1 نَ تٌ دَنفِ، عَمٌنِكَيٍ شَ مَنفّ نَشَ قَشَ، عَ شَ دِ شَنُن نَشَ قِندِ مَنفّ رَ عَ حْشْي رَ. 2 دَوُدَ نَشَ عَ قَلَ، «ﭑ هِننّمَ نّ نَشَسَ شَ دِ شَنُن نَ، عَلْ عَ بَبَ عَ رَبَشِ ﭑ تَن بّ كِ نَشّ.» نَ كُي دَوُدَ نَشَ شّيرَيٍ شّي، عٍ شَ سَ حْن شّيبُي تِ عَ بَبَ شَ قَشّ مَ. دَوُدَ شَ شّيرَيٍ تٌ عَمٌنِ بْشِ لِ، 3 كُنتِفِيٍ نَشَ عَ قَلَ شَنُن بّ، عٍ نَشّ، «عِ حْشْ عَ مَ عَ دَوُدَ يِ مِشِيٍ شّيشِ عِ بَبَ شَ حْنقٍ نَن كُنقَ بَدٍ؟ عٍ قَشِ عِ شَ بْشِ رَبّندٍ نّ، عَلَكٌ دَوُدَ شَ بٍ كَنَ.» 4 نَ كُي شَنُن نَشَ دَوُدَ شَ شّيرَيٍ سُشُ، عَ عٍ دّشَبٍ سّيتِ بِ، عَ عٍ شَ دٌنمَيٍ عِبْو عٍ شْرّ يَءِلَنيِ مَ، عَ عٍ كٍرِ عٍ مَفٍلِ رَ يَافِ كُي. 5 دَوُدَ تٌ عَ مّ عٍ نَشَن نَبَشِ، عَ نَشَ مِشِيٍ رَ سِفَ عَ شَ شّيرَيٍ رَلَندٍ، عٍ عَ قَلَ عٍ بّ، «وٌ شَ لُ يٍرِكٌ، هَن وٌ دّ شَبٍيٍ شَ مِنِ. نَ تّمُي، وٌ شَ قَ.» عَ نَ رَبَ عٍ شَ يَافِ شَ قٍ نَن مَ.

6 عَمٌنِكَيٍ نَشَ عَ كٌلٌن، عَ عٍ شَ قٍ بَرَ رَحَاشُ دَوُدَ مَ. نَ كُي عٍ نَشَ سْورِيٍ مَلَن كٍلِقٍ يِرٍ وُيَشِ؛ مِشِ وُلُ مْشْحّن كٍلِقٍ بٍتِ رٍشٌبٌ نُن سٌبَ عَرَ مِ بْشِ مَ، مِشِ وُلُ كٍرٍن مَاكَ مَنفّ شَ بْشِ مَ، نُن مِشِ وُلُ قُ نُن قِرِن تٌبٌ شَ بْشِ مَ. 7 دَوُدَ تٌ نَ قٍ مّ، عَ نَشَ يٌوَبَ نُن عَ شَ سْورِيٍ رَ سِفَ نَ فٍرٍ سٌدٍ. 8 عَمٌنِكَيٍ نَشَ تِ عَ فٍرٍ كِ مَ عٍ شَ تَا سٌدٍ دّ رَ. عَرَ مِكَ نَشٍيٍ تَن كٍلِشِ سٌبَ نُن بٍتِ رٍشٌبٌ، سَ سْورِيٍ شُن مَ نَشٍيٍ كٍلِ تٌبٌ نُن مَاكَ، نٍيٍ نَشَ لُ عٍ شَتِ مَ تَا قَرِ مَ.

9 يٌوَبَ نَشَ عَ تٌ فٍرٍ تِشِ عَ بّ يَرٍ نُن شَنبِ. عَ نَشَ عَ شَ سْورِ سّنبّمَيٍ تِ عَرَ مِكَيٍ يَ رَ، 10 عَ بٌورٍيٍ تِ عَمٌنِكَيٍ يَ رَ، عَ شُنيَ عَبِسَيِ شَ يَامَرِ بُن مَ. 11 عَ نَشَ عَ قَلَ عَ شُنيَ بّ، «وٌن شَ وٌن بٌورٍ سّنبّ سٌ. عَرَ مِكَيٍ سّنبّ نَ فبٌ ﭑ بّ، عِ قَ ﭑ مَلِ، كْنْ ﭑ قَن شَ عَمٌنِكَيٍ سّنبّ سَ فبٌ عِ بّ، ﭑ سِفَمَ نّ عِ مَلِدٍ. 12 عِ شَ لِمَنِيَ، عِ شَ سّنبّ سٌ. وٌن شَ فٍرٍ سٌ وٌن مَ مِشِيٍ نُن وٌن مَرِفِ عَلَ شَ تَايٍ بّ. عَلَتَلَ قَمَ عَ سَفٌ رَبَدٍ.»

13 يٌوَبَ نُن عَ شَ سْورِيٍ تٌ مَكْرّ عَرَ مِكَيٍ رَ، عٍ نَشَ عٍ فِ عَ يَ رَ. 14 عَمٌنِكَيٍ تٌ نَ تٌ، عٍ قَن نَشَ عٍ فِ عَبِسَيِ يَ رَ، عٍ سٌ تَا كُي. نَ فٍرٍ دَنفِ شَنبِ، يٌوَبَ نَشَ فبِلٍن دَرِ سَلَمُ.

15 عَرَ مِكَيٍ تٌ عَ تٌ، عَ عِسِرَيِلَكَيٍ بَرَ عٍ بْنبْ، عٍ مَن نَشَ عٍ سّنبّ بِرِن شُنلَن. 16 هَدَدٍ سٍرِ نَشَ عَرَ مِكَ فبّتّيٍ شِلِ كٍلِقٍ عٍقِرَتِ نَاكِرِ مَ، عٍ قَ هَدَدٍ سٍرِ شَ سْورِ مَنفّ سٌبَكِ لِ شٍلَمَ تَا كُي. 17 دَوُدَ تٌ نَ كٌلٌن، عَ نَشَ عِسِرَيِلَكَيٍ بِرِن شُنلَن، عٍ نَشَ فِرِ يُرُدّن شُرٍ نَاكِرِ مَ، عٍ سِفَ شٍلَمَ. عَرَ مِكَيٍ نَشَ تِ دَوُدَ يَ رَ، عٍ قَ عَ فٍرٍ. 18 كْنْ عَرَ مِكَيٍ مُ نْ عَ رَ، عٍ نَشَ عٍ فِ عِسِرَيِلَ يَ رَ. دَوُدَ نَشَ عٍ شَ سٌي رَفِ وُلُ تٌنفٌ نَانِ قَشَ، عَ نُن سْورِ وُلُ تٌنفٌ نَانِ. عَ نَشَ عٍ شَ سْورِ مَنفّ سٌبَكِ قَن بْنبْ، عَ نَشَ قَشَ مّننِ. 19 مَنفّ نَشٍيٍ بِرِن نُ نَ هَدَدٍ سٍرِ مَلِقٍ، نٍيٍ تٌ عَ تٌ عِسِرَيِلَ بَرَ عٍ بْنبْ، عٍ نَشَ سَاتّ شِرِ عٍ نُن دَوُدَ رَ، عٍ قَ لُ عَ شَ يَامَرِ بُن مَ. كَبِ نَ وَشَتِ، عَرَ مِكَيٍ مُ سُو سَ عَمٌنِكَيٍ مَلِدٍ سْنْن.