1 فٍرٍ بُ نّ كِ قَنيِ رَ دَوُدَ شَ مِشِيٍ نُن سْلُ شَ مِشِيٍ تَفِ، دَوُدَ سّنبّ نُ فبٌمَ، سْلُ شَ مِشِيٍ تَن سّنبّ نُ شُرُنمَ. 2 دَوُدَ شَ دِيٍ نَن يَ نَشٍيٍ بَرِشِ هٍبِرٌن. عَ شَ دِ سِنفٍ قِندِشِ عَمِنٌن نَن نَ، عَشِنٌوَ مَ يِسِرٍيلِكَ نَشَن بَرِ عَ بّ. 3 عَ شَ دِ قِرِن ندٍ قِندِشِ كِلٍيَبَ نَن نَ، نَبَلِ كَرٍ مٍلٍكَ شَ فِنّ عَبِفَيِلِ نَشَن بَرِ عَ بّ. عَ شَ دِ سَشَن ندٍ قِندِشِ عَبِسَلٌمِ نَن نَ، فٍسُرِ مَنفّ شَ دِ فِنّ تَلَمَيِ، مَاكَ نَشَن بَرِ عَ بّ. 4 عَ شَ دِ نَانِ ندٍ قِندِشِ عَدٌنِيَ نَن نَ، هَفِ نَشَن بَرِ عَ بّ. عَ شَ دِ سُولِ ندٍ قِندِشِ سّقَتَيَ نَن نَ، عَبِتَلِ نَشَن بَرِ عَ بّ. 5 عَ شَ دِ سٍننِ ندٍ قِندِشِ يِتِرٍيَمِ نَن نَ، عَ شَ فِنّ عٍفٍلَ نَشَن بَرِ عَ بّ. دَوُدَ شَ دِيٍ نَن نَ كِ نَشٍيٍ بَرِ هٍبِرٌن.

6 سْلُ شَ مِشِيٍ نُن دَوُدَ شَ مِشِيٍ نُ نَ فٍرٍقٍ تّمُي نَشّ، عَبٍنٍرِ نُ كَتَمَ سّنبّ سْتْدٍ سْلُ شَ مِشِيٍ يَ مَ. 7 سْلُ شَ كٌنيِ فِنّ ندٍ نُ نَ نَشَن شِلِ رِ سِثَ، عَيَ شَ دِ فِنّ. عِسِبٌسٍتِ نَشَ عَبٍنٍرِ مَشْرِن، «مُنقٍ رَ عِ بِرَشِ ﭑ بَبَ شَ كٌنيِ فِنّ قْشْ رَ؟» 8 عَبٍنٍرِ نَشَ شْنْ عِسِبٌسٍتِ مَ نَ وْيّنيِ شَ قٍ رَ، عَ قَ عَ يَابِ، «ثٍ، بَرٍ نَن ﭑ نَ يُدَيَ بْشِ مَ؟ ﭑ قٍ فبٍفبٍ رَبَشِ نّ عِ بْنسْي بّ، عِ بَبَ شَ دٍنبَيَ بّ، نُن عِ بَبَ بٌورٍيٍ بّ. عِ بَبَ شَ شَنُنتٍيَ شَ قٍ رَ، ﭑ مُ تِن عِ سٌدٍ دَوُدَ يِ رَ. كْنْ يَكْسِ عِ قَ ﭑ كَلَمُشِ يِ فِنّ نَن مَ قٍ رَ؟ 9 عَلَ شَ ﭑ مَكِيتِ عَ حَاشِ رَ، شَ ﭑ مُ قٍ بِرِن نَبَ عَلَكٌ دَوُدَ شَ قٍ شَ كَمَلِ، عَلْ عَلَتَلَ عَ لَايِدِشِ عَ بّ كِ نَشّ، 10 عَ شَ مَنفّيَ بَ سْلُ يِ رَ، عَ قَ دَوُدَ شَ مَنفّيَ مَبَنبَن يُدَيَ بْشِ مَ، كٍلِقٍ دَنَ هَن بٍرِ سٍيبَ.» 11 عِسِبٌسٍتِ مُ سُو سَ عَ يَابِدٍ وْيّن كٍرٍن نَ، بَرِ مَ عَ فَاشُشِ عَ يَ رَ.

12 عَبٍنٍرِ نَشَ شّيرَيٍ شّي دَوُدَ مَ، عٍ شَ سَ عَ قَلَ عَ بّ عَ تَن شِلِ رَ، «ندٍ فبٍ نَ يِ بْشِ رَ؟» عٍ مَن شَ سَ عَ قَلَ عَ بّ، «وٌن شَ سَاتَ، ﭑ شَ عِ مَلِ عِسِرَيِلَ بِرِن يَ شَ رَقِندِ عِ مَ.» 13 دَوُدَ نَشَ عَ يَابِ، «عَوَ، وٌن شَ سَاتّ شِرِ، كْنْ ﭑ مُ وَ مَ عِ شَ قَ ﭑ يِرٍ ﭑ مَ فِنّ مِكَلِ شَنبِ، سْلُ شَ دِ فِنّ.» 14 دَوُدَ نَشَ شّيرَيٍ شّي سْلُ شَ دِ عِسِبٌسٍتِ مَ، عَ قَلَقٍ رَ، «ﭑ مَ فِنّ رَ سَنبَ ﭑ مَ بٍ، ﭑ نَشَن شَ كٌتٍ دْشْ قِلِسِتَكَ سٌلِ كّمّ رَ.» 15 نَ كُي عِسِبٌسٍتِ نَشَ سَ عَ بَ عَ شَ مْرِ ثَلَتِيّلِ يِ رَ، لَيِسَ شَ دِ. 16 عَ شَ مْرِ نَشَ بِرَ عَ قْشْ رَ هَن بَشُرِ مِ عَ وَ مَ، كْنْ عَبٍنٍرِ نَشَ عَ قَلَ عَ بّ، «فبِلٍن عِ شْنيِ.» ثَلَتِيّلِ نَشَ فبِلٍن. 17 عَبٍنٍرِ نُن عِسِرَيِلَ قٌرِيٍ نَشَ عٍ بٌورٍ تٌ. عَ نَشَ عَ قَلَ عٍ بّ، «سِنفٍ وٌ نُ وَ مَ نّ دَوُدَ شَ قِندِ وٌ شَ مَنفّ رَ. 18 عَ لَنمَ وٌ شَ عَ رَبَ يَكْسِ، بَرِ مَ عَلَتَلَ عَ قَلَ نّ عَ شَ قٍ رَ، ‹ﭑ نَن مَ حَمَ بَمَ نّ قِلِسِتَكَيٍ نُن عَ يَشُييٍ بِرِن يِ رَ ﭑ مَ كٌنيِ دَوُدَ نَن سَابُي رَ.›» 19 عَبٍنٍرِ نَشَ وْيّن بُنيَمِن بْنسْييٍ قَن بّ. نَ دَنفِ شَنبِ، عَ نَشَ سِفَ هٍبِرٌن عَ قَلَقٍ رَ دَوُدَ بّ عِسِرَيِلَكَيٍ نُن بُنيَمِن بْنسْي نَشَن نَتّشِ. 20 عَبٍنٍرِ تٌ سِفَ دَوُدَ يِرٍ هٍبِرٌن، عَ تَن نُن مِشِ مْشْحّن، دَوُدَ نَشَ شُلُنيِ تِ عَ تَن نُن عَ شَ مِشِيٍ بّ. 21 عَبٍنٍرِ نَشَ عَ قَلَ دَوُدَ بّ، «ﭑ مَرِفِ، تِن ﭑ شَ سِفَ عِسِرَيِلَ بِرِن شُن لَن، عَلَكٌ وٌ شَ سَاتّ شِرِ، بِرِن شَ لُ عِ شَ مَنفّيَ بُن مَ، عَلْ عِ وَ مَ عَ شْنمَ كِ نَشّ.» دَوُدَ نَشَ تِن عَبٍنٍرِ شَ مَسٍنيِ رَ، عَ نَشَ عَ لُ عَ شَ سِفَ بْحّسَ كُي.

22 عَ مُ بُ، يٌوَبَ نُن دَوُدَ شَ سْورِيٍ نَشَ قَ سٍيٍ رَ عٍ نَشٍيٍ سْتْ فٍرٍ ندٍ كُي. عَبٍنٍرِ مُ نُ نَ دَوُدَ يِرٍ هٍبِرٌن، بَرِ مَ دَوُدَ نُ بَرَ عَ بّحِن بْحّسَ كُي. 23 يٌوَبَ نُن عَ شَ سْورِيٍ نَشَ عَ كٌلٌن نٍرِ شَ دِ عَبٍنٍرِ نُ بَرَ قَ مَنفّ يِرٍ، عَ مَن قَ سِفَ بْحّسَ كُي. 24 يٌوَبَ نَشَ سِفَ مَنفّ يِرٍ، عَ عَ قَلَ عَ بّ، «عِ مُنسٍ رَبَشِ عَبٍنٍرِ تٌ قَ عِ يِرٍ؟ عِ عَ لُشِ مُنقٍ رَ عَ شَ سِفَ بْحّسَ كُي؟ 25 عِ مُ عَ كٌلٌن نٍرِ شَ دِ عَبٍنٍرِ قَشِ عِ مَدَشُدٍ نُن عِ رَبّندٍ نّ؟»

26 يٌوَبَ تٌ كٍلِ دَوُدَ يِرٍ، عَ نَشَ مِشِيٍ شّي عَبٍنٍرِ قْشْ رَ سِرَ يٍ كُندِ يِرٍ. عٍ نَشَ قَ عَ رَ، كْنْ دَوُدَ مُ نُ قٍقٍ كٌلٌن. 27 عَبٍنٍرِ تٌ فبِلٍن هٍبِرٌن، يٌوَبَ نَشَ عَ مَبّندُن عَ فُندٌ كِ مَ تَا نَادّ رَ، عَلْ عَ نّ وَ مَ عٍ شَ عٍ بٌورٍ تٌ. عَ نَشَ عَ سْشْ قِنّ رَ عَ قُرِ مَ مّننِ عَ شُنيَ عَسَهّلِ فبٍحْشْقٍ رَ. عَبٍنٍرِ قَشَ نَ كِ نّ.

28 دَوُدَ تٌ نَ قٍ كٌلٌن، عَ نَشَ عَ قَلَ، «عَلَ يَ شْرِ، عَبٍنٍرِ شَ قَشّ مُ قِندِشِ ﭑ مَ كٌتٍ رَ، عَ مُ قِندِشِ ﭑ مَ مَنفّيَ شَ كٌتٍ رَ. 29 يِ قَشّ كٌتٍ نَ يٌوَبَ نُن عَ بْنسْييٍ نَن شُن مَ! كُندِ قُرٍ شَ لُ عَ بْنسْي مِشِ ندٍيٍ مَ عَبَدَن، شَ نَ مُ عَ رَ، مَبّن قُرٍ، قَشّ حَاشِ، كَ كَامّ.» 30 يٌوَبَ نُن عَ تَارَ عَبِسَيِ عَبٍنٍرِ قَشَ نَ كِ نّ، عٍ شُنيَ عَسَهّلِ شَ قٍ رَ، نَشَن قَشَ فٍرٍ كُي فَبَيٌن. 31 دَوُدَ نَشَ عَ قَلَ يٌوَبَ نُن عَ شَ سْورِيٍ بّ، عَ نَشّ، «وٌ شَ وٌ شَ دٌنمَيٍ عِبْو سُننُنيِ كُي، وٌ شَ حْنقٍ دُفِ رَفٌرٌ وٌ مَ عَبٍنٍرِ شَ قَشّ شَ قٍ رَ.» مَنفّ دَوُدَ نَشَ عَبٍنٍرِ قُرٍ مَتِ فَبُرِ دّ رَ. 32 عٍ نَشَ عَبٍنٍرِ رَفَتَ هٍبِرٌن. مَنفّ دَوُدَ نَشَ وَ عَ شُي عِتٍشِ رَ، عَ نُن حَمَ بِرِن.

33 مَنفّ نَشَ يِ سُوكِ بَ عَ بّ، عَ نَشّ،