عِسِرَيِلَ شَ كْنتِ تِقٍ.
1.
عِسِرَيِلَكَيٍ شَ مِنِ مِسِرَ حّ قِرِن ندٍ، كِكٍ قِرِن ندٍ، شِ سِنفٍ، عَلَتَلَ نَشَ عَ مَسٍن مُنسَ بّ تُرُ سِنِنَ فبٍنفبٍرٍنيِ مَ هْرْ مْلِنفِرَ كُي، 
«وٌ شَ عِسِرَيِلَ شّمّ بِرِن كْنتِ عَ شَبِلّ نُن عَ دٍنبَيَ كِ مَ، 
نَشٍيٍ شَ سِمَيَ بَرَ حّ مْشْحّن لِ، نَشٍيٍ نْمَ قِندِدٍ عِسِرَيِلَ سْورِيٍ رَ. عِ نُن هَرُنَ، وٌ شَ عٍ عِتَشُن سْورِ فَالِ كِ مَ. 
بْنسْي شُنيِيٍ شَ وٌ مَلِ نَ وَلِ كُي. 
عٍ شِلِيٍ نَن يَ؛ رُبٍن بْنسْي يَ مَ، سٍدٍيُرِ شَ دِ شّمّ عٍلِسُرُ. 
سِمٍيْن بْنسْي يَ مَ، سُرِ سَدَيِ شَ دِ شّمّ سٍلُمِيٍلِ. 
يُدَ بْنسْي يَ مَ، عَمِنَدَبٌ شَ دِ شّمّ نَشَسٌن. 
عِسَكَرِ بْنسْي يَ مَ، سُوَرَ شَ دِ شّمّ نٍتَنٍيلِ. 
سَبُلٌن بْنسْي يَ مَ، شٍلٌن شَ دِ شّمّ عٍلِيَبِ. 
يُسُقُ شَ دِ شّمّ عٍقِرَ مِ بْنسْي يَ مَ، عَمِشُدِ شَ دِ شّمّ عٍلِسَمَ. يُسُقُ شَ دِ شّمّ مَنَسِ بْنسْي يَ مَ، ثٍدَ سُرُ شَ دِ شّمّ فَمَلِيّلِ. 
بُنيَمِن بْنسْي يَ مَ، فِدٍيٌنِ شَ دِ شّمّ عَبِدَن. 
دَنَ بْنسْي يَ مَ، عَمِسَدَيِ شَ دِ شّمّ عَشِيٍسٍرِ. 
عَسٍرِ بْنسْي يَ مَ، عٌكِرَن شَ دِ شّمّ ثَفِيّلِ. 
فَدِ بْنسْي يَ مَ، دُوٍلِ شَ دِ شّمّ عٍلِيَسَقَ. 
نَقَتَلِ بْنسْي يَ مَ، عٍنَن شَ دِ شّمّ عَشِرَ.» 
نَ بْنسْي شُنيِيٍ نَن شِلِشِ، عٍ شَ قِندِ عِسِرَيِلَ سْورِ مَنفّيٍ رَ. 
عٍ نَشَ كَقُ مُنسَ نُن هَرُنَ مَ، 
عٍ شَ عِسِرَيِلَ حَمَ مَلَن، نَ كِكٍ قِرِن ندٍ، شِ سِنفٍ. شّمّ بِرِن نَشٍيٍ شَ سِمَيَ نُ بَرَ حّ مْشْحّن لِ، عٍ نَشَ عٍ تّنفّ عٍ شَبِلّ نُن عٍ دٍنبَيَ كِ مَ، 
عَلْ عَلَتَلَ عَ يَمَرِ كِ نَشّ. مُنسَ نَشَ عٍ تّنفّ تُرُ سِنِنَ فبٍنفبٍرٍنيِ مَ. 
عٍ نَشَ عِسِرَيِلَ شَ دِ سِنفٍ رُبٍن بْنسْي بِرِن تّنفّ عٍ شَبِلّ نُن عٍ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ نَانِ نُن سٍننِ، شّمّ كّمّ سُولِ نَن مَ. 
عٍ نَشَ سِمٍيْن بْنسْي بِرِن تّنفّ عٍ شَبِلّ نُن عٍ شَ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ سُولِ نُن سٌلٌمَنَانِ، شّمّ كّمّ سَشَن نَن مَ. 
عٍ نَشَ فَدِ بْنسْي بِرِن تّنفّ عٍ شَبِلّ نُن عٍ شَ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ نَانِ نُن سُولِ، شّمّ كّمّ سٍننِ تٌنفٌ سُولِ نَن مَ. 
عٍ نَشَ يُدَ بْنسْي بِرِن تّنفّ عٍ شَبِلّ نُن عٍ شَ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ سٌلٌقٍرٍ نُن نَانِ، شّمّ كّمّ سٍننِ نَن مَ. 
عٍ نَشَ عِسَكَرِ بْنسْي بِرِن تّنفّ عٍ شَبِلّ نُن عٍ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ سُولِ نُن نَانِ، شّمّ كّمّ نَانِ نَن مَ. 
عٍ نَشَ سِمٍيْن بْنسْي بِرِن تّنفّ عٍ شَبِلّ نُن عٍ شَ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ سُولِ نُن سٌلٌقٍرٍ، شّمّ كّمّ نَانِ نَن مَ. 
عٍ نَشَ يُسُقُ شَ دِ شّمّ عٍقِرَ مِ بْنسْي بِرِن تّنفّ عٍ شَبِلّ نُن عٍ شَ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ نَانِ، شّمّ كّمّ سُولِ نَن مَ. 
عٍ نَشَ يُسُقُ شَ دِ شّمّ مَنَسِ بْنسْي بِرِن تّنفّ عٍ شَبِلّ نُن عٍ شَ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ سَشَن نُن قِرِن، شّمّ كّمّ قِرِن نَن مَ. 
عٍ نَشَ بُنيَمِن بْنسْي بِرِن تّنفّ عٍ شَبِلّ نُن عٍ شَ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ سَشَن نُن سُولِ، شّمّ كّمّ نَانِ نَن مَ. 
عٍ نَشَ دَنَ بْنسْي بِرِن تّنفّ عٍ شَبِلّ نُن عٍ شَ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ سٍننِ نُن قِرِن، شّمّ كّمّ سٌلٌقٍرٍ نَن مَ. 
عٍ نَشَ عَسٍرِ بْنسْي بِرِن تّنفّ عٍ شَبِلّ نُن عٍ شَ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ نَانِ نُن كٍرٍن، شّمّ كّمّ سُولِ نَن مَ. 
عٍ نَشَ نَقَتَلِ بْنسْي بِرِن تّنفّ عٍ شَبِلّ نُن عٍ شَ دٍنبَيَ كِ مَ. عٍ نَشَ شّمّيٍ شِلِ سّبّ، نَشٍيٍ شَ سِمَيَ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ. 
نَ شَسَبِ لَن نّ شّمّ وُلُ تٌنفٌ سُولِ نُن سَشَن، شّمّ كّمّ نَانِ نَن مَ. 
عِسِرَيِلَ بْنسْي شُنيِ قُ نُن قِرِنيِ نَن كَقُ مُنسَ نُن هَرُنَ مَ نَ تّنفّ تِقٍ رَ. 
عِسِرَيِلَ شّمّ نَشٍيٍ نُ بَرَ حّ مْشْحّن لِ، نَشٍيٍ نُ نْمَ سْورِحَ رَبَدٍ، 
نٍيٍ نُ لَنشِ شّمّ وُلُ كّمّ سٍننِ نُن سَشَن، شّمّ كّمّ سُولِ نُن تٌنفٌ سُولِ نَن مَ. 
كْنْ لٍوِ بْنسْي مُ نُ نَ نَ كْنتِ يَ مَ، 
بَرِ مَ عَلَتَلَ نُ بَرَ عَ مَسٍن مُنسَ بّ، 
«عِ نَشَ لٍوِكَيٍ تّنفّ عِسِرَيِلَكَيٍ يَ مَ. 
عِ شَ هْرْ مْلِنفِرَ نُن عَ شَ سٍ بِرِن تَشُ عٍ رَ. ﭑ مَ سَاتّ تْنشُمَ نَ عَ رَ. عٍ شَ عَ مَشَنِن، عٍ شَ مّينِ عَ مَ، عٍ شَ يٌنكِن عَ رَبِلِنيِ رَ. 
وٌ نَ كٍلِ سِفَدٍ، عٍ شَ عَ رَفٌرٌ. وٌ نَ يِرٍ نّينّ لِ، عٍ شَ عَ تِ. شَ مِشِ فبّتّ عَ مَسٌ عَ رَ نَشَن مُ قِندِ لٍوِ بْنسْي رَ، نَ كَنيِ لَن نّ عَ شَ قَشَ. 
عِسِرَيِلَكَ بِرِن شَ يٌنكِن يِرٍ عٍ نَ دّننَشّ مَسٍن عٍ بّ، عٍ بْنسْي شَ تْنشُمَ بُن مَ، عَ نُن عٍ شَ سْورِيٍ. 
لٍوِ بْنسْييٍ شَ يٌنكِن هْرْ مْلِنفِرَ رَبِلِنيِ، شَ نَ مُ عَ رَ ﭑ شْنْمَ نّ عِسِرَيِلَ حَمَ مَ. لٍوِكَيٍ شَ عٍ حّنفِ سَ هْرْ مْلِنفِرَ شْن مَ.» 
عِسِرَيِلَكَيٍ نَشَ عَلَتَلَ شَ يَامَرِ بِرِن سُشُ، عَ نَشَن سٌشِ مُنسَ يِ رَ.