SALAMO.
130.
GUIAU e, eau duha alona eai ea doulaowa arim eai! 
Guiau e, arinagu u ataiei! Beam bena i tasoe egu aiboda daguguna arinai! 
GUIAU e, ena oa laulau gewagewadi u nuatudidinidi, Guiau e, eai gonoana abo i toro? 
Na baaea ribagigirina ede oa arim eai i laoma, arinai oa mo matausim abo se matausi. 
Eau GUIAU ea bagibagiei, earuagu hinage ia i bagibagiei, eo ia ena riba arinai ea sunusunuma; 
Eau earuagu Guiau i bagibagiei doha isi tausilasilawa maratomtom taubagibagiena, eau mo ea hemuridi, doha isi tausilasilawa maratomtom taubagibagiena eau mo ea hemuridi. 
Isaraela e, u sunumalau GUIAU arinai! Paana GUIAU arinai ede gadosisi miatahitahina, eo ena abihemauri i lai ariariri. 
Ia hinage abo Isaraela i unehemauri ena laulau gewagewadi gamagaridi aridi eai.