Wâŋgiŋa Paneâŋa kâ.
136.
Kinda kawânda ndaŋge ilâ pa Yova Kindeni, ŋana tu i nde ara tamwata. ‘Mao nâ, i tini mwasa ndo pa kinda ikura zo rârâni. 
Kinda taporo ndaŋge ilâ pa Maro Kindeni, ina ipolenzi maro rârâni. “Mao nâ, i tini mwasa ndo pa kinda ikura zo rârâni. 
Kinda taporo ndaŋge ilâ pa Maro Ŋalae, ina kala ipolenzi tamâta ŋalaŋala rârâni simo tâno kulu. “Mao nâ, i tini mwasa ndo pa kinda ikura zo rârâni. 
Ina simbo nâ uru iveta mâsi ŋalaŋala. “Mao nâ, i tini mwasa ndo pa kinda ikura zo rârâni. 
I ne ilo-kalo nde ŋalae ndo; mine kala ipulia samba ipâŋga lâ. “Mao nâ, i tini mwasa ndo pa kinda ikura zo rârâni. 
Ina io tâno imandi lââ kulu. “Mao nâ, i tini mwasa ndo pa kinda ikura zo rârâni. 
Ina ionzi sinâla ŋalaŋala sipâŋga samba tini. “Mao nâ, i tini mwasa ndo pa kinda ikura zo rârâni. 
Aku ina io kari tu ikatona mbwale. “Mao nâ, i tini mwasa ndo pa kinda ikura zo rârâni. 
Ina io nzimona tavanzi pitu tu sikatona mbo. “Mao nâ, i tini mwasa ndo pa kinda ikura zo rârâni. 
Ina nanayoni ivilanzi timbunda, kala ipunzi Isip tamâta natunzi tamâne nzâla-kulu pâta sipamateteu. “Mao nâ, i tini mwasa ndo pa kinda ikura zo rârâni. 
Ŋineŋga ina ikainzi Isrel ŋgu sipile Isip tâno siyâti simâ. “Mao nâ, i tini mwasa ndo pa kinda ikura zo rârâni. 
I tamwata ne walo nde kaika ndo, kala iveta mine. “Mao nâ, i tini mwasa ndo pa kinda ikura zo rârâni. 
Aku muli ŋga ina ipu Tâi Ŋiŋi kala ipwa pwataki mo rua. ‘Mao nâ, i tini mwasa ndo pa kinda ikura zo rârâni. 
Ŋineŋga ina ikainzi ne tamâta soka mâsa-mâsa nâ lâ tâi ŋgini simbwaliu silâ. ‘Mao nâ, i tini mwasa ndo pa kinda ikura zo rârâni. 
Andeta ipatuku Isip nenzi koipu ŋalae tavanzi ne zugu tamâta sinu lââ kala sipamateteu lâ. ‘Mao nâ, i tini mwasa ndo pa kinda ikura zo rârâni. 
Aku ina imuŋga panzi ne tamâta soka nia bilimu silâ. ‘Mao nâ, i tini mwasa ndo pa kinda ikura zo rârâni. 
Ŋineŋga ina ipunzi koipu kaika ŋalaŋala pâta simâte. ‘Mao nâ, i tini mwasa ndo pa kinda ikura zo rârâni. 
Kinzi koipu ŋalaŋala ŋinde nawalanzi pinde nde ŋanzi ŋalae, andeta ipunzi pâta simâte. ‘Mao nâ, i tini mwasa ndo pa kinda ikura zo rârâni. 
Ina ipu Amor ŋgu nenzi koipu ŋalae Sihon pâta imâte. ‘Mao nâ, i tini mwasa ndo pa kinda ikura zo rârâni. 
Aku ina kala ipu Basan ŋgu nenzi koipu ŋalae Ok pâta imâte tona. ‘Mao nâ, i tini mwasa ndo pa kinda ikura zo rârâni. 
Ŋineŋga ikai kinzi koipu ŋalaŋala ŋinde nenzi tâno, aku ikisi keri panzi ne tamâta. ‘Mao nâ, i tini mwasa ndo pa kinda ikura zo rârâni. 
Ŋineŋga tâno ŋinde ilanzi ne wurâta tamâta Isrel. ‘Mao nâ, i tini mwasa ndo pa kinda ikura zo rârâni. 
Kinzi simo lee aku muli, ŋineŋga nenda kazâŋa tamâta sipole kinda lâ, andeta i ŋandai kalo kapa ŋana kinda ŋga. “Mao nâ, i tini mwasa ndo pa kinda ikura zo rârâni. 
I kalo ŋgere kilo ŋana kinda kâ, kala ikai kinda piti lâ nenda kazâŋa tamâta mbaunzi ilo. “Mao nâ, i tini mwasa ndo pa kinda ikura zo rârâni. 
Ina uru kâpwa ilanzi kelekele rârâni simo vianzi. “Mao nâ, i tini mwasa ndo pa kinda ikura zo rârâni. 
Mine nde kawânda ndaŋge ilâ pa Maro Kindeni, inani imo samba ilo. “Mao nâ, i tini mwasa ndo pa kinda ikura zo rârâni.