1 Dan mi si wan buku na ini a let'anu fu a Wan di sidon na tapu a kownusturu. Inisei nanga dorosei fu a buku ben abi skrifi, èn a ben tai nanga seibi lenti. * Ezec 2:9-10; Jes 29:11 2 Dan mi si wan tranga engel e bari nanga tranga sten taki: “Suma warti fu lusu den lenti èn fu opo a buku?” 3 Ma no wan sma na ini heimel, na tapu grontapu noso na ondro gron, ben man opo a buku fu leisi en.

4 Dan mi bigin krei tranga, fu di no wan sma ben warti fu opo a buku fu leisi en. 5 Ne wan fu den fesiman taigi mi taki: “No krei. Luku, a lew di kmopo ini a lo* A wortu “lo” wani taki: “wan bigi grupu sma di kmoto fu wan rutu.” Ini bakratongo den e kari en: “stam.” fu Yuda, èn di de wan bakapikin fu David, ben wini a strei. Dat' meki A kan lusu den lenti èn opo a buku.” * Gen 49:9; Jes 11:1,10

6 Dan mi si wan Lam. A ben tnapu na mindri fu a kownusturu, den fo libilibi sani, nanga den fesiman. A ben gersi wan lam di den ben srakti. A ben abi seibi tutu nanga seibi ai. Disi na den seibi Yeye fu Gado di A ben seni go na heri grontapu. * Jes 53:7; Zach 4:10 7 Dan a Lam kon teki a buku ini a let'anu fu a Wan di sidon na tapu a kownusturu. 8 Di A teki a buku, den fo libilibi sani nanga den tutenti-na-fo (24) fesiman fadon tapu den kindi na En fesi. Den alamala ben abi wan gitara, nanga wan gowtu skarki nanga switismeri na ini. Dati na den begi fu den sma fu Gado. * Ps 141:2 9 Dan den singi wan nyun singi taki:

11 Dan mi si èn mi yere bun furu engel. Den ben tnapu lontu a kownusturu nanga den fo libilibi sani nanga den fesiman. Na milyun-milyun engel ben de. * Dan 7:10 12 Den taki nanga tranga sten taki:

13 Dan mi yere ala libi sani di de ini heimel, na tapu grontapu, ondro gron, nanga ini a se taki:

14 Dan den fo libilibi sani piki taki: “Amen,” èn den fesiman fadon tapu den kindi fu anbegi En.