1 عَدَ كِكٍ قُ نُن قِرِن ندٍ، شِ قُ نُن سَشَن ندٍ تٌ عَ لِ، مَنفّ شَ يَامَرِ نُ لَنمَ عَ شَ رَبَ. نَ لْشْي مَ يُوِقِيٍ يَشُييٍ نُ وَ مَ عٍ مَسْتْقٍ، كْنْ قٍيٍ نَشَ مَسَرَ، يُوِقِيٍ نَشَ نْ عٍ رَ. 2 مَنفّ عَسُيٍرُ سُ شَ مَنفّيَ يِرٍ بِرِن، يُوِقِيٍ نَشَ عٍ مَلَن عٍ يَشُييٍ فٍرٍدٍ. مِشِ يٌ مُ نْ تِدٍ عٍ يَ رَ، سِيٍ بِرِن نَشَ فَاشُ. 3 بْشِ بِرِن مَنفّدِيٍ، مَنفّ رَ سِمَيٍ، فٌمِنَيٍ، نُن مَنفّ شَ مِشِيٍ نَشَ يُوِقِيٍ مَلِ، بَرِ مَ عٍ نُ فَاشُشِ مٌرٌدٍكَيِ يَ رَ. 4 مٌرٌدٍكَيِ نُ بَرَ قِندِ مِشِ شُنفبٍ رَ مَنفّ بَنشِ كُي. عَ شِلِ قَنيِ نَشَ يِرٍ بِرِن لِ، عَ تِدٍ شُن نُ مَسَمَ تُن. 5 نَ نَ عَ رَ يُوِقِيٍ نَشَ عٍ يَشُييٍ بْنبْ سَنتِدّفّمَ رَ، عٍ عٍ قَشَ. عٍ نَشَ عٍ وَشْنقٍ بِرِن نَبَ عٍ يَشُييٍ رَ.

6 يُوِقِيٍ نَشَ مِشِ كّمّ سُولِ قَشَ سُسٍ مَنفَتَا. 7 عٍ مَن نَشَ ثَرَ سَندَتَ، دَلِقْن، عَسِثَتَ، 8 ثٌرَتَ، عَدَلِيَ، عَرِدَتَ، 9 ثَرَ مَسَتَ، عَرِ سَيِ، عَرِدَيِ، عٍ نُن قَيٍسَتَ بِرِن قَشَ. 10 نَ مِشِ قُ قِندِ هَمّدَتَ شَ دِ هَمَن شَ دِيٍ نَن نَ، يُوِقِيٍ يَشُي. عٍ نَشَ نَ مِشِيٍ قَشَ، كْنْ عٍ مُ مِشِ يٌ هَرِفٍ تٌنفٌ.

11 نَ لْشْي يَتِ، مَنفّ نَشَ عَ كٌلٌن مِشِ نَشَن شَسَبِ قَشَشِ سُسٍ مَنفَتَا. 12 مَنفّ نَشَ عَ قَلَ مَنفّ فِنّ عٍسِتَ بّ، «يُوِقِيٍ بَرَ مِشِ كّمّ سُولِ قَشَ سُسٍ مَنفَتَا، عَ نُن هَمَن شَ دِ قُ. شَ عٍ بَرَ نَ مْولِ رَبَ يِ تَا كُي، عٍ مُنسٍ رَبَشِ يِرٍ فبّتّيٍ ﭑ مَ مَنفّيَ كُي؟ كْنْ عِ وَ مَ نَشَن شْن، ﭑ نَ رَبَمَ نّ عِ بّ. عِ وَشْنقٍ نَ مُنسٍ رَ دِ؟ نَ بِرِن نَبَمَ نّ عِ بّ.» 13 عٍسِتَ نَشَ عَ يَابِ، «شَ عِ بَرَ تِن، يُوِقِ نَشٍيٍ نَ سُسٍ، عٍ مَن شَ نْ عٍ فبٍحْشْدٍ تِنَ. هَمَن شَ دِ قُ شَ فبَكُ وُرِ مَ.» 14 مَنفّ نَشَ يَامَرِ قِ عَ شَ رَبَ عَلْ عٍسِتَ عَ قَلَشِ كِ نَشّ. نَ يَامَرِ نَشَ شَرَن سُسٍكَيٍ بّ. هَمَن شَ دِ قُ قَن نَشَ فبَكُ وُرِ مَ. 15 عَدَ كِكٍ شِ قُ نُن نَانِ ندٍ رَ، يُوِقِيٍ مَن نَشَ عٍ مَلَن، عٍ شّمّ كّمّ سَشَن قَشَ تَا كُي، كْنْ عٍ مُ عٍ هَرِفٍ يٌ تٌنفٌ.

16 يُوِقِ نَشٍيٍ نُ نَ بْشِ فبّتّيٍ مَ، نٍيٍ قَن نَشَ عٍ مَلَن، عٍ يّتّ شُن مَفٍرٍدٍ عٍ يَشُييٍ مَ. عٍ نَشَ عٍ يَشُي مِشِ وُلُ تٌنفٌ سٌلٌقٍرٍ عَ نُن سُولِ قَشَ، كْنْ عٍ قَن مُ نٍيٍ هَرِفٍ يٌ تٌنفٌ. 17 نَ بِرِن نَبَ عَدَ كِكٍ شِ قُ نُن سَشَن ندٍ نّ. عَ شِ قُ نُن نَانِ ندٍ رَ، يُوِقِيٍ نَشَ عٍ مَلَبُ سّيوّ كُي، عٍ شُلُنيِ تِ. 18 يُوِقِ نَشٍيٍ نُ نَ سُسٍ، نٍيٍ نَشَ عٍ يَشُييٍ فٍرٍ نَ شِ قُ نُن سَشَن ندٍ نُن قُ نُن نَانِ ندٍ مَ. عٍ نَشَ عٍ مَلَبُ سّيوّ كُي عَ شِ قُ نُن سُولِ ندٍ لْشْي، عٍ شُلُنيِ قَن تِ. 19 نَ نَن عَ تٌشِ يُوِقِ نَشٍيٍ نَ دَاشَيٍ، نٍيٍ شُلُنيِ تِمَ عَدَ كِكٍ شِ قُ نُن نَانِ ندٍ مَ سّيوّ كُي، كَنكَن عَ دْشْبٌورٍ بُحَمَ نَ تّمُي.

20 مٌرٌدٍكَيِ نَشَ نَ قٍ بِرِن سّبّ بَتَاشّيٍ كُي يُوِقِيٍ مَ، نَشٍيٍ نُ يِرٍ مَكُيٍيٍ نُن يِرٍ مَكْرْشِيٍ عَسُيٍرُ سُ شَ مَنفّيَ كُي. 21 عَ نَشَ عَ سّبّ، يُوِقِيٍ شَ عَدَ كِكٍ شِ قُ نُن نَانِ ندٍ نُن عَ شِ قُ نُن سُولِ ندٍ قِندِ سَلِ لْشْييٍ رَ حّ يٌ حّ، 22 بَرِ مَ عٍ عٍ يّتّ سْتْ عٍ يَشُييٍ يِ رَ نَ تّمُي نّ، عٍ شَ تْورّ قِندِ حّلّشِنيِ نَن نَ، عٍ شَ سُننُنيِ قِندِ سّيوّ نَن نَ. نَ لْشْييٍ عَ لَن نّ عٍ شَ عٍ دْشْبٌورٍيٍ بُحَ، عٍ مَن شَ سٍتَرٍيٍ كِ. 23 يُوِقِيٍ نَشَ مٌرٌدٍكَيِ شَ يَامَرِ سُشُ، نَ نَشَ قِندِ نَامُنيِ رَ عٍ بّ حّ يٌ حّ.

24 عٍ نَ بِرِن نَبَ نّ بَرِ مَ هَمّدَتَ عَفَفَكَ شَ دِ هَمَن، يُوِقِيٍ يَشُي، نُ بَرَ وَ يُوِقِيٍ بِرِن هَلَكِقٍ. عَ نُ بَرَ حّلِ بْنبْ، نَشَن شِلِ ثُرِ، عَلَكٌ عَ شَ عٍ هَلَكِ، عَ شَ عٍ سْنتْ. 25 كْنْ عٍسِتَ نُ بَرَ سِفَ مَنفّ يِرٍ. مَنفّ نَشَ كّيدِ سّبّ يِ كِ، «هَمَن نُ وَ مَ قٍ حَاشِ نَشَن نَبَقٍ يُوِقِيٍ رَ، نَ شَ فبِلٍن عَ مَ. عَ شَ دِيٍ قَن شَ فبَكُ وُرِ مَ.» 26 نَ نَن عَ تٌشِ يِ لْشْييٍ شِلِ قَلَمَ «ثُرِيٍ،» بَرِ مَ عٍ بَرِ شُي رَ عٍ حّلِ شِلِ قَلَمَ، «ثُرِ.» بَتَاشّ سّبّلِ تٌ كَمَلِ نَ كِ، 27 يُوِقِيٍ نَشَ نَ لْشْي قِرِنيِيٍ قِندِ سَلِ لْشْييٍ رَ. نَ نَشَ قِندِ نَامُنيِ رَ عٍ تَن نُن عٍ بْنسْي بّ، نُن مِشِيٍ بّ نَشٍيٍ سٌمَ عٍ شَ دِينّ كُي. عٍ شَ يِ لْشْي قِرِنيِيٍ بِنيَ حّ يٌ حّ، عٍ شَ قٍ بِرِن نَبَ عَلْ مٌرٌدٍكَيِ عَ يَمَرِ كِ نَشّ. 28 حّ نَشٍيٍ سَ قَمَ، يُوِقِيٍ شَ دٍنبَيَيٍ نَشٍيٍ نَ يِرٍ بِرِن، عٍ شَ يِ ثُرِ لْشْييٍ بِنيَ، عَلَكٌ عٍ تَن نُن عٍ بْنسْي نَشَ نّيمُ يِ قٍ دَنفِشِ مَ.

29 عَوَ، عَبِشَيِلِ شَ دِ عٍسِتَ، نَشَن قِندِشِ مَنفّ فِنّ رَ، عَ نُن مٌرٌدٍكَيِ، عٍ نَشَ يِ بَتَاشّ مَنفّ دَاشِ قِرِن ندٍ سّبّ ثُرِ سَلِ شَ قٍ رَ. 30 عٍ نَشَ بَتَاشّيٍ رَ سِفَ يُوِقِيٍ بِرِن مَ، نَشٍيٍ نُ نَ مَنفّ عَسُيٍرُ سُ شَ بْشِ كّمّ مْشْحّن نُن سٌلٌقٍرٍ بِرِن كُي، عَلَكٌ مِشِيٍ شَ حّرّ بْحّسَ نُن تِنشِنيِ كُي. 31 عٍ مَن نَشَ عَ مَسٍن يُوِقِيٍ بّ، عٍ شَ ثُرِ سَلِ لْشْييٍ رَبَ عَ وَشَتِ يَتِ مَ، عَلْ مٌرٌدٍكَيِ نُن مَنفّ فِنّ عٍسِتَ عٍ يَمَرِشِ كِ نَشّ. عٍ تَن نُن عٍ بْنسْي بِرِن شَ سُنيِ سُشُ، عٍ شَ عَلَ مَشَندِ. 32 مَنفّ فِنّ عٍسِتَ شَ يَامَرِيٍ ثُرِ سَلِيٍ شَ قٍ رَ، نَ نَشَ قِندِ سّرِيّ رَ، عٍ قَ سّبّ يِ كِتَابُي كُي.