16 نَ لْشْي مِسِرَكَيٍ نَ مَنفّ عَلَتَلَ شَ سّنبّ تٌ، عٍ سّرّنمَ نّ فَاشُي كُي عَلْ فِنّيٍ. 17 يُدَيَ شِلِ نَن قَمَ مِسِرَكَيٍ مَفَاشُدٍ عَ حَاشِ رَ، قٍ مَ عَلَتَلَ سّنبّمَ نَشَن نَتّشِ عٍ شِلِ مَ.

18 نَ لْشْي تَا سُولِ نَن لُمَ مِسِرَ بْشِ مَ، نَشٍيٍ كَنَان شُي قَلَمَ، عٍ مَن لُ عَلَتَلَ سّنبّمَ يِ رَ. نَ تَا ندٍ قَمَ نّ شِلِدٍ هٍرٍ سِ.

19 نَ لْشْي سّرّشّبَدٍ كٍرٍن لُمَ نّ عَلَتَلَ بّ مِسِرَ بْشِ تَفِ، تْنشُمَ فّمّ قَن تِمَ نّ عَ بّ مِسِرَ نَانِنيِ رَ. 20 نَ قِندِ مَ عَلَتَلَ سّنبّمَ شَ تْنشُمَ نُن سٍيدٍحْشْيَ نَن نَ مِسِرَ بّ. عٍ نَ عٍ شُي رَتٍ عَلَتَلَ مَ، عَ مَرَكِسِمَ شّيمَ نّ عٍ رَتَنفَدٍ عٍ شَ حَشَنكَتَمَيٍ مَ.

21 نَ لْشْي عَلَتَلَ عَ يّتّ مَسٍنمَ نّ مِسِرَكَيٍ بّ، عٍ قَ عَ كٌلٌن عَلَ رَ. عٍ قَمَ عَ بَتُدٍ سّرّشّ نُن سَنسِ شْرِ هَدِيَ نَن نَ، عٍ كّرّ تٌنفٌ عَ بّ عٍ نَشَن نَكَمَلِمَ. 22 عَلَتَلَ فبَلٌي رَفٌرٌ مَ نّ مِسِرَكَيٍ مَ، كْنْ عٍ نَ عٍ يّتّ رَفبِلٍن عَ مَ، عَلَتَلَ مَن كِنِكِنِمَ نّ عٍ مَ عَ شَ هِننّ رَ.

23 نَ لْشْي كِرَ لُمَ نّ مِسِرَ نُن عَسِرِيَ تَفِ. عَسِرِيَكَيٍ سِفَمَ نّ مِسِرَ، مِسِرَكَيٍ قَن سِفَ عَسِرِيَ. عٍ مَلَنمَ نّ يِرٍ كٍرٍن عَلَتَلَ بَتُقٍ رَ.

24 نَ لْشْي عِسِرَيِلَ، مِسِرَ، نُن عَسِرِيَ، بَرَكّ لُمَ نّ عٍ سَشَنيِ بِرِن مَ دُنِحَ. 25 عَلَتَلَ سّنبّمَ دُبَمَ نّ عٍ بّ، عَ عَ مَسٍن، «بَرَكّ شَ لُ ﭑ مَ حَمَ مِسِرَ مَ، بَرَكّ شَ لُ ﭑ مَ دَالِسٍ عَسِرِيَ بّ، بَرَكّ شَ لُ ﭑ كّ تٌنفٌمَ عِسِرَيِلَ بّ.»