1 نٌوٍ مِ نَشَ عَ قَلَ عَ شَ دِ شَ فِنّ بّ، عَ نَشّ، «رُتِ، ﭑ وَ مَ عِ شَ شّمّ تَا قَنيِ سْتْ. 2 عِ عَ كٌلٌن، بٌو سُ، عِ سَ وَلِشِ نَشَن شْنيِ نُن عَ شَ وَلِكّ فِنّيٍ رَ، وٌن شَبِلّ نَن عَ رَ. تٌ نُنمَرٍ رَ، بٌو سُ سِفَمَ لٌنيِ مَ قُندٍن مَنِيّ بْنبْدٍ. 3 عِ نَشَن نَبَمَ، عِ شَ عِ يَءِلَن عَ قَنيِ رَ. عِ شَ عِ مَشَ، عِ لَبُندّ سَ عِ مَ، عِ عِ مَشِرِ دُفِ قَنيِ رَ. نَ تّمُي عِ شَ سِفَ لٌنيِ يِرٍ. عِ عِ يَ مَنْشُن بٌو سُ مَ هَن عَ شَ فّ عَ دّفٍدٍ. 4 عَ نَ سٌ عَ سَدٍ، عِ شَ عَ مَتٌ عَ سَشِ دّننَشّ. عَ نَ شِ، عِ شَ عَ شَ دُفِ بَ عَ سَنيِيٍ مَ، عِ عِ سَ عَ سَن لَبٍ رَ. عَ قَمَ عِ رَبَقٍ قَلَدٍ عِ بّ.» 5 رُتِ نَشَ عَ يَابِ، «عَوَ، ﭑ عَ بِرِن نَبَمَ نّ عَلْ عِ عَ قَلَشِ كِ نَشّ.»

6 نَ تّمُي رُتِ نَشَ سِفَ نَ لٌنيِ مَ. عَ مَمَ نَشَن قَلَشِ عَ بّ، عَ نَشَ نَ رَبَ. 7 بٌو سُ تٌ فّ عَ دّفٍدٍ، عَ نَشَ عَ سَ قُندٍن مَنِيّ كُرُشِ قّ مَ حّلّشِنيِ كُي. رُتِ نَشَ عَ مَسٌ عَ رَ دْيِن دْيِن، عَ دُفِ بَ عَ سَنيِيٍ مَ، عَ قَ عَ سَ عَ سَن لَبٍ رَ. 8 كْي تَفِ، بٌو سُ نَشَ شُنُ، عَ نَشَ فِنّ تٌ عَ سَن لَبٍ رَ. 9 عَ نَشَ عَ مَشْرِن، «ندٍ عَ رَ؟» رُتِ نَشَ عَ يَابِ، «عِ شَ كٌنيِ نَن ﭑ نَ. ﭑ شِلِ رُتِ. ﭑ قَشِ نّ، شَ عِ نْمَ ﭑ قُتِدٍ، بَرِ مَ مُشُ شَبِلّ رَتَنفَمَ نَ عِ رَ.»

10 بٌو سُ نَشَ عَ مَسٍن عَ بّ، «ﭑ مَ دِ، عَلَ شَ عِ بَرَايِ. يِ هِننّ قَن عِ شَ هِننّ سِنفٍ بّ، بَرِ مَ عِ مُ سِفَشِ سّفّتَلَ سٍ كَنيِ قْشْ رَ، عِ مُ سِفَشِ سّفّتَلَ سٍتَرٍ قْشْ رَ. 11 ﭑ مَ دِ، شَنمّرِ يٌ نَشَ لُ عِ يِ رَ. ﭑ عَ بِرِن نَبَمَ نّ عِ بّ عِ نَشَن مَشْرِنشِ، بَرِ مَ حَمَ بِرِن عَ كٌلٌن فِنّ قَنيِ نَن عِ رَ. 12 عِ بَرَ نْندِ قَلَ. ﭑ تَن، وٌ شَبِلّ رَتَنفَمَ نَن ﭑ نَ، كْنْ شَبِلّ رَتَنفَمَ فبّتّ نَ نَشَن مَكْرّ عِ رَ ﭑ تَن بّ. 13 كْي رَدَنفِ بٍ تٌ. فّيسّفّ، شَ نَ مِشِ تِن عِ رَتَنفَدٍ، عَوَ. شَ عَ مُ تِن، ﭑ تَن عِ رَتَنفَمَ نّ. ﭑ بَرَ ﭑ كَلِ عَلَتَلَ رَ! عِ شَ شِ بٍ هَن كُيٍ شَ عِبَ.»

14 رُتِ نَشَ عَ سَ بٌو سُ سَن لَبٍ رَ هَن سُبَشّ مَ. عَ نَشَ كٍلِ بٍينُن سٌفٍ شَ تٍ، بَرِ مَ بٌو سُ مُ نُ وَ مَ مِشِ شَ عَ كٌلٌن يِ فِنّ نُ نَ لٌنيِ مَ. 15 عَ نَشَ عَ قَلَ عَ بّ، «عِ شَ مَقٍلٍنيِ تٌنفٌ، عَ دّ سُشُ.» رُتِ تٌ عَ شَ مَقٍلٍنيِ دّ سُشُ، بٌو سُ نَشَ قُندٍن مَنِيّ كٌنبٌ يَ كٍرٍن سَ عَ كُي. بٌو سُ نَشَ رُتِ رَتٍ نَ كٌتٍ مَ، رُتِ قَ سِفَ تَا كُي.

16 عَ نَشَ فبِلٍن عَ مَمَ نٌوٍ مِ شْنيِ. نٌوٍ مِ نَشَ عَ مَشْرِن، «ﭑ مَ مَمَدِ، قٍ بَرَ دَنفِ عَ قَنيِ رَ؟» رُتِ نَشَ عَ يَ مَشَرَن بٌو سُ نَشَن بِرِن نَبَشِ عَ بّ. 17 عَ نَشّ، «عَ بَرَ يِ قُندٍن مَنِيّ كٌنبٌ يَ كٍرٍن قِ ﭑ مَ. عَ نَشّ ﭑ بّ، ‹عِ مُ فبِلٍنمَ عِ مَمَ شْنيِ عِ بّلّشّ عِفٍلِ.›» 18 نٌوٍ مِ نَشَ عَ قَلَ عَ بّ، «ﭑ مَ مَمَدِ، عِ شَ لُ بٍ هَن وٌن شَ عَ كٌلٌن يِ قٍ رَحْنمَ كِ نَشّ. نَ شّمّ مُ عَ رَشَرَ مَ، قٌ يِ قٍ شَ يَءِلَن تٌ يَتِ نّ.»