IOSUA.
13.
Iosua i tautaubadao, ena borimai se gamagari: Guiau i ribalau ia arinai i ene, U tautaubadao, eo em borimai se gamagari, sora tano lailai nige au abiheohi. 
Tano va sora nige se abi va anasigasiga Guiau Iosua i heriba. 
Tano ta abo au soi boga haligigi‐hasi aridi eai, eo Manasa boganaeao tupona arinai. 
Reubena, eo Gada, eo Manasa boganaeao tupona, edi oea se abiao, Mose i mosedi va, Ioridano hari teha eai, tupo aruabo eai, doha Mose Guiau ena heaheari i mosedi. 
Vau Reubena, eo Gada, eo Manasa boganaeao tupona, edi oea sigasigadi Iosua i ribaedi. 
Levi boganaeao mo oea nige i mosedi, Guiau, Isaraela edi Eaubada ena aitalasam oeagi alaalasina eai se ginauridi enadi meta, doha hinage i heribadi. 
Reubena boganaeao edi oea sigasigadi se uridi. 
Gada boganaeao edi oea sigasigadi se uridi. 
Manasa boganaeao tupona edi oea sigasigadi se uridi. 
Mose Levi boganaeao oea nige i mosedi, Guiau, Isaraela edi Eaubada, edi oea ede, doha hinage i heribadi.