नेहेम्‍याह.
7.
मिनु गारो प्रोव़ने थुम्‍शा, लाप्‍चोपुकी थारशा गारपाइश्‍शा वोइक्‍ताक्‍मी। लाप्‍चो खाल पाइबपुकी, कुम्‍सो पाइबपुकी नु लेवी नेल्‍ल योव़शा वोइक्‍तामी। 
मिनु गो आं लोक्‍ब हानानी नु लडाइ पाइब आन नेल्‍ल क्‍येङा ठेयब मुर हनान्‍याह आस कली यरूसलेममी हुकुम पाइब सेल्‍तासी। मारदे हना शुश मुर आन क्‍येङा हनान्‍याह दीगो नु रिम्‍शो पाइब परमप्रभु कली मान पा हिंब बाक्‍त। 
मिनु गो मेको आस कली “यरूसलेम ङा ठेयब लाप्‍चोपुकी नां चोक्‍ता नोले ला रोक्‍पतीन। मिनु नोले खाल पाइबपुकी ठेयब लाप्‍चोम गेय पची ना लाप्‍चोपुकी चोक्‍शा, आग्‍लो शुइक्‍चा माल्‍नीम। यरूसलेम ङा मुरपुकी का का पा खाल पाइब सेल्‍चा माल्‍नीम। का निक्‍शी गारो कोव़ब सेल्‍चा, का निक्‍शी आंम आन खिं आ ङोंइती खाल पचा माल्‍नीम” दे माइक्‍तामी। 
सहर ठेयब बाक्‍ब। मिनु मुर शुश मबाक्‍तीके, ब्रशा बाक्‍शो बाक्‍तेक्‍म। मिनु सुइमी आन खिं लेंशा सेल्‍शो मबाक्‍म। 
मिनु आं परमप्रभुमी आं कली “ठेयब मुर, सरकार ङा अधिकार ताइब नु अरु मुर नेल्‍ल आन कली बुक्‍पाइश्‍शा, मेको नु आन खिं ङा मुर आन नें ब्रेक्‍चा माल्‍नुङ” दे मिम्‍पाइक्‍ती। मिनु गो ग्‍याइश्‍शा लाइक्‍चा पुंइसीशो रे, यरूसलेम लेश्‍शा जाक्‍ब आन नें ब्रेक्‍शो किताब थित्‍ता। मिनु मेको किताबम सु सु आन नें ब्रेक्‍शो बाक्‍तेक्‍म देंशा हना, 
ङोंइती बेबीलोन ङा पिप नेबुकदनेसरमी यरूसलेम नु यहूदा ङा मुर आन कली ग्‍याइश्‍शा लाइश्‍शो बाक्‍त। मिनु सु सु नोले यरूसलेम नु यहूदा ङा आंम आन सहर लेत्‍चा तशो बाक्‍तेक्‍म देंशा हना, 
जेरूब-बाबेल, येशुआ, नेहेम्‍याह, अजारयाह, राम्‍याह, नाहामानी, मोरदेकै, बिल्‍शान, मिस्‍पेरेथ बिग्‍वाइ, नेहुम नु बानाह लेत्‍चा तशो बाक्‍तेक्‍म। 
लेत्‍चा ताइब इस्राएली सु सु बाक्‍तेक्‍म देंशा हना, पारोश नु आ खिं ङा मुर २,१७२ 
शेफत्‍याह नु आ खिं ङा मुर ३७२ 
आराह नु आ खिं ङा मुर ६५२ 
पहाथ-मोआब नु आ खिं ङा मुर नु येशुआ नु योआब आस खिं ङा मुर नेल्‍ल २,८१८ 
एलाम नु आ खिं ङा मुर १,२५४ 
जत्‍तु नु आ खिं ङा मुर ८४५ 
जक्‍काइ नु आ खिं ङा मुर ७६० 
बिन्‍नुइ नु आ खिं ङा मुर ६४८ 
बेबाइ नु आ खिं ङा मुर ६२८ 
अज्‍गाद नु आ खिं ङा मुर २,३२२ 
अदोनीकाम नु आ खिं ङा मुर ६६७ 
बिग्‍वाइ नु आ खिं ङा मुर २,०६७ 
आदीन नु आ खिं ङा मुर ६५५ 
आतेर नु हिज्‍कीयाह नु आस खिं ङा मुर ९८ 
हाशुम नु आ खिं ङा मुर ३२८ 
बेजाइ नु आ खिं ङा मुर ३२४ 
हारीफ नु आ खिं ङा मुर ११२ 
गिबोन नु आ खिं ङा मुर ९५ 
बेथलेहेम नु नेतोफाह सहर ङा मुर १८८ 
अनाथोथ सहर ङा मुर १२८ 
बेथ-अज्‍मावेथ सहर ङा मुर ४२ 
किरयथ-यारीम, केफीरा नु बेयरोथ सहर ङा मुर ७४३ 
रामाह नु गेबा सहर ङा मुर ६२१ 
मिक‍मास सहर ङा मुर १२२ 
बेथेल नु ऐ सहर ङा मुर १२३ 
अर्को नेबो सहर ङा मुर ५२ 
अर्को एलाम आ तौ १,२५४ 
हारीम आ तौ ३२० 
यरीको सहर ङा वोंइश मुर ३४५ 
लोद, हादीद नु ओनो सहर ङा वोंइश मुर ७२१ 
सेनाह सहर ङा वोंइश मुर ३,९३० जना लेत्‍चा ताइब बाक्‍तेक्‍म। 
येशुआ आ खिं ङा येदायाह आ चच युइ ९७३ 
इम्‍मेर आ चच युइ १,०५२ 
पश्‍हुर आ चच युइ १,२४७ 
हारीम आ चच युइ १,०१७ जना बाक्‍तेक्‍म। 
होदेवाह आ खिं ङा येशुआ नु कदमीएल आस चच युइ ७४ जना लेत्‍चा तशो बाक्‍तेक्‍म। 
आसाफ आ चच युइ १४८ जना लेत्‍चा तशो बाक्‍तेक्‍म। 
शाल्‍लुम, आतेर, ताल्‍मोन, अक्‍कुब, हतीता नु शोबाइ आन चच युइ १३८ जना लेत्‍चा तशो बाक्‍तेक्‍म। 
सीहा आ तौपुकी, हासुफा आ तौपुकी, तब्‍बाओथ आ तौपुकी, 
केरोस आ तौपुकी, सीआ आ तौपुकी, पादोन आ तौपुकी, 
लेबाना आ तौपुकी, हगाबा आ तौपुकी, शाल्‍माइ आ तौपुकी 
हानान आ तौपुकी, गिददेल आ तौपुकी, गहार आ तौपुकी, 
रेआयाह आ तौपुकी, रेसीन आ तौपुकी, नेकोदा आ तौपुकी, 
गज्‍जाम आ तौपुकी, उज्‍जा आ तौपुकी, पासेआह आ तौपुकी, 
बेसाइ आ तौपुकी, मेउनीम आ तौपुकी, नेफुशेसीम आ तौपुकी, 
बाकबुक आ तौपुकी, हकुफा आ तौपुकी, हारहुर आ तौपुकी, 
बास्‍लुथ आ तौपुकी, मेहीदा आ तौपुकी, हारशा आ तौपुकी, 
बारकोस आ तौपुकी, सीसेरा आ तौपुकी, तेमाह आ तौपुकी, 
नु नेसीयाह नु हतीफा आस तौपुकी परमप्रभु यावे आ खिं ङा गेय पाइब लेत्‍चा तशो बाक्‍तेक्‍म। 
सोताइ आ तौपुकी, सोफेरेथ आ तौपुकी, परीदा आ तौपुकी, 
याला आ तौपुकी, दारकोन आ तौपुकी, गिददेल आ तौपुकी, 
शेफत्‍याह आ तौपुकी, हत्‍तील आ तौपुकी, पोकेरेथ-हस्‍सेबाइम आ तौपुकी नु आमोन आ तौपुकी, 
परमप्रभु यावे आ खिं ङा गेय पाइब नु सोलोमन आ खिं ङा गेय पाइब आन तौ नेल्‍ल पा ३९२ जना लेत्‍चा तशो बाक्‍तेक्‍म। 
तेल-मेलाह, तेल-हारशा, करूब, अददोन नु इम्‍मेर सहर रे कुइ‍ब मुर आन किकी पिपी इस्राएली बाक्‍नीम, दे ब्रेक्‍तीकेमी कोंइने मचबेम। 
देलायाह, तोबीयाह नु नेकोदा आन तौ नेल्‍ल पा ६४२ जना बाक्‍तेक्‍म। 
चढ़ेब आन दाते रे होबायाह, हककोस आस चच युइ नु बारजील्‍लाइ बाक्‍नीम। बारजील्‍लाइमी चहिं गिलादी बारजील्‍लाइ आ तमी का ग्‍युंबे पा आ शिउ आ नें बारजील्‍लाइ माइक्‍चा पुंइसीशो बाक्‍त। 
मेको आन नें ब्रेक्‍शो मथित्‍तीके, चढ़ेतीक गेय पचा मशिरनीम, दे तिल्‍चा पुंइसीशो बाक्‍तेक्‍म। 
हुकुम पाइबमी ऊरीम नु थुम्‍मीम रे गेय पाइब चढ़ेब मग्रूम सम्‍म मेको आन कली चढ़ेशो थोव़की जचा मगेमे बाक्‍त। प्रस्‍थान २८:३०; गन्‍ती १८:९; १सामुएल १४:४१ 
यरूसलेम लेश्‍शा जाक्‍ब नेल्‍ल ४२,३६० जना बाक्‍तेक्‍म। 
मेको आन वाइलीम वाइल ७,३३७ जना बाक्‍तेक्‍म। मिनु कुम्‍सो पाइबपुकी २४५ जना मुर बाक्‍तेक्‍म। 
मिनु ७३६ ओटा शारा, २४५ ओटा खच्‍चर, 
दलओंठ ४३५ नु ६,७२० ओटा गधा बाक्‍तेक्‍म। 
मिनु का निक्‍शी खिं ङा ठेयब मुरपुकीमी गारो प्रोव़चा कली मार मार गेम्‍तेक्‍म। हुकुम पाइबमी सुन के आदारकोन माइश्‍शो क्‍येट हजार का टुक्रा, ५० ओटा बोस नु ५ सहे ३० ओटा चढ़ेब आन कली फेक्‍तीके वा गेप्‍तु। आदारकोन का ८.४ ग्राम सुन के क्‍येट बाक्‍ब। 
मिनु का निक्‍शी खिं ङा ठेयब मुरपुकीमी गेय कली सुन के आदारकोन २० हजार टुक्रा नु चांदी के मीना माइश्‍शो क्‍येट हजार निक्‍शी सहे निक्‍शी टुक्रा गेम्‍तेक्‍म। मीना का ६०० ग्राम खोदेंशो बाक्‍ब। 
लीशो मुरपुकीमी सुन के आदारकोन २० हजार टुक्रा नु चांदी के मीना हजार निक्‍शी टुक्रा नु ६७ ओटा चढ़ेब आन कली फेक्‍तीके वा गेम्‍तेक्‍म। 
मिनु चढ़ेबपुकी, लेवीपुकी, लाप्‍चो खाल पाइबपुकी, कुम्‍सो पाइबपुकी, परमप्रभु यावे आ खिंमी गेय पाइबपुकी नु अरु नेल्‍ल इस्राएली आन आंम आंम सहरमी लशा बाक्‍शो बाक्‍तेक्‍म।