SALAMO.
13.
GUIAU e, abo i lau e aitea huia? Abo u nuahuiegu i lau e ana huia ana tasi? I lau e aitea huia matam abo u buburi taba nige ea itam? 
I lau e aitea huia abo nuagu eai amamna lailai, eo asubena to maiona abo nuadubu nuagu eai? I lau e aitea huia agu waiunu abo i saepoigu? 
U italaoma eo u heuioegu, GUIAU e, egu Eaubada; matagu u hemaradi ata mate mamohoi enona ea enoei; 
ata agu waiunu i ene, “Ea saepoiyao”; ata agu waiunu se kode paana egu tabutabubu debana eai. 
Na oa em gadosisi miatahitahina ea sunumaei, nuagu abo i kodelamposi em abihemauri debana eai. 
GUIAU arinai abo ea wana, paana ia i ainauia aririegu.