عَننَبِ نٍهٍمِ. 12. سّرّشّدُبّيٍ نُن لٍوِكَيٍ نَن يِ كِ، نَشٍيٍ فبِلٍن دَرِ سَلَمُ عٍ نُن سَلَتِيٍلِ شَ دِ سٌرٌبَبٍلِ نُن يٍسُوَ رَ؛ سٍرَيَ، يٍرٍ مِ، عٍسِدِرَ سِ، عَمَرَيَ، مَلُكُ، شَتُسِ، سّكَنَيَ، رٍشُمِ، مٍرٍ مٌتِ، عِدٌ، فِنّتْن، عَبِيَ، مِيَمِن، مٌوَدِيَ، بِلِفَ، سٍمَيَ، يٌيَرِبُ، يّدَيَ، سَلُ، عٍمْكِ، شِلِكِيَ، نُن يّدَيَ. سّرّشّدُبّ كُنتِفِيٍ نَن نَ كِ، نُن عٍ نفَشَكٍرٍنيِ نَشٍيٍ نُ نَ يٍسُوَ شَ وَشَتِ. لٍوِكَيٍ نَن يِ كِ؛ يٍسُوَ، بِنُوِ، كَدَ مِيّلِ، سٍرٍبِيَ، يُدَيَ، نُن مَتَنِيَ. عٍ نُ قِندِشِ بّيتِبَ مَنفّيٍ نَن نَ. عٍ نفَشَكٍرٍنيِيٍ بَكِبُكِيَ نُن عُننِ نُ تِمَ عٍ يَ رَ نَ وَلِ كُي. يٍسُوَ قِندِ نّ يٌيَكِمَ بَبَ رَ. يٌيَكِمَ قِندِ نّ عٍلِيَسِبُ بَبَ رَ. عٍلِيَسِبُ قِندِ نّ يٌيَدَ بَبَ رَ. يٌيَدَ قِندِ نّ يٌنَتَن بَبَ رَ. يٌنَتَن قِندِ نّ يَدُوَ بَبَ رَ. يٌيَكِمَ شَ وَشَتِ، سّرّشّدُبّ شَبِلّيٍ نُن عٍ شُنيِيٍ نَن يَ؛ مٍرَيَ نَن قِندِ سٍرَيَ شَبِلّ شُنيِ رَ. شَنَنِيَ نَن قِندِ يٍرٍ مِ شَبِلّ شُنيِ رَ. مٍسُلَمَ نَن قِندِ عٍسِدِرَ سِ شَبِلّ شُنيِ رَ. يٍهٌشَنَن نَن قِندِ عَمَرَيَ شَبِلّ شُنيِ رَ. يٌنَتَن نَن قِندِ مَلُكُ شَبِلّ شُنيِ رَ. يُسُقُ نَن قِندِ سّبَنَيَ شَبِلّ شُنيِ رَ. عَدِنَ نَن قِندِ شَرِ مَ شَبِلّ شُنيِ رَ. شّلّكَيِ نَن قِندِ مٍرَيٌتِ شَبِلّ شُنيِ رَ. سَكَرِ نَن قِندِ عِدٌ شَبِلّ شُنيِ رَ. مٍسُلَمَ نَن قِندِ فِنّتْن شَبِلّ شُنيِ رَ. سِكِرِ نَن قِندِ عَبِيَ شَبِلّ شُنيِ رَ. ثِلِتَيِ نَن قِندِ مِنيَمِن نُن مٌوَدِيَ شَبِلّ شُنيِ رَ. سَمُوَ نَن قِندِ بِلِفَ شَبِلّ شُنيِ رَ. يٍهٌنَتَن نَن قِندِ سٍمَيَ شَبِلّ شُنيِ رَ. مَتٍنَيِ نَن قِندِ يٌيَرِبُ شَبِلّ شُنيِ رَ. يُسَيِ نَن قِندِ يّدَيَ شَبِلّ شُنيِ رَ. كَلَيِ نَن قِندِ سَلَيِ شَبِلّ شُنيِ رَ. عٍبٍرِ نَن قِندِ عٍمٍكِ شَبِلّ شُنيِ رَ. شَسَبِيَ نَن قِندِ شِلِكِيَ شَبِلّ شُنيِ رَ. نٍتَنٍيلِ نَن قِندِ يّدَيَ شَبِلّ شُنيِ رَ. سّرّشّدُبّ شِلِيٍ نُن لٍوِكَ دٍنبَيَ كَنيِيٍ شِلِيٍ نُ سّبّشِ عٍلِيَسِبُ، يٌيَدَ، يٌنَتَن، نُن يَدُوَ شَ وَشَتِ، ثٍرِ سٍ مَنفّ دَرِيُسِ شَ مَنفّيَ بُن مَ. لٍوِكَ دٍنبَيَ كَنيِيٍ شِلِيٍ نُ سّبّشِ تَرُشُي بُكِ كُي هَن عٍلِيَسِبُ شَ مَمَدِ يٌنَتَن شَ وَشَتِ. لٍوِكَيٍ شَ مَنفّيٍ شَسَبِيَ، سٍرٍبِيَ، كَدَ مِيّلِ شَ دِ يٌسُوٍ، نُ عَلَتَلَ مَتْشْمَ تّمُي نَشّ، عٍ نفَشَكٍرٍنيِيٍ نُ تِشِ عٍ يَ عِ، عَلْ عَلَ شَ مِشِ دَوُدَ عَ يَمَرِ كِ نَشّ. مَتَنِيَ، بَكِبُكِيَ، عَبَدِيَسِ، مٍسُلَمَ، تَلَمْن، نُن عَكُبُ نُ هْرْ مْبَنشِ نَادّيٍ كَنتَمَ، يٌسُوٍ شَ دِ يٌيَكِمَ شَ وَشَتِ كُي، يٌسَدَكِ شَ مَمَدِ. نَ وَشَتِ نٍهٍمِ نَن نُ نَ فٌمِنَ رَ، عٍسِدِرَ سِ نَن نُ نَ سّرّشّدُبّ نُن سّرِيّ كَرَ مْشْ رَ. دَرِ سَلَمُ تّتّ رَبِ، عٍ شّيرَيٍ شّي نّ لٍوِكَيٍ بِرِن مَ يُدَيَ بْشِ مَ، عَلَكٌ عٍ شَ قَ دَرِ سَلَمُ حّلّشِن شُلُنيِ تِدٍ بّيتِيٍ رَ، نَشٍيٍ بَمَ مَشَ سٍيٍ نُن كْرَ مْولِ ندٍيٍ شُي رَ. بّيتِبَيٍ نَشَ قَ كٍلِقٍ دَرِ سَلَمُ قَرِ مَ، عَ نُن نٍتٌقَ قْشْييٍ رَ، بٍتِ فِلِفَلِ، فٍبَ، نُن عَسَمَقٍتِ. سّرّشّدُبّيٍ نُن لٍوِكَيٍ نَشَ عٍ يّتّ رَ سّنِيّن، عٍ مَن نَشَ حَمَ، نُن تَا نَادّيٍ نُن تَا تّتّ قَن نَسّنِيّن. ﭑ نَشَ يُدَيَ مَنفّيٍ رَتٍ تّتّ كْن نَ. ﭑ مَن نَشَ بّيتِبَ حَمَ قِرِن سُفَندِ. حَمَ سِنفٍ شَ حّرّ تّتّ كْن نَ يِرٍقَنيِ مَ، شُرُ سٍ نَادّ مَبِرِ. هٌسَيَ نُن يُدَيَ مَنفّيٍ سّيتِ نَشَ بِرَ يِ حَمَ قْشْ رَ، عٍ نُن عَسَرَيَ، عٍسِدِرَ سِ، مٍسُلَمَ، يُدَ، بُنيَمِن، سٍرَيَ، يٍرٍ مِ، سّرّشّدُبّ نَشٍيٍ قٍرِ قٍمَ، يٌنَتَن شَ دِ سَكَرِ، نَشَن بٍنبَيٍ قِندِشِ سٍمَيَ، مَتَنِيَ، مِكٍ، سَبُدُ، نُن عَسَقِ رَ. سَكَرِ نفَشَكٍرٍنيِيٍ سٍمَيَ، عَسَرّلِ، مِلَلَيِ، فِلَلَيِ، مَايِ، نٍتَنٍيلِ، يُدَ، نُن شَنَنِ نَشَ بِرَ عٍ قْشْ رَ. دَوُدَ شَ بّيتِبَسٍيٍ نُ نَ عٍ يِ رَ. سّرِيّ كَرَ مْشْ عٍسِدِرَ سِ نَن نُ نَ عٍ شَ يَرٍرَتِ رَ. عٍ تٌ دُلٌنيِ نَادّ لِ، عٍ نَشَ تٍ دَوُدَ شَ تَا كُي تّتّ كْن نَ. عٍ نَشَ دَنفِ دَوُدَ شَ بَنشِ رَ هَن عٍ سَ يٍ نَادّ لِ سٌفٍتٍدٍ بِرِ. نَ حَمَ قِرِن ندٍ نَشَ سِفَ كْولَ مَ. ﭑ نَشَ بِرَ عٍ قْشْ رَ تّتّ كْن نَ، مُشُ نُن حَمَ دْنشْي. مُشُ نَشَ مِنِ يِرٍ مَكَنتَشِ رَ نَشَن شِلِ تَامِ فَندٍ، مُشُ نَشَ سِفَ هَن تّتّ عِفبٌدٍ. مُشُ نَشَ مِنِ عٍقِرَ مِ نَادّ رَ، نَادّ قٌرِ، يّشّ نَادّ، شَنَنّلِ يِرٍ مَكَنتَشِ، مٍيَ يِرٍ مَكَنتَشِ، هَن مُشُ يّشّييْرّ نَادّ لِ. مُشُ نَشَ تِ فٍيلِ نَادّ يَ رَ. نَ حَمَ قِرِنيِ نَشَ تِ عَلَ شَ بَنشِ كُي. ﭑ تَن نُن كِيتِسَيٍ نُ نَ، نُن سّرّشّدُبّيٍ عٍلِيَكِن، مَاسٍيَ، مِنيَمِن، مِكٍ، عٍلِيٌوٍنَيِ، سَكَرِ، نُن شَنَنِيَ. قٍرِيٍ قَن نُ نَ عٍ يِ رَ. سّرّشّدُبّيٍ مَاسٍيَ، سٍمَيَ، عٍلٍيَسَرِ، عُسِ، يٍهٌشَنَن، مَلَكِيَ، عٍلَمَ، نُن عٍسٍرِ قَن نُ نَ. يِسِرَشَيَ نَن نُ نَ بّيتِبَيٍ شَ مَنفّ رَ. حَمَ نَشَ سّرّشّ فبٍفبٍ بَ سّيوّ كُي بَرِ مَ عٍ مَرِفِ عَلَ نُ بَرَ عٍ رَ سّيوَ. فِنّيٍ نُن دِ مّيٍ قَن نُ سّيوَشِ. نَ حّلّشِنيِ شُي نَشَ سِفَ يِرٍ مَكُيٍ. نَ لْشْي مُشُ نَشَ شّمّيٍ سُفَندِ نَشٍيٍ بِلِيٍ كَنتَمَ، سّرّشّ بٌفِسٍ سِنفٍيٍ نُن قَرِلّ رَفَتَمَ دّننَشّ. يِ شّمّيٍ لَن نّ عٍ شَ سَنسِ بٌفِ سِنفٍيٍ شُن لَن، نَشٍيٍ قِشِ سّرّشّدُبّيٍ نُن لٍوِكَيٍ مَ، كٍلِقٍ شّيٍ مَ عَلْ عَ سّبّشِ كِتَابُي كُي كِ نَشّ. يُدَيَكَيٍ نُ بَرَ حّلّشِن سّرّشّدُبّيٍ نُن لٍوِكَيٍ شَ وَلِ رَ. عٍ نَشَ عٍ مَرِفِ عَلَ شَ وَلِ رَبَ عَ قَن يِ رَ. عٍ تَن، بّيتِبَيٍ، نُن نَادّ مَكَنتّيٍ نُ عٍ رَ سّنِيّنمَ عَلْ دَوُدَ نُن عَ شَ دِ سُلٍمَنِ عَ مَسٍنشِ كِ نَشّ. دَوُدَ نُن عَسَقِ شَ وَشَتِ، بّيتِبَ مَنفّيٍ نُ نَ نَشٍيٍ نُ عَلَ مَتْشْمَ سُوكِيٍ نُن تَنتُييٍ رَ. سٌرٌبَبٍلِ نُن نٍهٍمِ شَ وَشَتِ، عِسِرَيِلَ بِرِن نُ بَلٌي سٌمَ بّيتِبَيٍ، نَادّ مَكَنتّيٍ، لٍوِكَيٍ، سّرّشّدُبّيٍ، نُن هَرُنَ شَ دِيٍ يِ رَ لْشْي بِرِن.