عَيُبَ.
16.
عَيُبَ نَشَ عَ يَابِ، 
«ﭑ بَرَ وٌ شَ مَسٍنيِ مَنِيّ فبٍفبٍ مّ. وٌ مُ قَتَ مِشِ مَدُندُدٍ. 
وٌ شَ مَسٍنيِيٍ مَنِيَ قٌيٍ رَ. عٍ حْنمَ تّمُي مُندُن؟ ﭑ مَ يَابِيٍ بَرَ وٌ رَشْنْ؟ 
شَ وٌ تَن نَن نُ نَ تْورْقٍ، ﭑ تَن قَن نُ نْمَ وْيّندٍ نّ عَلْ وٌ تَن، ﭑ وٌ تْوحّفّ، ﭑ يٌ وٌ مَ. 
كْنْ ﭑ تَن مُ نُ نَ رَبَمَ، ﭑ وٌ سّنبّ سٌمَ ﭑ مَ وْيّنيِيٍ نَن نَ نُ، ﭑ دّ وٌ رَلِمَنِيَ.» 
«ﭑ مَ وْيّنيِ مُ ﭑ مَ تْورّ بَمَ، ﭑ مَ سَبَرِ قَن مُ عَ مَكُيَمَ ﭑ نَ. 
يَكْسِ قَ، ﭑ بَرَ تَفَن. عَلَ، عِ بَرَ ﭑ مَ دٍنبَيَ بِرِن هَلَكِ. 
عِ بَرَ ﭑ قَتٍ بِرِن بَ ﭑ مَ، نَ بَرَ قِندِ سٍيدٍ رَ ﭑ شِلِ مَ. 
عَلَ شَ شْنّ بَرَ دُتُن ﭑ مَ، عَ بَرَ ﭑ تْورْ عَ حَاشِ رَ، عَلْ ﭑ يَشُي نْمَ عَ رَبَدٍ كِ نَشّ. 
ﭑ يَشُييٍ قٍ حَاشِ قَلَمَ ﭑ مَ قٍ رَ، عٍ ﭑ نَيَافِمَ، عٍ ﭑ بْنبْمَ. عٍ بِرِن عٍ مَلَنمَ ﭑ شِلِ مَ. 
عَلَ مُ ﭑ نَتَنفَ قٌنِكٍ كَرِنشِيٍ مَ، عَ ﭑ سٌ مِشِ حَاشِيٍ يِ رَ. 
ﭑ نُ بْحّسَ نَن كُي، كْنْ عَ نَشَ ﭑ سُشُ، عَ ﭑ عِمَشَ، عَ ﭑ شُن نَكَنَ. ﭑ بَرَ لُ عَلْ سٍ عَ لُمَ نَشَن بْنبْ رَ. 
عَ شَ تَنبّيٍ ﭑ نَبِلِنشِ يِرٍ بِرِن، عٍ بَرَ ﭑ بْحّ سْشْ كِنِكِنِتَرٍحَ كُي، عٍ ﭑ قُرِنفّيٍ رَ مِنِ كّنّ مَ. 
عَ ﭑ فٍرٍ مَ عَلْ فٍرٍ سٌي شَاحّ. 
ﭑ بَرَ سُننُن دٌنمَ رَفٌرٌ ﭑ قَتٍ مَ، ﭑ بَرَ ﭑ شُن سِن بْشِ مَ. 
وَ بَرَ ﭑ يَيٍ فبٍيلِ، سَيَ بَرَ مَكْرّ ﭑ نَ. 
كْنْ ﭑ مُ قٍ حَاشِ يٌ رَبَشِ. ﭑ نُ عَلَ مَشَندِ مَ سّنِيّنيِ نَن كُي. 
بّندّ، عِ نَشَ دُ سُ ﭑ وُلِ شُن نَ، عَ لُ ﭑ وَ شُي شَ مَكّنّن يِرٍ بِرِن.» 
«كٍلِقٍ يَكْسِ مَ قَ، ﭑ مَ سٍيدٍ نَ كٌورٍ مَ، ﭑ شُنمَقَلَمَ نَ يِرٍ عِتٍشِ. 
ﭑ بٌورٍيٍ نَ يٌقٍ ﭑ مَ، كْنْ ﭑ نَن ﭑ مَوَ مَ عَلَ نَن بّ. 
ﭑ سٍيدٍ شَ ﭑ شُن مَقَلَ عَلَ شْن مَ، عَلْ مِشِ عَ بٌورٍ شُن مَقَلَمَ كِ نَشّ، 
عَ شَ ﭑ شُن مَقَلَ بَرِ مَ عَ فبٍ مُ لُشِ ﭑ شَ سِفَ، ﭑ مُ فبِلٍنمَ سِفّ نَشَن كُي.»