Ⅰ ཨནནྟརཾ ཏསྱ སིཧཱསནོཔཝིཥྚཛནསྱ དཀྵིཎསྟེ ྅ནྟ རྦཧིཤྩ ལིཁིཏཾ པཏྲམེཀཾ མཡཱ དྲྀཥྚཾ ཏཏ྄ སཔྟམུདྲཱབྷིརངྐིཏཾ།

Ⅱ ཏཏྤཤྩཱད྄ ཨེཀོ བལཝཱན྄ དཱུཏོ དྲྀཥྚཿ ས ཨུཙྩཻཿ སྭརེཎ ཝཱཙམིམཱཾ གྷོཥཡཏི ཀཿ པཏྲམེཏད྄ ཝིཝརཱིཏུཾ ཏམྨུདྲཱ མོཙཡིཏུཉྩཱརྷཏི?

Ⅲ ཀིནྟུ སྭརྒམརྟྟྱཔཱཏཱལེཥུ ཏཏ྄ པཏྲཾ ཝིཝརཱིཏུཾ ནིརཱིཀྵིཏུཉྩ ཀསྱཱཔི སཱམརྠྱཾ ནཱབྷཝཏ྄།

Ⅳ ཨཏོ ཡསྟཏ྄ པཏྲཾ ཝིཝརཱིཏུཾ ནིརཱིཀྵིཏུཉྩཱརྷཏི ཏཱདྲྀཤཛནསྱཱབྷཱཝཱད྄ ཨཧཾ བཧུ རོདིཏཝཱན྄།

Ⅴ ཀིནྟུ ཏེཥཱཾ པྲཱཙཱིནཱནཱམ྄ ཨེཀོ ཛནོ མཱམཝདཏ྄ མཱ རོདཱིཿ པཤྱ ཡོ ཡིཧཱུདཱཝཾཤཱིཡཿ སིཾཧོ དཱཡཱུདོ མཱུལསྭརཱུཔཤྩཱསྟི ས པཏྲསྱ ཏསྱ སཔྟམུདྲཱཎཱཉྩ མོཙནཱཡ པྲམཱུཏཝཱན྄།

Ⅵ ཨཔརཾ སིཾཧཱསནསྱ ཙཏུརྞཱཾ པྲཱཎིནཱཾ པྲཱཙཱིནཝརྒསྱ ཙ མདྷྱ ཨེཀོ མེཥཤཱཝཀོ མཡཱ དྲྀཥྚཿ ས ཚེདིཏ ཨིཝ ཏསྱ སཔྟཤྲྀངྒཱཎི སཔྟལོཙནཱནི ཙ སནྟི ཏཱནི ཀྲྀཏྶྣཱཾ པྲྀཐིཝཱིཾ པྲེཥིཏཱ ཨཱིཤྭརསྱ སཔྟཱཏྨཱནཿ།

Ⅶ ས ཨུཔཱགཏྱ ཏསྱ སིཾཧཱསནོཔཝིཥྚཛནསྱ དཀྵིཎཀརཱཏ྄ ཏཏ྄ པཏྲཾ གྲྀཧཱིཏཝཱན྄།

Ⅷ པཏྲེ གྲྀཧཱིཏེ ཙཏྭཱརཿ པྲཱཎིནཤྩཏུཪྻིཾཾཤཏིཔྲཱཙཱིནཱཤྩ ཏསྱ མེཥཤཱཝཀསྱཱནྟིཀེ པྲཎིཔཏནྟི ཏེཥཱམ྄ ཨེཀཻཀསྱ ཀརཡོ ཪྻཱིཎཱཾ སུགནྡྷིདྲཝྱཻཿ པརིཔཱུརྞཾ སྭརྞམཡཔཱཏྲཉྩ ཏིཥྛཏི ཏཱནི པཝིཏྲལོཀཱནཱཾ པྲཱརྠནཱསྭརཱུཔཱཎི།

Ⅸ ཨཔརཾ ཏེ ནཱུཏནམེཀཾ གཱིཏམགཱཡན྄, ཡཐཱ, གྲཧཱིཏུཾ པཏྲིཀཱཾ ཏསྱ མུདྲཱ མོཙཡིཏུཾ ཏཐཱ། ཏྭམེཝཱརྷསི ཡསྨཱཏ྄ ཏྭཾ བལིཝཏ྄ ཚེདནཾ གཏཿ། སཪྻྭཱབྷྱོ ཛཱཏིབྷཱཥཱབྷྱཿ སཪྻྭསྨཱད྄ ཝཾཤདེཤཏཿ། ཨཱིཤྭརསྱ ཀྲྀཏེ ྅སྨཱན྄ ཏྭཾ སྭཱིཡརཀྟེན ཀྲཱིཏཝཱན྄།

Ⅹ ཨསྨདཱིཤྭརཔཀྵེ ྅སྨཱན྄ ནྲྀཔཏཱིན྄ ཡཱཛཀཱནཔི། ཀྲྀཏཝཱཾསྟེན རཱཛཏྭཾ ཀརིཥྱཱམོ མཧཱིཏལེ༎

Ⅺ ཨཔརཾ ནིརཱིཀྵམཱཎེན མཡཱ སིཾཧཱསནསྱ པྲཱཎིཙཏུཥྚཡསྱ པྲཱཙཱིནཝརྒསྱ ཙ པརིཏོ བཧཱུནཱཾ དཱུཏཱནཱཾ རཝཿ ཤྲུཏཿ, ཏེཥཱཾ སཾཁྱཱ ཨཡུཏཱཡུཏཱནི སཧསྲསཧསྟྲཱཎི ཙ།

Ⅻ ཏཻརུཙྩཻརིདམ྄ ཨུཀྟཾ, པརཱཀྲམཾ དྷནཾ ཛྙཱནཾ ཤཀྟིཾ གཽརཝམཱདརཾ། པྲཤཾསཱཉྩཱརྷཏི པྲཱཔྟུཾ ཚེདིཏོ མེཥཤཱཝཀཿ༎

ⅩⅢ ཨཔརཾ སྭརྒམརྟྟྱཔཱཏཱལསཱགརེཥུ ཡཱནི ཝིདྱནྟེ ཏེཥཱཾ སཪྻྭེཥཱཾ སྲྀཥྚཝསྟཱུནཱཾ ཝཱགིཡཾ མཡཱ ཤྲུཏཱ, པྲཤཾསཱཾ གཽརཝཾ ཤཽཪྻྱམ྄ ཨཱདྷིཔཏྱཾ སནཱཏནཾ། སིཾཧསནོཔཝིཥྚཤྩ མེཥཝཏྶཤྩ གཙྪཏཱཾ།

ⅩⅣ ཨཔརཾ ཏེ ཙཏྭཱརཿ པྲཱཎིནཿ ཀཐིཏཝནྟསྟཐཱསྟུ, ཏཏཤྩཏུཪྻིཾཤཏིཔྲཱཙཱིནཱ ཨཔི པྲཎིཔཏྱ ཏམ྄ ཨནནྟཀཱལཛཱིཝིནཾ པྲཱཎམན྄།