1 «عَدَ مَدِ، عِ شَ مَسٍنيِ تِ ﭑ شِلِ رَ عِسِرَيِلَ شَ فٍيَيٍ بّ، عِ نَشّ، ‹عِسِرَيِلَ فٍيَيٍ، وٌ وٌ تُلِ مَتِ عَلَتَلَ شَ مَسٍنيِ رَ. 2 وٌ مَرِفِ عَلَتَلَ يِ نَن مَسٍنشِ، عَ نَشّ؛ وٌ يَشُييٍ بَرَ عَ قَلَ وٌ شَ فٍيَيٍ قِندِ مَ نّ عٍ فبٍ رَ. 3 نَ كُي، عِ شَ مَسٍنيِ تِ ﭑ شِلِ رَ، عَ قَلَقٍ رَ، وٌ مَرِفِ عَلَتَلَ يِ نَن مَسٍنشِ؛ عٍ تٌ بَرَ وَ وٌ شُن نَكَنَقٍ، عٍ وٌ رَشّتّن عَلَكٌ وٌ شَ لُ سِ فبّتّيٍ سَفٌي نَشٍيٍ وٌ مَبٍرٍ مَ، عٍ وٌ مَقَلَ، 4 ﭑ تَن وٌ مَرِفِ عَلَتَلَ ﭑ شَ عَ مَسٍن وٌ بّ، وٌ تَن فٍيَيٍ، فُلُنبَيٍ، قٌلٍيٍ، تَا كَنَشِ نَشٍيٍ هَرِفٍ بِرِن بَرَ شَنِن سِ فبّتّيٍ سَابُي رَ، 5 ﭑ بَرَ نَتّ تٌنفٌ ﭑ مَ شْنّ كُي سِ فبّتّيٍ نُن عٍدٌن شِلِ مَ، بَرِ مَ عٍ تَن بَرَ ﭑ مَ بْشِ قِندِ عٍ فبٍ رَ سّيوّ بِرِن نَ عٍ بْحّ حَاشِ كُي، عَلَكٌ عٍ شَ عٍ شَ شُرُ سٍيٍ دّ مَدٌن نَا.›»

6 «نَ كُي، عِ شَ مَسٍنيِ تِ ﭑ شِلِ رَ عِسِرَيِلَ بْشِ بّ. عَ قَلَ فٍيَيٍ، قٌلٍيٍ، نُن فُلُنبَيٍ بّ، عِ نَشّ، ‹وٌ مَرِفِ عَلَتَلَ يِ نَن مَسٍنشِ؛ ﭑ نَ مَسٍنيِ تِقٍ شْنّ نُن تْونّ نَن كُي، بَرِ مَ سِ فبّتّيٍ بَرَ يٌ وٌ مَ. 7 نَ شَ قٍ رَ، وٌ مَرِفِ عَلَتَلَ يِ نَن مَسٍنشِ؛ ﭑ بَرَ ﭑ كَلِ ﭑ بّلّشّ عِتٍشِ رَ، حَمَنّ نَشٍيٍ وٌ رَبِلِنشِ، عٍ شَ مَرَ سْتْييٍ فبِلٍنمَ نّ عٍ مَ.›»

8 «وٌ تَن عِسِرَيِلَ فٍيَيٍ، وٌ قَمَ نّ وُرِ بِلِيٍ رَ مِنِدٍ، نَشٍيٍ سَلٌنيِيٍ بٌفِ قَنيِيٍ قِمَ ﭑ مَ حَمَ عِسِرَيِلَ مَ، بَرِ مَ عَ فبٍ مُ لُشِ عٍ شَ فبِلٍن عٍ شْنيِ. 9 ﭑ مّينِمَ نّ وٌ مَ. ﭑ هِننّمَ نّ وٌ شَ شّ سَقٍ مَ، 10 نُن وٌ شَ تَا تِقٍ رَ. ﭑ وٌ شَ مِشِيٍ رَوُيَمَ نّ، عِسِرَيِلَ بْنسْي شَ سَبَتِ نَا. 11 ﭑ مِشِ نُن شُرُ سٍ رَوُيَمَ نّ وٌ بّ، عٍ قِندِ دِ بَرِيٍ رَ دَنفِ عَ سِنفٍ رَ. نَ تّمُي، وٌ عَ كٌلٌنمَ نّ عَ ﭑ تَن نَن نَ عَلَتَلَ رَ. 12 ﭑ مَ حَمَ عِسِرَيِلَ عَ شَ نْي رَحّرّ مَ نّ وٌ قَرِ، وٌ قِندِ عٍ كّ رَ، وٌ مُ عٍ شَ دِيٍ بَ عٍ يِ رَ سْنْن.»

13 «وٌ مَرِفِ عَلَتَلَ يِ نَن مَسٍنشِ، عَ نَشّ؛ ‹مِشِيٍ تٌ عَ قَلَمَ، عَ وٌ تَن عِسِرَيِلَ بْشِ مِشِيٍ دٌنمَ، وٌ عَ نِيَ عٍ شَ شَنِن كٌنيِيَ كُي، 14 ﭑ عَ نِيَمَ نّ نَ مِشِ دٌنقٍ مُ قَلَ وٌ شُن سْنْن، نٍيٍ بِرِن قَشَ. وٌ مَرِفِ عَلَتَلَ شُي نَن نَ كِ. 15 ﭑ سِ فبّتّيٍ شَ مَرَ سْتْي دَنمَ نّ وٌ مَبِرِ، عٍ مُ يٌ وٌ مَ سْنْن، وٌ مُ وٌ سَبَتِ بٌورٍ رَبِرَ سْنْن. وٌ مَرِفِ عَلَتَلَ شُي نَن نَ كِ.›»

16 عَلَتَلَ مَن نَشَ عَ مَسٍن ﭑ بّ، عَ نَشّ، 17 «عَدَ مَدِ، عِسِرَيِلَ بْنسْي تٌ نُ سَبَتِشِ عَ شَ بْشِ مَ، عَ حّرّ كِ نَشَ عَ قِندِ سّنِيّنتَرٍ رَ ﭑ يَ عِ، عَلْ فِنّ نَشَن نَ عَ شَ كِكٍ وَلِ تٌقٍ. 18 ﭑ نَشَ ﭑ مَ شْنّ دُ سُ عٍ شُن نَ عٍ شَ قَشّ تِقٍ نُن عٍ شَ كُيٍ بَتُقٍ شَ قٍ رَ. 19 ﭑ نَشَ عٍ رَيٍنسٍن يّ حَمَنّيٍ مَ عٍ حّرّ كِ شَ قٍ رَ. 20 عٍ سِفَ دّننَشّ دُنِحَ مَ، مِشِيٍ بَرَ ﭑ شِلِ سّنِيّنشِ مَبٍرٍ عٍ شَ قٍ رَ، عَ قَلَقٍ رَ، ‹عَلَ شَ حَمَ نَن يِ كِ، نَشَن كٍلِشِ عَ شَ بْشِ مَ!› 21 ﭑ نُ وَ مَ نّ ﭑ شِلِ سّنِيّنشِ مَتَنفَقٍ، عِسِرَيِلَ بْنسْي نُ نَشَن مَبٍرٍقٍ حَمَنّيٍ تَفِ.»

22 «نَ نَن عَ رَ، عِ شَ عَ قَلَ عِسِرَيِلَ بْنسْييٍ بّ، ‹وٌ مَرِفِ عَلَتَلَ يِ نَن مَسٍنشِ؛ ﭑ قَمَ نّ قٍ ندٍ رَبَدٍ، كْنْ ﭑ مُ عَ رَبَمَ وٌ تَن بّ، ﭑ عَ رَبَمَ ﭑ شِلِ سّنِيّنشِ نَن شَ قٍ رَ، وٌ بَرَ نَشَن مَبٍرٍ حَمَنّيٍ مَ. 23 ﭑ نَ ﭑ شِلِ شُنفبٍ شَ سّنِيّنيِ مَسٍنمَ نّ، وٌ نَشَن مَبٍرٍشِ. ﭑ نَ ﭑ مَ سّنِيّنيِ مَسٍنمَ وٌ سَابُي رَ عٍ يَ شْرِ، دُنِحَ حَمَنّيٍ عَ كٌلٌنمَ نّ عَ عَلَتَلَ نَن ﭑ نَ. وٌ مَرِفِ عَلَتَلَ شُي نَن نَ كِ.›»

24 «ﭑ وٌ تٌنفٌمَ نّ حَمَنّيٍ تَفِ، ﭑ وٌ رَفبِلٍن وٌ شَ بْشِ مَ. 25 ﭑ يٍ سّنِيّنشِ كَسَنمَ نّ وٌ مَ وٌ رَ سّنِيّنقٍ رَ. ﭑ وٌ شَ سّنِيّنتَرٍحَ بِرِن بَمَ نّ وٌ مَ نَشٍيٍ قَتَنشِ وٌ شَ وَلِ كٌبِيٍ نُن وٌ شَ كُيٍ بَتُقٍ رَ. 26 ﭑ بْحّ نّينّ نُن شَشِلِ نّينّ قِمَ نّ وٌ مَ. ﭑ وٌ شَ بْحّ شْرْشْي مَسَرَ بْحّ قَنيِ رَ. 27 ﭑ نَ ﭑ شَشِلِ سَمَ نّ وٌ بْحّ مَ، ﭑ قَ عَ نِيَ وٌ شَ ﭑ مَ يَامَرِيٍ رَبَتُ، وٌ شَ بِرَ ﭑ مَ سّرِيّ قْشْ رَ. 28 وٌ سَبَتِمَ نّ بْشِ مَ، ﭑ نَشَن قِ وٌ بٍنبَيٍ مَ. وٌ قِندِ مَ نّ ﭑ مَ حَمَ رَ، ﭑ قَن قِندِ وٌ مَرِفِ عَلَ رَ. 29 ﭑ وٌ رَكِسِمَ نّ وٌ شَ سّنِيّنتَرٍحَ مَ، ﭑ بَلٌي رَوُيَمَ نّ وٌ بّ، عَلَكٌ وٌ نَشَ لُ كَامّ كُي سْنْن. 30 ﭑ وُرِ بٌفِيٍ نُن شّ سَنسِيٍ رَوُيَمَ نّ، عَلَكٌ كَامّ نَشَ وٌ رَيَرَبِ حَمَنّيٍ تَفِ سْنْن. 31 نَ تّمُي، وٌ وٌ رَتُمَ نّ وٌ حّرّ كِ حَاشِيٍ مَ، وٌ نِمِسَ وٌ شَ يُنُبِيٍ شَ قٍ رَ. 32 وٌ شَ عَ كٌلٌن عَ ﭑ مُ يِ رَبَمَ وٌ تَن شَ قٍ شَ رَ. وٌ مَرِفِ عَلَتَلَ شُي نَن نَ كِ. عِسِرَيِلَ بْنسْي، وٌ وٌ شُن سِن، وٌ شَ يَافِ وٌ شَ قٍ حَاشِ رَبَشِيٍ رَ.»

33 «وٌ مَرِفِ عَلَتَلَ يِ نَن مَسٍنشِ، عَ نَشّ؛ ﭑ نَ وٌ رَ سّنِيّن وٌ شَ يُنُبِيٍ مَ لْشْي نَشّ، ﭑ وٌ شَ تَايٍ رَقٍمَ نّ حَمَ رَ، ﭑ وٌ شَ يِرٍ كَنَشِيٍ يَءِلَن. 34 شّيٍ قَمَ نّ سَدٍ بْشِ مَ، نَشَن نُ بَرَ شَرَ دَنفِ مِشِيٍ يَ تٌدٍ رَ. 35 عٍ مَن عَ قَلَمَ نّ، ‹يِ بْشِ نَشَن نُ شَرَشِ، نَ مَن بَرَ لُ عَلْ عٍدٍن سَنسِ يِرٍ. عَ تَا كَنَشِيٍ مَن بَرَ تِ سّنبّ رَ، مِشِيٍ بَرَ سَبَتِ عٍ كُي.› 36 نَ تّمُي، حَمَنّ نَشٍيٍ لُمَ وٌ رَبِلِنيِيٍ، نٍيٍ عَ كٌلٌنمَ نّ عَ ﭑ تَن عَلَتَلَ بَرَ يِرٍ كَنَشِ يَءِلَن، ﭑ بَرَ شّيٍ سَ بْشِ مَ نَشَن نُ بَرَ شَرَ. ﭑ تَن عَلَتَلَ شُي نَن نَ كِ. ﭑ نَشَن قَلَ، ﭑ نَ نَن نَبَمَ.»

37 «وٌ مَرِفِ عَلَ يِ نَن مَسٍنشِ، عَ نَشّ؛ ﭑ مَن عِسِرَيِلَ شَ مَشَندِ سُشُمَ نّ يِ قٍ رَبَقٍ رَ عٍ بّ. ﭑ عٍ رَوُيَمَ نّ عَلْ شُرُ سٍ فَلِ 38 نَشَن تٌمَ دَرِ سَلَمُ سَلِ لْشْييٍ. عِسِرَيِلَ تَا كَنَشِيٍ رَقٍمَ نّ مِشِ فَلِ رَ، عٍ قَ عَ كٌلٌندٍ عَ ﭑ تَن نَن نَ عَلَتَلَ رَ.»