Yabura.
87.
Kora xa die xa bɛɛti Alatala xa taa tixi geya sɛniyɛnxie fari. 
Siyoni naadɛe rafan Marigi ma, dangi Yaxuba xa lingira birin na. 
Mixie Ala xa taa matɔxɔma a fanyi ra Ɲɛngi rate. 
«N xa a fala Raxabi nun Babilɔn n kolonma, a nun Filisita, Tire, nun Kusi. 
A falaxi Siyonikae xa fe ra, ‹E to barixi naa, Marigi Ala e makantama nɛ.›» 
Alatala bara a sɛbɛ sie xa buki kui, «Yi tan barixi naa.» Ɲɛngi rate. 
Bɛɛtibae a falama e xui itexi ra, «N ma saabui birin na i tan nɛ.»