Salmos.
127.
Jerusalénʼse-nakwe-nadapir-namaklegega, Salomón, we-namaked narmaksad. Ar Bab-Jehová neg-sobsulile, binsarsunna neg-sobmalad arbananaid. Ar Bab-Jehová neggweburgi nakulesulile, binsarsunna neggweburgi-nakulemalad nakulebukmalad. 
Bemar mas-gunnega binsarsunna arbaed-dummad-imakega, bolegoedba gwisgumalad, mutiksaila be gabmalad. Ar Bab-Jehová, e-dule-sabeddi bukib-binsasuli nue-gabdii imaked. 
Anmar mimmigan-nikadi, Bab-Jehová anmarga uksad, Bab-Jehová anmargi doggus-nued-binsaedbali, mimmigan anmarga gwalulemaid. 
Igi-dule bila-onogedgi sigu-bukidar-ganikile, dobsuli-itoge, debayobi, sapingwagwadgi dule mimmigan-bukidar-nikale, dobsuli gued. 
Dule, mimmigan-bukidar-nikale, we-dulegi, nued binsalesad. We-dule, dulemar-abargi na e-isdarmaladbo abin-abin-imakalile, e-isdarmalad-abin suli-suli itogosulid.