Ezequiel.
15.
Bab-Jehová anga sogded: 
“Dule-machi, ¿ibigine, uva-dub-e-saila, sapi-bamalad-e-sailamarba bur-nuedi? ¿Uva-dub-e-wala, sapi-bamalad-abargi ibuga gumoga? 
We-uva-dub-e-saila ibmar-sobega gusulid, ibmar-nasikega gusurbalid. 
Unnila sapanga gued. Ar e-dukumar gummaksale, e-gwaa sogunga-gusale, ¿ibmarga guo be ebinsae? 
Ar amba yoo gummakubela, ibmarga gussulid. Emi-bulesunna, ¿sunna bar ibmarga guosi? Geg bar ibmarga gue.” 
Degisoggu, Bab-Jehová-Bela-Gangued-Nikadi weyob soged: “Ar igi uva-dub-e-saila, soogi gummakega mellege, deyobi, an Jerusalén-e-dulemar imakmogoed. 
An wemarbo urwoed. Amba soogi wakinmalo-inigwele, ar soo-baidse gummakmaloed. Ar an wemarbo ulusale, bemar wisgumaloed, ani an Bab-Jehová gue. 
E-yala nega-dulesulidganga an imakoed, ar angi nosmalad. Ani an Bab-Jehová-Bela-Gangued-Nikadi weyob soged.”