Salmos.
4.
David we-namaked narmaksad. Namakmalad-e-iduedga soglenaid: We-namakleged, Neginotʼba namaklegoye. Bab-Dummad, igar-bulegan-idu be an-irwa-gwisguedid. An bese gotele, bitigi be an-itosana gadin. Bab-Dummadye, an suli-suli itoged, wis be an-bendake. Wile be an-dake. An bese-goled be an-itoge. 
Emide, ¿sanagwadse bemar, an-nug-oichodiidi, iemaloye be soge? ¿Sana be ibmar-igarga-gwen-guosulidgi-alamakdimaladi, be iemaloye soge? ¿Sana be gakan-igarba-nanamalad, be iemaloye soge? 
Be itomar, dule-Bab-Jehováʼba nue-nanadiile, Bab-Dummad, a-dulebina itogerba daed. A-ular, Bab-Jehováʼse an gotele, an-itodaed. 
Be sae-itoalile, nue salakarmar. Melle Bab-Dummadgi isgumalo. Mutik be gabesokalir, bogidik be-ulubgi, be ibmar-imaksadgi nue-binsamai samalo. 
Bab-Dummad-bese-ibmar-napiragwad-egismaidba Bab-Dummadga be ukmalo. Melle Bab-Jehováʼgi be bengumalo. 
Bukidar dulemar sogdidinanaed: “¿Wede doa anmarga ibmar-nued wis oyogoe?” Bab-Jehováʼye, wis be anmarga ibmar-nued oyoge, be-sabgued be anmarse-oyoge. 
Dulemar bukidar-masgunned-nikale, gobed-nikale, na weligwar itodidamalad. Bab-Dummad, bedi a-dulemarba bur bule weligwar-itogega be an-imaked. 
Bab-Jehová, ar bebi unnila an-edarbedisoggu, dobsulidgi an megidoed, bogidikidgi an gabidoed.