Job.
25.
Súah-neggweburgined-Bildad, Job-abin weyob sogded: 
“Bab-Dummadi, dule-gandikidid. Dobesar dule-imakedid. Bab-Dummadi bela nibneggine igar-ilemakmaidid. 
E-sordagan-merguedi, gege ebisleged. Bela dulemargi Bab-Dummad-e-gwallu gaed. 
¿Sunna dule ibmar-oakalossuliyob Bab-Dummad-asabinni gwisgusi? ¿Sunna dule Bab-Dummad-asabinni islidikidga na san-imaksi? 
Ar niibela Bab-Dummad-asabinni bollee gaed, niisgwamarbela e-asabinni gannarba gasurmogad. 
Dule-bulesunna, nus-musgimakmaiyob gudiid, dulede, napa-nusyob gued.”