SALAMO.
93.
GUIAU ia wasawasa ede; ia ana tepo wasawasana eai se helui; GUIAU se helui, adidirina ie lio. Mamohoi tanoubu i totoro adidiri; taba nige se hemoimoiu. 
Em terona mumuga eai se hetoro; oa mumuga ariri eai u mia nige nosina. 
GUIAU e, dibori utu’utu se dagudagugu, dibori utu’utu arinadi se lauisinidi, dibori utu’utu balamumudi se helaidi. 
GUIAU ini puripurina eai i gigibori ariri, ena gigibori dibori utu’utudi gamagaridi dagugudi i saetawatawaidi, gabogabo bagodudi edi gigibori i saetawatawaidi! 
Ena lauhesom ribadi isi ede mamohoi ariri; hetabuena i patulau em numa tabuna arinai, GUIAU e, i lau e nige nosina.