عَننَبِ نٍهٍمِ.
7.
تّتّ نُن نَادّيٍ تٌ فّ يَءِلَندٍ، نَادّ مَكَنتّيٍ، بّيتِبَيٍ، نُن لٍوِكَيٍ بِرِن نَشَ عٍ شَ وَلِ سُشُ. 
ﭑ نَشَ ﭑ مَ يَامَرِيٍ سٌ ﭑ شُنيَ شَنَنِ يِ رَ، عَ نُن شَنَنِيَ نَشَن نُ نَ سْورِيٍ شُن مَ دَرِ سَلَمُ. نَ نُ بَرَ قِندِ مِشِ هَفِفّ رَ، عَ نُ تِنشِن، عَ مَن نُ فَاشُمَ عَلَ يَ رَ. 
ﭑ نَشَ عَ قَلَ عٍ بّ، «وٌ نَشَ تَا نَادّيٍ رَبِ هَن سٌفٍ شْنْ تّمُي، عٍ مَن شَ بَلَن سَابِ رَ وٌ يَ شْرِ. دَرِ سَلَمُكَيٍ قَن يِرٍ مَكَنتَمَ نّ، كَنكَن شَ لُ عَ شَ بَنشِ نَادّ رَ.» 
دَرِ سَلَمُ نُ شُنفبٌ، كْنْ نَ تّمُي مِشِ مُ نُ وُيَ، بَنشِيٍ قَن مُ نُ فّشِ تِدٍ. 
ﭑ مَرِفِ عَلَ نَشَ عَ رَ سٌ ﭑ شَشِلِ كُي، ﭑ شَ كُنتِفِيٍ، كِيتِسَيٍ، نُن حَمَ مَلَن، ﭑ شَ كْنتِ تِ. ﭑ نَشَ تَرُشُي بُكِ تٌ. مِشِ نَشٍيٍ سِنفٍ تٍ، عٍ شِلِيٍ نُ سّبّشِ نَ كُي. عَ سّبّشِ، 
«بَبِلْن مَنفّ نٍبُكَدَنسَرِ نَشَ قَ يِ مِشِيٍ رَ كٍلِقٍ دَرِ سَلَمُ. عٍ نَشَ لُ كٌنيِيَ كُي، هَن عٍ فبِلٍنشِ دَرِ سَلَمُ نُن يُدَيَ تّمُي نَشّ. كَنكَن نَشَ سِفَ عَ شْنيِ. 
سٌرٌبَبٍلِ، يٌسُوٍ، نٍهٍمِ، عَسَرَيَ، رَامِيَ، نَشَمَنِ، مٌرٌدٍكَيِ، بِلٍسَن، مِسِثٍرٍتِ، بٍفِقَيِ، نٍشُمَ، نُن بَاننَ نَشَ عٍ مَتِ. عِسِرَيِلَكَيٍ شِلِيٍ نُن عٍ كْنتِ نَن يِ كِ؛ 
ثَرٌ سٌ شَ دِيٍ، مِشِ وُلُ قِرِن، مِشِ كّمّ، مِشِ تٌنفٌ سٌلٌقٍرٍ نُن قِرِن. 
سّقَتَيَ شَ دِيٍ، مِشِ كّمّ سَشَن، مِشِ تٌنفٌ سٌلٌقٍرٍ نُن قِرِن. 
عَرَ شَ دِيٍ، مِشِ كّمّ سٍننِ، مِشِ تٌنفٌ سُولِ نُن قِرِن. 
مٌوَبَ ثَشَتِ شَ دِيٍ، نَشٍيٍ قَتَنشِ يٍسُوَ نُن يٌوَبَ مَ، مِشِ وُلُ قِرِن، مِشِ كّمّ سٌلٌمَسَشَن، مِشِ قُ نُن سٌلٌمَسَشَن. 
عٍلَمَ شَ دِيٍ، مِشِ وُلُ كٍرٍن، مِشِ كّمّ قِرِن، مِشِ تٌنفٌ سُولِ نُن نَانِ. 
سَتُ شَ دِيٍ، مِشِ كّمّ سٌلٌمَسَشَن، مِشِ تٌنفٌ نَانِ نُن سُولِ. 
سَكَيِ شَ دِيٍ، مِشِ كّمّ سٌلٌقٍرٍ، مِشِ تٌنفٌ سٍننِ. 
بِنُوِ شَ دِيٍ، مِشِ كّمّ سٍننِ، مِشِ تٌنفٌ نَانِ نُن سٌلٌمَسَشَن. 
بِبَيِ شَ دِيٍ، مِشِ كّمّ سٍننِ، مِشِ مْشْحّن نُن سٌلٌمَسَشَن. 
عَسِفَدِ شَ دِيٍ، مِشِ وُلُ قِرِن، مِشِ كّمّ سَشَن، مِشِ مْشْحّن نُن قِرِن. 
عَدٌنِكَمَ شَ دِيٍ، مِشِ كّمّ سٍننِ، مِشِ تٌنفٌ سٍننِ نُن سٌلٌقٍرٍ. 
بٍفِقَيِ شَ دِيٍ، مِشِ وُلُ قِرِن، مِشِ تٌنفٌ سٍننِ نُن سٌلٌقٍرٍ. 
عَدِن شَ دِيٍ، مِشِ كّمّ سٍننِ، مِشِ تٌنفٌ سُولِ نُن سُولِ. 
عَتّرِ شَ دِيٍ، نَشٍيٍ قَتَنشِ شٍسٍكِيَ رَ، مِشِ تٌنفٌ سٌلٌمَنَانِ نُن سٌلٌمَسَشَن. 
شَسُمَ شَ دِيٍ، مِشِ كّمّ سَشَن، نُن مِشِ مْشْحّن نُن سٌلٌمَسَشَن. 
بٍسٍيِ شَ دِيٍ، مِشِ كّمّ سَشَن، مِشِ مْشْحّن نُن نَانِ. 
شَرِقِ شَ دِيٍ، مِشِ كّمّ، مِشِ قُ نُن قِرِن. 
فَبَيٌن شَ دِيٍ، مِشِ تٌنفٌ سٌلٌمَنَانِ نُن سُولِ. 
بّتّلّيمُكَيٍ نُن نٍتٌقَكَيٍ، مِشِ كّمّ، مِشِ تٌنفٌ سٌلٌمَسَشَن نُن سٌلٌمَسَشَن. 
عَنَتْتِكَيٍ، مِشِ كّمّ، مِشِ مْشْحّن نُن سٌلٌمَسَشَن. 
بٍتِ عَسَمَقٍتِكَيٍ، مِشِ تٌنفٌ نَانِ نُن قِرِن. 
كِرِيَتِ يٍيَرِ مِ، كٍقِرَكَيٍ، نُن بٍرٌتِكَيٍ، مِشِ كّمّ سٌلٌقٍرٍ، مِشِ تٌنفٌ نَانِ نُن سَشَن. 
رَ مَكَيٍ نُن فٍبَكَيٍ، مِشِ كّمّ سٍننِ، مِشِ مْشْحّن نُن كٍرٍن. 
مِكِمَسِكَيٍ، مِشِ كّمّ، مِشِ مْشْحّن نُن قِرِن. 
بٍتٍلِكَيٍ نُن عَيِكَيٍ، مِشِ كّمّ، مِشِ مْشْحّن نُن سَشَن. 
نٍبٌكَ ندٍيٍ، مِشِ تٌنفٌ سُولِ نُن قِرِن. 
عٍلَمَكَ ندٍيٍ، مِشِ وُلُ كٍرٍن، مِشِ كّمّ قِرِن، مِشِ تٌنفٌ سُولِ نُن نَانِ. 
شَرِ مَ شَ دِيٍ، مِشِ كّمّ سَشَن، مِشِ مْشْحّن. 
يٍرِكٌ شَ دِيٍ، مِشِ كّمّ سَشَن، مِشِ تٌنفٌ نَانِ نُن سُولِ. 
لٌدِ شَ دِيٍ، شَدِدِ شَ دِيٍ، نُن عٌنٌ شَ دِيٍ، مِشِ كّمّ سٌلٌقٍرٍ، مِشِ مْشْحّن نُن كٍرٍن. 
سٍنَا شَ دِيٍ، مِشِ وُلُ سَشَن، مِشِ كّمّ سٌلٌمَنَانِ، نُن مِشِ تٌنفٌ سَشَن.» 
«سّرّشّدُبّيٍ كْنتِ نَن يِ كِ؛ يّدَيَ شَ دِيٍ، نَشٍيٍ قَتَنشِ يٍسُوَ شَ دٍنبَيَ رَ، مِشِ كّمّ سٌلٌمَنَانِ، مِشِ تٌنفٌ سٌلٌقٍرٍ نُن سَشَن. 
عِمٍرِ شَ دِيٍ، مِشِ وُلُ كٍرٍن، مِشِ تٌنفٌ سُولِ نُن مِشِ قِرِن. 
ثَسُرَ شَ دِيٍ، مِشِ وُلُ كٍرٍن، مِشِ كّمّ قِرِن، مِشِ تٌنفٌ نَانِ نُن سٌلٌقٍرٍ. 
شَرِ مَ شَ دِيٍ، مِشِ وُلُ كٍرٍن، مِشِ قُ نُن سٌلٌقٍرٍ.» 
«لٍوِكَيٍ كْنتِ نَن يِ كِ؛ يٍسُوَ، كَدَ مِيّلِ، نُن هٌدَقِيَ شَ دِيٍ، مِشِ تٌنفٌ سٌلٌقٍرٍ نُن نَانِ.» 
«بّيتِ بَيٍ كْنتِ نَن يِ كِ؛ عَسَقِ شَ دِيٍ، مِشِ كّمّ، مِشِ تٌنفٌ نَانِ نُن سٌلٌمَسَشَن.» 
«نَادّ مَكَنتّيٍ كْنتِ نَن يِ كِ؛ سَلُمُ شَ دِيٍ، عَتّرِ شَ دِيٍ، تَلَمْن شَ دِيٍ، عَكُبُ شَ دِيٍ، شَتِتَ شَ دِيٍ، نُن سٌبَيِ شَ دِيٍ، مِشِ كّمّ، مِشِ تٌنفٌ سَشَن نُن سٌلٌمَسَشَن.» 
«هْرْ مْلِنفِرَ وَلِكّيٍ كْنتِ نَن يِ كِ؛ سِشَ شَ دِيٍ، شَسُقَ شَ دِيٍ، تَبَيٌتِ شَ دِيٍ، 
كٍرٌ سِ شَ دِيٍ، سَيَ شَ دِيٍ، ثَدٌن شَ دِيٍ، 
لٍبَنَ شَ دِيٍ، شَفَبَ شَ دِيٍ، سَلَمَيِ شَ دِيٍ، 
هَنَن شَ دِيٍ، فِدّلِ شَ دِيٍ، فَشَرِ شَ دِيٍ، 
رٍيَيَ شَ دِيٍ، رٍ سِن شَ دِيٍ، نٍكٌدَ شَ دِيٍ، 
فَسَمَ شَ دِيٍ، عُسَ شَ دِيٍ، ثَسٍيَ شَ دِيٍ، 
بِسَيِ شَ دِيٍ، مٍوُنِمَ شَ دِيٍ، نٍقُسِمَ شَ دِيٍ، 
بَكِبُكِ شَ دِيٍ، شَكُقَ شَ دِيٍ، شَرِشُرِ شَ دِيٍ، 
بَسِلُتِ شَ دِيٍ، مٍشِدَ شَ دِيٍ، شَرَ سَ شَ دِيٍ، 
بَرَكْسِ شَ دِيٍ، سِسٍرَ شَ دِيٍ، تٍمَ شَ دِيٍ، 
نٍسِيَ شَ دِيٍ، نُن شَتِقَ شَ دِيٍ.» 
«سُلٍمَنِ شَ وَلِكّيٍ شَ دِيٍ كْنتِ نَن يِ كِ؛ سٌتَيِ شَ دِيٍ، سٌقٍرٍتِ شَ دِيٍ، ثٍردِدَ شَ دِيٍ، 
يَالَ شَ دِيٍ، دَرَكْن شَ دِيٍ، فِدّلِ شَ دِيٍ، 
سّقَتَيَ شَ دِيٍ، شَتِلِ شَ دِيٍ، ثٌكّرّتِ هَسٍبَيِمِ شَ دِيٍ، نُن عَمٌن شَ دِيٍ.» 
«هْرْ مْبَنشِ وَلِكّيٍ نُن سُلٍمَنِ شَ وَلِكّيٍ، مِشِ كّمّ سَشَن، مِشِ تٌنفٌ سٌلٌمَنَانِ، نُن قِرِن.» 
«مِشِيٍ نَن يِ كِ نَشٍيٍ كٍلِ تٍلِ مٍلَ، تٍلِ شَرَ سَ، كّرُبُ، عَدَن، نُن عِمٍرِ، كْنْ عٍ مُ نْ عَ مَسٍندٍ عَ عِسِرَيِلَ دِيٍ يَتِ يَتِ نَن عٍ رَ؛ 
دّلَيَ شَ دِيٍ، تٌبِيَ شَ دِيٍ، نُن نٍكٌدَ شَ دِيٍ، مِشِ كّمّ سٍننِ، مِشِ تٌنفٌ نَانِ نُن قِرِن.» 
«يِ مِشِيٍ نُ نَ سّرّشّدُبّيٍ يَ مَ؛ شَبَيَ شَ دِيٍ، هَكْسِ شَ دِيٍ، نُن بَرَ سِلَيِ شَ دِيٍ، نَشَن نُ بَرَ بَرَ سِلَيِ فَلَدِكَ شَ دِ فِنّ ندٍ دْشْ، عٍ قَ نَ شِلِ سَ عَ شُن مَ. 
عٍ نَشَ عٍ رَ مِنِ سّرّشّدُبّ وَلِ كُي بَرِ مَ عٍ مُ نْ عٍ شِلِيٍ تٌدٍ تَرُشُي كُي. 
فٌمِنَ نَشَ عٍ يَامَرِ، عٍ نَشَ سّرّشّدُبّ دٌنسٍ سّنِيّنشِ دٌن هَن سّرّشّدُبّ ندٍ شَ عَلَ سَفٌي مَشْرِن عُرِ مِ نُن تُمِمِ مَ.» 
«حَمَ بِرِن كْنتِ لَنشِ مِشِ وُلُ تٌنفٌ نَانِ نُن قِرِن، مِشِ كّمّ سَشَن تٌنفٌ سٍننِ نَن مَ. 
عٍ شَ كٌنيِيٍ كْنتِ لَنشِ مِشِ وُلُ سٌلٌقٍرٍ، مِشِ كّمّ سَشَن تٌنفٌ سَشَن نُن سٌلٌقٍرٍ نَن مَ. بّيتِبَ كّمّ قِرِن تٌنفٌ سُولِ نُن سُولِ قَن نُ نَ عٍ يَ مَ. حَمَ نُ بَرَ شُرُ سٍ فبٍفبٍ شَنِن نَا؛ سٌي كّمّ سٌلٌقٍرٍ، تٌنفٌ سَشَن، نُن سٍننِ، سٌقَلٍ كّمّ قِرِن، تٌنفٌ نَانِ، نُن سُولِ، 
حْشْمّ كّمّ نَانِ، تٌنفٌ سَشَن، نُن سُولِ، سٌقَلٍ مْولِ ندٍ وُلُ سٍننِ، كّمّ سٌلٌقٍرٍ مْشْحّن.» 
«دٍنبَيَ كَنيِيٍ نَشَ سٍيٍ قِ عَلَكٌ وَلِ شَ رَبَ. فٌمِنَ نَشَ شّيمَ كٌلٍ وُلُ كٍرٍن، ثْوتِ قَنيِ تٌنفٌ سُولِ، نُن سّرّشّدُبّ دُفِ كّمّ سُولِ، تٌنفٌ سَشَن قِ وَلِ شَ قٍ رَ. 
دٍنبَيَ كَنيِيٍ نَشَ شّيمَ كٌلٍ وُلُ مْشْحّن، نُن فبٍتِ كٌلٍ وُلُ قِرِن نُن كّمّ قِرِن قِ وَلِ شَ قٍ رَ. 
حَمَ نَشَن لُشِ نَا نَشَ شّيمَ كٌلٍ وُلُ مْشْحّن، نُن فبٍتِ كٌلٍ وُلُ قِرِن، نُن سّرّشّدُبّ دُفِ تٌنفٌ سٍننِ نُن سٌلٌقٍرٍ قِ وَلِ شَ قٍ رَ.» 
«سّرّشّدُبّيٍ، لٍوِكَيٍ، هْرْ مْبَنشِ نَادّ مَكَنتّيٍ، بّيتِبَيٍ، نُن هْرْ مْبَنشِ وَلِكّيٍ، نُن عِسِرَيِلَكَ بِرِن نَشَ سَبَتِ عٍ شْنيِ.»