1 عِسِرَيِلَ لُشِ نّ عَلْ سَنسِ بِلِ قَنيِ نَشَن بٌفِمَ عَ قَنيِ رَ.

كْنْ عَ شَ بٌفِ تٌ وُيَ، عَ نَشَ سّرّشّبَدٍ قَن رَوُيَ.

عَ شَ بْشِ تٌ تٌقَن، عَ نَشَ تْنشُمَ فّمّ تِ كُيٍ بّ.

2 عٍ بْحّ مُ نَ عَلَتَلَ فبَنسَن شَ رَ،

نَ نَ عَ رَ عٍ بَرَ يُنُبِ سْتْ.

عَلَتَلَ عٍ شَ سّرّشّبَدٍيٍ رَبِرَ مَ نّ،

عَ عٍ شَ تْنشُمَ فّمّيٍ كَنَ.

3 يَكْسِ عٍ عَ قَلَمَ،

«مَنفّ مُ نَ مُشُ شُن مَ،

بَرِ مَ مُشُ مُ فَاشُمَ عَلَتَلَ يَ رَ سْنْن.

مَنفّ نْمَ مُنسٍ رَبَدٍ مُشُ بّ؟»

4 عٍ وْيّنمَ، عٍ عٍ كَلِمَ، عٍ سَاتّ تٌنفٌمَ،

كْنْ نَ بِرِن قُقَقُ.

كِيتِ قَنيِ مُ لُمَ عٍ يِ،

عَلْ حٌوفٍ حَاشِ نَشَن بُلَمَ شّ مَ.

5 سَمَرِكَيٍ قَمَ نّ كْنتْقِلِدٍ عٍ شَ نِنفٍ كُيٍيٍ شَ قٍ رَ

نَشٍيٍ نَ بٍتِ عَوٍنِ.

حَمَ وَ تِمَ، سّرّشّدُبّيٍ قَن سُننُنمَ،

بَرِ مَ عٍ حّلّشِنشِ نَشَن نَ، نَ قَمَ نّ بَدٍ عٍ يِ رَ.

6 نَ كُيٍيٍ شَنِنمَ نّ عَسِرِيَ بْشِ مَ،

عَ قَ لُ مَنفّ شُنفبٍ مَ.

عٍقِرَ مِ يَافِمَ نّ،

بِرِن قَمَ نّ يٌدٍ عِسِرَيِلَ شَ كّوَلِ مَ.

7 سَمَرِ نُن عَ مَنفّ شَنِنمَ نّ،

عَلْ وُرِ شُنتُنيِ يٍ نَشَن شَنِنمَ.

8 كُيٍ بَتُدٍيٍ نَشٍيٍ نَ بٍتِ عَوٍنِ، عٍ كَنَمَ نّ.

نَ سّرّشّبَدٍيٍ، عِسِرَيِلَكَيٍ يُنُبِ رَبَ دّننَشّ،

عٍ قِندِ مَ تُنبٍ يِرٍيٍ نَن نَ.

عٍ قَمَ نّ عَ قَلَدٍ فٍيَيٍ بّ،

«مُشُ مَكٌتٌ، مُشُ رَفَتَ!»

9 «عِسِرَيِلَ، كَبِ وٌ نَشَ نَ يُنُبِ حَاشِ رَبَ فِبِيَ،

وٌ نَ يُنُبِ سْتْقٍ تُن.

حَشَنكَتّ قَمَ عٍ لِدٍ فِبِيَ نَ نَن مَ.

10 عَ بَرَ ﭑ كّنّن ﭑ شَ عٍ هَلَكِ.

سِيٍ قَمَ نّ عٍ فٍرٍدٍ، عٍ عٍ سُشُ عٍ شَ يُنُبِ فبٍفبٍ شَ قٍ رَ.

11 عٍقِرَ مِ لُشِ نّ عَلْ نِنفٍ شُرُشِ، وَلِ رَقَن نَشَن مَ.

ﭑ قَمَ نّ لُوتِ شِرِدٍ عَ شُنيِ مَ، عَ شَ وَلِ رَبَ ﭑ بّ.

يُدَيَ قَن شَ وَلِ، يَشُبَ بْنسْي شَ كٌتٍ شَنِن.

12 وٌ شَ وَلِ تِنشِنشِ رَبَ،

عَلَكٌ وٌ شَ قٍ قَنيِ سْتْ.

وٌ شَ وَكِلِ نّينّ تٌنفٌ،

وٌ شَ عَلَتَلَ قٍن هَن عَ قَ تّمُي وٌ يِرٍ،

عَ تِنشِنيِ لُ وٌ بْحّ كُي.

13 كْنْ وٌ تَن مُ تِن نَ وَلِ تِنشِنشِ رَ.

وٌ بَرَ قٍ حَاشِ رَبَ.

يَنقَنتٍيَ نُن يّتّ عِفبٌحَ بَرَ فبٌ وٌ يِ رَ.

وٌ بَرَ لَ وٌ شَ سْورِيٍ سّنبّ رَ،

14 كْنْ عٍ يَ قَمَ عِسٌدٍ،

عٍ شَ يِرٍ كَنتَشِيٍ قَمَ نّ كَنَدٍ،

عَلْ نَ فٍرٍ لْشْي سَلَمَن شُتُ سْتْ بٍتِ عَرَبٍلِ شُن مَ تّمُي نَشّ.

نَ لْشْي فِنّيٍ نُن عٍ شَ دِ بِرِن قَشَ نّ.

15 نَ مْولِ قَمَ نّ بٍتٍلِ لِدٍ

عَ شَ يُنُبِيٍ شَ قٍ رَ.

سُبَشّ نَ عَ لِ، عِسِرَيِلَ مَنفّ قَشَمَ نّ.»