عَننَبِ نٍهٍمِ.
10.
نَ بِرِن كُي، مُشُ بَرَ يِ نَتّ سّبّشِ تٌنفٌ، مُشُ شَ مَنفّيٍ، لٍوِكَيٍ، نُن مُشُ شَ سّرّشّدُبّيٍ شَ تْنشُمَ دْشْشِ عَ مَ. 
عٍ شِلِيٍ نَن يِ كِ؛ فٌمِنَ نٍهٍمِ شَكَلَيَ شَ دِ، سٍدٍكِيَ، 
سٍرَيَ، عَسَرَيَ، يٍرٍ مِ، 
ثَسُرَ، عَمَرَيَ، مَلَكِيَ، 
شَتُسِ، سّبَنَيَ، مَلُكُ، 
شَرِ مَ، مٍرٍ مٌتِ، عَبَدِيَسِ، 
دَنِيّلِ، فِنّتْن، بَرُكِ، 
مٍسُلَمَ، عَبِيَ، مِيَمِن، 
مَاسِيَ، بِلِفَيِ، نُن سٍمَيَ. سّرّشّدُبّيٍ نَن نَ كِ. 
لٍوِكَيٍ نَن يِ كِ؛ عَسَنَيَ شَ دِ يٍسُوَ، شٍنَدَدِ شَ دِ بِنُوِ، كَدَ مِيّلِ، 
نُن عٍ نفَشَكٍرٍنيِيٍ، سّبَنَيَ، هٌدِيَ، كٍلِتَ، ثّلَيَ، هَنَن، 
مِكَ، رٍشٌبٌ، شَسَبِيَ، 
سَبُدُ، سٍرٍبِيَ، سّبَنَيَ، 
هٌدِيَ، بَنِ، نُن بّنِنُ. 
كُنتِفِيٍ نَن يِ كِ؛ ثَرٌ سٌ، مٌوَبَ ثَشَتِ، عٍلَمَ، سَتُ، بَنِ، 
بُنِ، عَسِفَدِ، بِبَيِ، 
عَدٌنِيَ، بٍفِقَيِ، عَدِن، 
عَتّرِ، شٍسٍكِيَ، عَسُرُ، 
هٌدِيَ، شَسُمَ، بٍسٍيِ، 
شَرِقِ، عَنَتْتِ، نٍبَيِ، 
مَفَثِيَسِ، مٍسُلَمَ، شٍسِرِ، 
مٍسٍسَبٍلِ، سَدْكِ، يَدُوَ، 
ثّلَتَيَ، هَنَن، عَنَيَ، 
هٌسٍيَ، شَنَنِيَ، شَسُبُ، 
هَلٌشٍسِ، ثِلِشَ، سٌبٍكِ، 
رٍشُمِ، شَسَبَنَ، مَاسٍيَ، 
عَهَيَ، هَنَن، عَنَن، 
مَلُكُ، شَرِ مَ، نُن بَاننَ. 
«حَمَ دْنشْي بِرِن، سّرّشّدُبّيٍ، لٍوِكَيٍ، نَادّ مَكَنتّيٍ، بّيتِبَيٍ، هْرْ مْبَنشِ وَلِكّيٍ، نُن مِشِ نَشٍيٍ بِرِن مِنِ سِ فبّتّيٍ يَ مَ عٍ بِرَ عَلَ شَ سّرِيّ قْشْ رَ، عٍ شَ فِنّيٍ، عٍ شَ دِ شّمّيٍ، عٍ شَ دِ فِنّيٍ، نُن مِشِ نَشٍيٍ بِرِن قٍ قَهَامُمَ، 
نٍيٍ بِرِن نَشَ كَقُ عٍ نفَشَكٍرٍنيِ كُنتِفِيٍ مَ. عٍ نَشَ عٍ رَكَلِ عٍ شَ بِرَ عَلَ شَ سّرِيّ قْشْ رَ، عَلَ شَ كٌنيِ مُنسَ نَشَن قِشِ عٍ مَ، عٍ شَ عٍ مَرِفِ عَلَتَلَ شَ يَامَرِ، عَ شَ مَسٍنيِ، نُن عَ شَ سّرِيّ بِرِن نَبَتُ.» 
«مُشُ نَشَ نَتّ تٌنفٌ مُشُ شَ تٌندِ مُشُ شَ دِيٍ قِدٍ يِ بْشِ مِشِيٍ مَ. مُشُ قَن شَ تٌندِ عٍ شَ دِ فِنّيٍ قٍندٍ مُشُ شَ دِ شّمّيٍ بّ. 
مُشُ مُ سٍسٍ سَرَ مَ مَلَبُي لْشْييٍ نُن سَلِ لْشْييٍ، يِ بْشِ مِشِيٍ قَمَ نَشٍيٍ رَ عَلْ مّنفِ، شَ نَ مُ عَ رَ سٍ فبّتّ. حّ سٌلٌقٍرٍ ندٍ بِرِن نَ، مُشُ مُ بْشِ رَوَلِمَ، مُشُ مَن دِحّمَ نّ دٌنِيٍ بِرِن مَ. 
حّ يٌ حّ مُشُ شَ فبٍتِ ندٍ بَ، عَ شَ رَوَلِ مُشُ مَرِفِ عَلَ شَ هْرْ مْبَنشِ كُي، 
عَلْ سّرّشّ تَامِ، سَنسِ شْرِ نَشٍيٍ بَمَ سّرّشّ رَ لْشْ يٌ لْشْ، سّرّشّ فَن دَاشِ نَشٍيٍ بَمَ لْشْ يٌ لْشْ، نَشٍيٍ بَمَ مَلَبُي لْشْييٍ، نَشٍيٍ بَمَ كِكٍ نّينّ تِ لْشْييٍ، نَشٍيٍ بَمَ سَلِ لْشْييٍ، نَشٍيٍ بَمَ سّنِيّنيِ شَ قٍ رَ، نَشٍيٍ بَمَ عِسِرَيِلَ شَ يُنُبِ شَقَرِقٍ رَ، عَ نُن وَلِ نَشَن بِرِن نَبَمَ مُشُ مَرِفِ عَلَ شَ بَنشِ كُي.» 
«سّرّشّدُبّيٍ، لٍوِكَيٍ، نُن حَمَ بِرِن نَشَ نَتّ تٌنفٌ عَلَ شَ مَلِ رَ، شَبِلّيٍ نَشٍيٍ قَمَ يٍفٍ رَ عَ وَشَتِ كِ مَ، نَشَن فَنمَ عَلَ شَ بَنشِ كُي، عَلْ عَ سّبّشِ كِتَابُي كُي كِ نَشّ. 
مُشُ نَشَ نَتّ تٌنفٌ حّ يٌ حّ مُشُ شَ مُشُ شَ بْشِ دَشَمُي سِنفٍيٍ نُن مُشُ شَ سَنسِ بٌفِ سِنفٍيٍ شَنِن عَلَتَلَ شَ بَنشِ. 
مُشُ مَن شَ مُشُ شَ دِ شّمّ سِنفٍيٍ نُن مُشُ شَ شُرُ سٍ دِ سِنفٍيٍ شَنِن سّرّشّدُبّيٍ شْن مَ، مُشُ مَرِفِ عَلَ شَ بَنشِ كُي، عَلْ عَ سّبّشِ كِتَابُي كُي كِ نَشّ.» 
«مُشُ نَشَ نَتّ تٌنفٌ، مُشُ شَ مُشُ شَ قَرِن شُن سِنفٍيٍ، سَنسِ بٌفِ سِنفٍيٍ، وّنِ نّينّ، نُن تُرٍ نّينّ شَنِن مُشُ مَرِفِ عَلَ شَ هْرْ مْبَنشِ بِلِيٍ كُي سّرّشّدُبّيٍ بّ. مُشُ مَن شَ قَرِلّ قِ لٍوِكَيٍ مَ. عٍ لُمَ سِفَ رَ نَ قَرِلّ قْشْ رَ مُشُ وَلِمَ دّننَشّ. 
عٍ شَ نَ رَبَ هَرُنَ بْنسْي سّرّشّدُبّ ندٍ يَ شْرِ. عٍ شَ قَرِلّ بَ نَ قَرِلّ نَن كُي، عٍ قَ نَ تَن شَنِن هْرْ مْبَنشِ بِلِيٍ كُي، دَشَمُي رَفَتَمَ دّننَشّ. 
عِسِرَيِلَكَيٍ نُن لٍوِكَيٍ شَ نَ مّنفِ، وّنِ نّينّ، نُن تُرٍ نّينّ شَنِن نَ بِلِيٍ كُي هْرْ مْبَنشِ شَ سٍيٍ سَشِ دّننَشّ. سّرّشّدُبّيٍ، نَادّ كَنتَيٍ، نُن بّيتِبَيٍ قَن نَ مّننِ نّ. مُشُ مُ مُشُ مَرِفِ عَلَ شَ هْرْ مْبَنشِ رَبٌلٌمَ!»