1 Hinage doha, omi sisine maitawasora, monemiuyao au awaabiedi, ena taba headi Eaubada ena riba nige se awaabiei, taiede, nige ribariba eai na ata bena monediyao sisine edi miamia debadi eai tatao wa nuadi abo se buidi, 2 paana emi iila aana, ma‐matausina, abo se ita. 3 Ami pasa tabu ami ao mo pasana, doha uru hilihilina, e pasa gold au tore, e lulu luiluina eai, 4 na doga eamuyamuina wa nuaboeamiu eai, pasana ede earua manamanabigana, hedobidobiuioina, iaede taba nige i posa eo Eaubada matana eai ginauri maisa lailaina ina. 5 Doha ina huia mumuga eai sisine tabudi, Eaubada tausunumaena, edi abiabipasa, hede monediyao se awaabiedi, 6 doha Saraha Aberahama i awaabiei esana i atai guiau. Ia nanatunayao‐sisine ede omi, ena emi abi se dudurai, nige saha au matausiei, taba nige aruamiu se loi.

7 Hinage doha, omi tatao maitawasora, ma‐monemiuyao au mia‐esega eo au abi komakomanidi, sine au heasisiei paana ia tauberuberuna ede, au mia doha taumiu labui mauri ainauiana au hearo‐esegai, abo taba nige emi uura au guduguduidi.

8 Riba murimurita‐aririna ede, gamagarimiu bena nuamiu esega, esau esau au hai‐hebigauioimiu, au haigadosisi doha omi boga esega, ma‐nuatoatoamiu tatao au heasisiedi. 9 Baaea tabu maisana au heuio baaea eai, e diladila maisana au heuio diladila eai; omi udoi, se eogahaimiu riba‐helolo mo arinai au heuheuio, arinai nuawoiwoina ainauiana bena au hearo. 10 Paana

13 Na eai abo i hebaaeamiu, ena omi lolo au laulauwatai? 14 Na ena laulau‐dudurai debana eai amamna au hearo, emi kode meta. Edi hemahematausi tabu au matausiei, eo tabu nuamiu se porohe, 15 na Guiau emi Eaubada nuaboeamiu eai au hetabuei. Huia gamagari emi riba bena se nonoha, arinai abo tatao au heuioedi ena emi sunuma paana nuaboeamiu eai wa se hetala, nuatudobidobiuio eai eo ma‐heasisimiu eai riba au heuio; 16 emi aba‐nuanuatu‐dudurai, nuaboeamiu eai, abo se nega, arinai ena se riba‐baaeaimiu, tauhebaaeamiu emi miamia lolodi Keriso boeana eai se ita abo se taumaeamaea. 17 Paana ena Eaubada nuana ede, i lolo ariri ena laulau dudurai debana eai amamna au hearo; laulau baaea debana eai ta amamna nige i lolo. 18 Nabada Keriso amamna i hearoyao, taulaulau‐dudurai, taulaulau‐gewagewa enadi i hearo, huia esegana eai, bena i woeaida Eaubada arinai, bulumana eai se unuhemate na Earua i abihemauriuioi; 19 abotai ie lau earuyarua se tutuguduidi wa, enadi i lauguguia, 20 isi mumuga eai tau‐awayagara, huia ne Eaubada ena taubiga eai i bagiasaeaidi. Noa asubenana eai, huia ne ake se lauginauri, arinai tatao hisahisawaidi mo, haligigi‐haiona, goila eai wa se hemauridi. 21 Bapatiso tautauna ina, iaede i hemaurida Iesu Keriso ena torouio debana eai, nige buluma biina toretorehesuarana eai tauda eai ta torehesuara, na eda eoga mo Eaubada arinai, bena nuatu aba‐heduduraina nuaboeada eai i nega, Iesu Keriso ena torouio debana eai, 22 Ia i seuioo galewa, ia Eaubada nimatutuna eai, maena aneru, eo wasawasa saesaedi, eo gigibori udoi udoi, ia awaabina eai se laulau.