1 نَ بِرِن تٌ دَنفِ، ﭑ نَشَ عَرِيَننَ نَادّ رَبِشِ تٌ كٌورٍ مَ. ﭑ مَن نَشَ شُي ندٍ مّ، ﭑ نُ بَرَ نَشَن سِنفٍ مّ. عَ سّنبّ نُ فبٌ عَلْ سَرَ. عَ نَشَ عَ مَسٍن ﭑ بّ، «عِ شَ تٍ بٍبِرِ، ﭑ شَ قٍ مَسٍن عِ بّ نَشَن قَمَ رَبَدٍ.» 2 عَلَ شَشِلِ سّنِيّنشِ نَشَ ﭑ سُشُ كٍرٍن نَ. ﭑ نَشَ كِبَنيِ ندٍ تٌ عَرِيَننَ، مَنفّ مَفٌرٌشِ عَ كُي. 3 عَ نْرّ نُ يَنبَمَ عَلْ فّمّ تٌقَنيِ مَيِلٍنشِيٍ، سٍنكُي تٌقَنيِ نُ نَ عَ شَ كِبَنيِ رَبِلِنيِ.

4 كِبَنيِ مْشْحّن نُن نَانِ نُ نَ عَلَ شَ كِبَنيِ رَبِلِنيِ، قٌرِ مْشْحّن نُن نَانِ مَفٌرٌشِ عٍ كُي. دٌنمَ قِيشّ نُ رَفٌرٌشِ عٍ مَ، مَنفّ كَتَنيِ شّيمَ دَاشِ نُ سَشِ عٍ شُن نَ. 5 سٍيَمَكْنيِ نُن فَلَنيِ شُييٍ نُ مِنِمَ كِبَنيِ كُي. لَنثُي سٌلٌقٍرٍ نُ دّشّمَ كِبَنيِ يَ عِ. نٍيٍ مِسَالِشِ عَلَ شَشِلِ كَمَلِشِ نَن نَ. 6 بَا تِنسٍ قَن نُ نَ كِبَنيِ يَ عِ.

نِمَسٍ نَانِ نُ نَ عَلَ شَ كِبَنيِ رَبِلِنيِ، يَيٍ نُ نَ عٍ يَتَفِ نُن عٍ كٌبٍ مَ. 7 نِمَسٍ سِنفٍ نُ مَنِيَشِ يّتّ نَن نَ، عَ قِرِن ندٍ نُ مَنِيَشِ نِنفٍيْرّ نَن نَ، عَ سَشَن ندٍ نُ مَنِيَشِ عَدَ مَدِ نَن نَ، عَ نَانِ ندٍ نُ مَنِيَشِ شَرُ مَ نَن نَ، نَشَن حّرّ مَ كٌورٍ مَ. 8 نَ نِمَسٍ نَانِ بِرِن، فَبُتٍنيِ سٍننِ نُ نَ عٍ مَ. يَيٍ قَن نُ نَ عٍ بّ يِرٍ بِرِن، عٍ فَبُتٍنيِيٍ قَرِ نُن عٍ بُن مَ. كْي نُن يَنيِ عٍ نُ لُمَ عَ قَلَ رَ،

9 نَ نِمَسٍ نَانِ نُ قَ مَنفّ مَتْشْ، عٍ مَنفّ بِنيَ نَشَن مَفٌرٌشِ كِبَنيِ كُي، عٍ مَنفّ تَنتُ، نَشَن حِحّ عَ رَ عَبَدَن، 10 نَ قٌرِ مْشْحّن نُن نَانِ، عٍ قٍلٍنمَ بْشِ مَ مَنفّ يَ عِ، نَشَن مَفٌرٌشِ كِبَنيِ كُي، عٍ قَ عَ بَتُ نَشَن حِحّ عَ رَ عَبَدَن. عٍ نُ عٍ شَ مَنفّ كَتَنيِ بَ عٍ شُن نَ، عٍ نُ عٍ سَ كِبَنيِ سَن نَ، عٍ نُ قَ عَ قَلَ، 11 «مُشُ مَرِفِ عَلَ، مَتْشْي، بِنيّ، نُن سّنبّ نَ عِ تَن نَن بّ، بَرِ مَ عِ تَن نَن سٍ بِرِن دَاشِ، عِ تَن نَن نَ بِرِن حَنِفٍشِ، عِ تَن نَن نَ بِرِن نَفِرِشِ.»