: பரம்ʼ த்வம்ʼ க்³ராமம்ʼ மா க³ச்ச² க்³ராமஸ்த²ம்ʼ கமபி ச கிமப்யநுக்த்வா நிஜக்³ருʼஹம்ʼ யாஹீத்யாதி³ஸ்²ய யீஸு²ஸ்தம்ʼ நிஜக்³ருʼஹம்ʼ ப்ரஹிதவாந்|

ⅩⅩⅦ அநந்தரம்ʼ ஸி²ஷ்யை​: ஸஹிதோ யீஸு²​: கைஸரீயாபி²லிபிபுரம்ʼ ஜகா³ம, பதி² க³ச்ச²ந் தாநப்ருʼச்ச²த் கோ(அ)ஹம் அத்ர லோகா​: கிம்ʼ வத³ந்தி?

ⅩⅩⅧ தே ப்ரத்யூசு​: த்வாம்ʼ யோஹநம்ʼ மஜ்ஜகம்ʼ வத³ந்தி கிந்து கேபி கேபி ஏலியம்ʼ வத³ந்தி; அபரே கேபி கேபி ப⁴விஷ்யத்³வாதி³நாம் ஏகோ ஜந இதி வத³ந்தி|

ⅩⅩⅨ அத² ஸ தாநப்ருʼச்ச²த் கிந்து கோஹம்? இத்யத்ர யூயம்ʼ கிம்ʼ வத³த²? ததா³ பிதர​: ப்ரத்யவத³த் ப⁴வாந் அபி⁴ஷிக்தஸ்த்ராதா|

ⅩⅩⅩ தத​: ஸ தாந் கா³ட⁴மாதி³ஸ²த்³ யூயம்ʼ மம கதா² கஸ்மைசித³பி மா கத²யத|

ⅩⅩⅪ மநுஷ்யபுத்ரேணாவஸ்²யம்ʼ ப³ஹவோ யாதநா போ⁴க்தவ்யா​: ப்ராசீநலோகை​: ப்ரதா⁴நயாஜகைரத்⁴யாபகைஸ்²ச ஸ நிந்தி³த​: ஸந் கா⁴தயிஷ்யதே த்ருʼதீயதி³நே உத்தா²ஸ்யதி ச, யீஸு²​: ஸி²ஷ்யாநுபதே³ஷ்டுமாரப்⁴ய கதா²மிமாம்ʼ ஸ்பஷ்டமாசஷ்ட|

ⅩⅩⅫ தஸ்மாத் பிதரஸ்தஸ்ய ஹஸ்தௌ த்⁴ருʼத்வா தம்ʼ தர்ஜ்ஜிதவாந்|

ⅩⅩⅩⅢ கிந்து ஸ முக²ம்ʼ பராவர்த்ய ஸி²ஷ்யக³ணம்ʼ நிரீக்ஷ்ய பிதரம்ʼ தர்ஜயித்வாவாதீ³த்³ தூ³ரீப⁴வ விக்⁴நகாரிந் ஈஸ்²வரீயகார்ய்யாத³பி மநுஷ்யகார்ய்யம்ʼ துப்⁴யம்ʼ ரோசததராம்ʼ|

ⅩⅩⅩⅣ அத² ஸ லோகாந் ஸி²ஷ்யாம்ʼஸ்²சாஹூய ஜகா³த³ ய​: கஸ்²சிந் மாமநுக³ந்தும் இச்ச²தி ஸ ஆத்மாநம்ʼ தா³ம்யது, ஸ்வக்ருஸ²ம்ʼ க்³ருʼஹீத்வா மத்பஸ்²சாத்³ ஆயாது|

ⅩⅩⅩⅤ யதோ ய​: கஸ்²சித் ஸ்வப்ராணம்ʼ ரக்ஷிதுமிச்ச²தி ஸ தம்ʼ ஹாரயிஷ்யதி, கிந்து ய​: கஸ்²சிந் மத³ர்த²ம்ʼ ஸுஸம்ʼவாதா³ர்த²ஞ்ச ப்ராணம்ʼ ஹாரயதி ஸ தம்ʼ ரக்ஷிஷ்யதி|

ⅩⅩⅩⅥ அபரஞ்ச மநுஜ​: ஸர்வ்வம்ʼ ஜக³த் ப்ராப்ய யதி³ ஸ்வப்ராணம்ʼ ஹாரயதி தர்ஹி தஸ்ய கோ லாப⁴​:?

ⅩⅩⅩⅦ நர​: ஸ்வப்ராணவிநிமயேந கிம்ʼ தா³தும்ʼ ஸ²க்நோதி?

ⅩⅩⅩⅧ ஏதேஷாம்ʼ வ்யபி⁴சாரிணாம்ʼ பாபிநாஞ்ச லோகாநாம்ʼ ஸாக்ஷாத்³ யதி³ கோபி மாம்ʼ மத்கதா²ஞ்ச லஜ்ஜாஸ்பத³ம்ʼ ஜாநாதி தர்ஹி மநுஜபுத்ரோ யதா³ த⁴ர்ம்மதூ³தை​: ஸஹ பிது​: ப்ரபா⁴வேணாக³மிஷ்யதி ததா³ ஸோபி தம்ʼ லஜ்ஜாஸ்பத³ம்ʼ ஜ்ஞாஸ்யதி|