كْنتِ تِقٍ.
33.
حّرّ نَن يَ عِسِرَيِلَكَيٍ نَشَن نَبَ عٍ شُندّ كِ مَ مُنسَ نُن هَرُنَ شَ يَامَرِ بُن مَ عٍ تٌ كٍلِ مِسِرَ بْشِ مَ. 
مُنسَ نَ بِرِن سّبّشِ نّ عَلْ عَلَتَلَ عَ يَمَرِ عَ بّ كِ نَشّ. 
عٍ نَشَ كٍلِ رَ مٍسٍسِ تَا مِسِرَ بْشِ كِكٍ سِنفٍ شِ قُ نُن سُولِ. سَيَمَلٍكّ دَنفِ سَلِ لْشْي، نَ كُيٍ عِبَ عِسِرَيِلَكَيٍ نَشَ مِنِ مِسِرَ شْرّيَ كُي مِسِرَكَ بِرِن يَ شْرِ. 
عَ عَ لِشِ نَ تّمُي، مِسِرَكَيٍ نُ نَ عٍ شَ دِ سِنفٍيٍ رَفَتَقٍ، عَلَتَلَ نَشٍيٍ قَشَ عٍ يَ مَ عَ شَ شْنّ كُي عٍ شَ كُيٍيٍ شَ قٍ رَ. 
عِسِرَيِلَكَيٍ نَشَ كٍلِ رَ مٍسٍسِ، عٍ سَ يٌنكِن سُكْتِ. 
عٍ تٌ كٍلِ مّننِ، عٍ نَشَ سِفَ عٍتَمَ فبٍنفبٍرٍنيِ دّ رَ. 
عٍ تٌ كٍلِ عٍتَمَ، عٍ نَشَ فبِلٍن ثِ هَشِرْتِ مَبِرِ، بَالِ سٍقٌن يَ تَفِ، عٍ سَ يٌنكِن مِفِدٌلِ يَ رَ. 
عٍ تٌ كٍلِ مّننِ، عٍ نَشَ بَا عِفِرِ، عٍ سِفَ فبٍنفبٍرٍنيِ مَ. عٍ نَشَ شِ سَشَن حّرّ رَبَ عٍتَمَ فبٍنفبٍرٍنيِ مَ، عٍ سَ يٌنكِن مَرَ. 
عٍ تٌ كٍلِ مّننِ، عٍ نَشَ سِفَ عٍلِمِ، عٍ دُلٌنيِ قُ نُن قِرِن نُن تُفِ تٌنفٌ سٌلٌقٍرٍ لِ دّننَشّ. 
عٍ تٌ كٍلِ مّننِ، عٍ نَشَ سِفَ شُلُنيُمِ بَا سّيتِ مَ. 
عٍ تٌ كٍلِ مّننِ، عٍ نَشَ سِفَ سِنِ فبٍنفبٍرٍنيِ مَ. 
عٍ تٌ كٍلِ مّننِ، عٍ نَشَ سَ يٌنكِن دٌقِكَ. 
عٍ تٌ كٍلِ مّننِ، عٍ نَشَ سِفَ عَلُسُ. 
عٍ تٌ كٍلِ مّننِ، عٍ نَشَ سِفَ رٍقِدِ مِ، كْنْ عٍ مُ يٍ تٌ نَا. 
عٍ تٌ كٍلِ مّننِ، عٍ نَشَ سِفَ تُرُ سِنِنَ فبٍنفبٍرٍنيِ مَ. 
عٍ تٌ كٍلِ مّننِ، عٍ نَشَ سِفَ كِبِرٌتِ هَتَاوَ. 
عٍ تٌ كٍلِ مّننِ، عٍ نَشَ سِفَ شَسٍرٌتِ. 
عٍ تٌ كٍلِ مّننِ، عٍ نَشَ سِفَ رِتِمَ. 
عٍ تٌ كٍلِ مّننِ، عٍ نَشَ سِفَ رِ مْن ثٍرٍ سِ. 
عٍ تٌ كٍلِ مّننِ، عٍ نَشَ سِفَ لِبِنَ. 
عٍ تٌ كٍلِ مّننِ، عٍ نَشَ سِفَ رِ سَ. 
عٍ تٌ كٍلِ مّننِ، عٍ نَشَ سِفَ كٍهٍلَتَ. 
عٍ تٌ كٍلِ مّننِ، عٍ نَشَ سِفَ سٍيقٍرِ فٍيَ مَ. 
عٍ تٌ كٍلِ مّننِ، عٍ نَشَ سِفَ شَرَدَ. 
عٍ تٌ كٍلِ مّننِ، عٍ نَشَ سِفَ مَكٍلٌتِ. 
عٍ تٌ كٍلِ مّننِ، عٍ نَشَ سِفَ تَشَتِ. 
عٍ تٌ كٍلِ مّننِ، عٍ نَشَ سِفَ تٍرَ. 
عٍ تٌ كٍلِ مّننِ، عٍ نَشَ سِفَ مِتِكَ. 
عٍ تٌ كٍلِ مّننِ، عٍ نَشَ سِفَ شَسَمٌنَ. 
عٍ تٌ كٍلِ مّننِ، عٍ نَشَ سِفَ مٌسٍرَ. 
عٍ تٌ كٍلِ مّننِ، عٍ نَشَ سِفَ بٍنٍيَاكَن. 
عٍ تٌ كٍلِ مّننِ، عٍ نَشَ سِفَ هٌرٌ فِدِفَدَ. 
عٍ تٌ كٍلِ مّننِ، عٍ نَشَ سِفَ يٌتٌبَتَ. 
عٍ تٌ كٍلِ مّننِ، عٍ نَشَ سِفَ عَبَرٌنَ. 
عٍ تٌ كٍلِ مّننِ، عٍ نَشَ سِفَ عٍسِيٌن فٍبٍرِ. 
عٍ تٌ كٍلِ مّننِ، عٍ نَشَ سِفَ كَدٍ سِ سِنِ فبٍنفبٍرٍنيِ مَ. 
عٍ كٍلِ مّننِ نّ، عٍ نَشَ سِفَ هٌرٌ فٍيَ مَ، عٍدٌن بْشِ نَانِنيِ قّ مَ. 
عِسِرَيِلَكَيٍ شَ مِنِ مِسِرَ حّ تٌنفٌ نَانِ كِكٍ سُولِ ندٍ شِ سِنفٍ، عَلَتَلَ نَشَ هَرُنَ يَمَرِ عَ شَ تٍ هٌرٌ فٍيَ قَرِ، عَ شَ لَاشِرَ مّننِ. 
هَرُنَ نُ بَرَ حّ كّمّ مْشْحّن نُن سَشَن سْتْ، عَ قَشَ تّمُي هٌرٌ فٍيَ قَرِ. 
عَرَدِ مَنفّ، نَشَن سَبَتِشِ نٍفٍوِ فبٍنفبٍرٍنيِ كَنَان بْشِ مَ، عَ نَشَ عَ كٌلٌن عِسِرَيِلَكَيٍ بَرَ قَ. 
عِسِرَيِلَكَيٍ تٌ كٍلِ هٌرٌ فٍيَ يِرٍ، عٍ نَشَ سَ يٌنكِن سَلَمٌنَ. 
عٍ تٌ كٍلِ مّننِ، عٍ نَشَ سِفَ ثُنٌن. 
عٍ تٌ كٍلِ مّننِ، عٍ نَشَ سِفَ عٌبٌتِ. 
عٍ تٌ كٍلِ مّننِ، عٍ نَشَ سِفَ عِيٍ عَبَرِ مِ، مٌوَبَ بْشِ نَانِنيِ رَ. 
عٍ تٌ كٍلِ مّننِ، عٍ نَشَ سِفَ دِبٌن فَدِ. 
عٍ تٌ كٍلِ مّننِ، عٍ نَشَ سِفَ عَلَمْن دِبِلَتَيِمَ. 
عٍ تٌ كٍلِ مّننِ، عٍ نَشَ سِفَ عَبَرِ مِ فٍيَيٍ يِرٍ، نٍبٌ فٍيَ يَتَفِ. 
عٍ تٌ كٍلِ مّننِ، عٍ نَشَ سِفَ مٌوَبَ قِيلِ مَ، يُرُدّن شُرٍ دّ رَ، يٍرِكٌ تَا يَتَفِ. 
عٍ نَشَ يٌنكِن يُرُدّن شُرٍ دّ رَ، بٍتِ يٍسِمٌتِ نُن عَبٍلِ سِتِمِ لٌنفٌرِ مٌوَبَ قِيلِ مَ. 
عَلَتَلَ نَشَ عَ مَسٍن مُنسَ بّ مٌوَبَ قِيلِ مَ، يُرُدّن شُرٍ دّ رَ، يٍرِكٌ تَا يَتَفِ، 
«عَ قَلَ عِسِرَيِلَكَيٍ بّ، ‹وٌ نَ يُرُدّن شُرٍ فِرِ تّمُي نَشّ سٌقٍ رَ كَنَان بْشِ مَ، 
وٌ مّننِكَيٍ بِرِن قَشَ. وٌ شَ عٍ شَ كُيٍ بِرِن كَنَ، نَشٍيٍ مَسٌلِشِ فّمّ رَ، نَشٍيٍ يَءِلَنشِ وُرٍ رَشُنُشِ رَ. وٌ شَ عٍ شَ بَتُدٍيٍ قَن كَنَ. 
وٌ شَ نَ بْشِ سُشُ، وٌ قَ سَبَتِ نَا. ﭑ بَرَ نَ بْشِ قِ وٌ مَ. 
نَ بْشِ عِتَشُنمَ وٌ مَ عَلَتَلَ شَ مَرَفِرِ كّحَ نَن مَ عَ شَبِلّ كِ مَ. نَشٍيٍ بْنسْي شَ مِشِيٍ نَ وُيَ، عٍ شَ بْشِ بٍلٍبٍلٍ سْتْ. نَشٍيٍ بْنسْي شَ مِشِيٍ مُ وُيَ، عٍ شَ بْشِ شَ شُرُن. عَلَتَلَ عَ رَفِرِ مَ كَنكَن نَشَن سْتْمَ عَ بْنسْي كِ مَ. 
كْنْ شَ وٌ مُ مّننِكَيٍ قَشَ، عٍ قَمَ مَنِيَدٍ حٌوفٍ نَن نَ نَشَن مِشِ يَ تْورْ مَ، شَ نَ مُ عَ رَ تُنبٍيٍ نَشٍيٍ مِشِ قَرِ مَسْشْمَ. عٍ قِندِ مَ نّ وٌ يَشُييٍ رَ وٌ شْنيِ. 
نَ تّمُي، ﭑ عٍ شَ يُنُبِ سَرٍ دْشْمَ وٌ تَن نَن مَ.›»