1 نَ دَنفِ شَنبِ، نَ شّمّ نَشَ ﭑ نَمِنِ نَ تّتّ سِنفٍ كُي كْولَ مَ. عَ نَشَ ﭑ شَنِن بَنشِ يِرٍ، نَشَن نُ نَ تّتّ سِنفٍ شّلّ كْولَ مَبِرِ نُن هْرْ مْبَنشِ تَفِ. 2 نَ بَنشِ شَ سٌدٍ دّ يَ نُ رَقِندِشِ كْولَ نَن مَ. نَ بَنشِ نُ كُيَ نْنفْن يَ كّمّ، عَ نُ عِفبٌ نْنفْن يَ تٌنفٌ سُولِ. 3 سّيتِ نَشَن نُ كُيَ تّتّ مَبِرِ نْنفْن يَ مْشْحّن، عَ نُن سّيتِ نَشَن نُ نَ هْرْ مْبَنشِ مَبِرِ، كٌنكٌييٍ يِرٍ دّكِ سَشَن ندٍ نُ تِشِ نَ يِرٍ قِرِنيِ مَ. 4 حّرّدٍيٍ نُ نَ نَ سّيتِ قِرِنيِ مَ نَشٍيٍ نُ عِفبٌ نْنفْن يَ قُ، عٍ نُ كُيَ نْنفْن يَ كّمّ عَلْ بَنشِ. كٌنكٌييٍ سٌدٍ دّيٍ نُ رَقِندِشِ كْولَ نَن مَ. 5 كٌنكٌي نَشٍيٍ نُ نَ كٌورٍ دّكِ سَشَن ندٍ مَ، نٍيٍ نُ عِشُتُ دَنفِقٍ بٌورٍ رَ لَنبَنيِ. 6 كِنكِ يٌ مُ نُ نَ نَ دّكِ سَشَن ندٍ بّ، عٍ عِشُتُشِ نَ نَن مَ. 7 شّلّ نُ تِشِ كٌنكٌي نُن تّتّ سِنفٍ تَفِ، عَ نُ كُيَ نْنفْن يَ تٌنفٌ سُولِ. 8 بٌورٍ سّيتِ هْرْ مْبَنشِ مَبِرِ عَ نُ كُيَ نْنفْن يَ كّمّ. 9 كٌنكٌي نَشٍيٍ نُ نَ لَنبَنيِ، عٍ سٌدٍ دّيٍ نُ نَ سٌفٍتٍدٍ مَبِرِ.

10 كٌنكٌي فبّتّيٍ نُ نَ يِرٍقَنيِ مَبِرِ تّتّ سِنفٍ شّلّ لٌنفٌرِ رَ هْرْ مْبَنشِ يَ عِ. 11 حّرّدٍ ندٍ نُ نَ عٍ يَ رَ. نَ كٌنكٌي نُ مَنِيَشِ كٌنكٌي نَن نَ نَشٍيٍ نُ نَ كْولَ مَبِرِ. عٍ قِرِن نَقَلَ كِ، عٍ شَ كُيّ نُن عٍ شَ فبٌي، نَ بِرِن لَن. 12 عٍ شَ سٌدٍ دّيٍ نُ نَ يِرٍقَنيِ نَن مَ. نَادّ شُنفبٍ ندٍ نُ نَ سٌفٍتٍدٍ مَبِرِ.

13 نَ شّمّ نَشَ عَ قَلَ ﭑ بّ، عَ نَشّ، «كٌنكٌي نَشٍيٍ نَ يِرٍقَنيِ نُن كْولَ مَ تّتّ يَ عِ، نٍيٍ قِندِشِ يِرٍ سّنِيّنشِيٍ نَن نَ، عَلَتَلَ شَ سّرّشّدُبّيٍ سّرّشّ سُبٍ دٌنمَ دّننَشّ. عٍ سّرّشّ سّنِيّنشِيٍ رَفَتَمَ مّننِ نّ نَشٍيٍ قِندِشِ سَنسِ شْرِ سّرّشّيٍ، يُنُبِ شَقَرِ سّرّشّيٍ رَ. يِرٍ سّنِيّنشِ نَن مّننِ رَ. 14 سّرّشّدُبّيٍ نَ سٌ يِرٍ سّنِيّنشِيٍ، عَ مُ لَنمَ عٍ شَ مِنِ حَمَ يَ مَ تّتّ كُي، قٌ عٍ شَ عٍ شَ دُفِ سّنِيّنشِيٍ بَ.»

15 نَ شّمّ تٌ فّ هْرْ مْبَنشِ يِرٍ مَنِيَدٍ، عَ نَشَ ﭑ نَمِنِ سٌفٍتٍدٍ سٌدٍ دّ رَ، عَ قَ نَ تّتّ رَبِلِنيِ بِرِن مَنِيَ. 16 عَ نَشَ عَ قْلْ سٌفٍتٍدٍ مَبِرِ. نَ سّيتِ شَ كُيّ لَن نْنفْن يَ كّمّ سُولِ نَن مَ. 17 نَ تّمُي، عَ نَشَ كْولَ سّيتِ مَنِيَ، نَشَن شَ كُيّ قَن لَن عَ يَ كّمّ سُولِ مَ. 18 نَ تّمُي، عَ نَشَ يِرٍقَنيِ سّيتِ مَنِيَ، نَشَن شَ كُيّ قَن لَن عَ يَ كّمّ سُولِ مَ. 19 عَ رَحْنيِ، عَ نَشَ سٌفٍفٌرٌدٍ سّيتِ مَنِيَ، نَشَن شَ كُيّ قَن لَن عَ يَ كّمّ سُولِ مَ. 20 عَ نَشَ تّتّ رَبِلِنيِ بِرِن مَنِيَ عَ شَ وُرِ مَنِيَسٍ رَ. تّتّ سّيتِ نَانِيٍ بِرِن لَن وُرِ يَ كّمّ سُولِ نَن مَ. نَ تّتّ نُ تِشِ يِرٍ سّنِيّنشِ نُن يِرٍ سّنِيّنتَرٍ نَن تَفِ.